Նիկոլայ Վելիկով
| Նիկոլայ Վելիկով | ||
|---|---|---|
 | ||
| Անձնական տեղեկություն | ||
| Սեռ՝ | արական | |
| Բնօրինակ անուն՝ | ռուս.՝ Николай Матвеевич Великов | |
| Մասնագիտացում՝ | գեղասահորդ և գեղասահքի մարզիչ | |
| Երկիր՝ |  Ռուսաստան | |
| Ծննդյան ամսաթիվ՝ | հունիսի 6, 1945 (78 տարեկան) | |
| Ծննդավայր՝ | Ներեխտա, Կոստրոմայի մարզ, ՌԽՖՍՀ, ԽՍՀՄ | |
Պարգևներ  և  | ||
Նիկոլայ Վելիկով ({{lang-ru|Николай Матвеевич Великов, հունիսի 6, 1945, Ներեխտա, Կոստրոմայի մարզ, ՌԽՖՍՀ, ԽՍՀՄ), գեղասահքի մարզիչ։ Նախկինում` խորհրդային գեղասահորդ, հանդես է եկել զուգապարով Լյուդմիլա Սինիցինայի (Վելիկովա) հետ։ ԽՍՀՄ սպորտի վարպետ։
Սպորտային կարիերա[խմբագրել | խմբագրել կոդը]
Նիկոլայ Վելիկովը չմուշկներով սկսել է սահել տասնհինգ տարեկանից, երբ նայել է «Серенада солнечной долины» ֆիլմը, որտեղ նկարահանվել է օլիմպիական եռակի չեմպիոն Սոնյա Հենին[1]։ Զույգ կազմելով Լյուդմիլա Սինիցինայի հետ` նա դարձել է սպորտի վարպետ։ Զույգը կանոնավոր կերպով մտավ ԽՍՀՄ-ի առաջին տասնյակ։ Նրանց լավագույն արդյունքը ԽՍՀՄ չեմպիոնատում հինգերորդ տեղն էր, իսկ միջազգային մրցաշարերում հանդես չեն եկել։ Ավելի ուշ բժշկական ցուցումներով Նիկոլայ Վելիկովն ավարտեց իր կարիերան և դարձավ նախկին զուգընկերուհու և կնոջ մարզիչը, ով զույգ կազմեց Անատոլի Եվդոկիմովի հետ։ Նրանց լավագույն արդյունքը 1972 թվականին ԽՍՀՄ գավաթի առաջնությունում երրորդ տեղն էր, իսկ 1973 թվականին ՌԽՖՍՀ առաջնությունում` երրորդ տեղը։ Կարիերայի ավարտից հետո Լյուդմիլա Վելիկովան, ինչպես և ամուսինը, սկսել է զբաղվել մարզչական գործունեությամբ[2]։
Մարզչական գործունեություն[խմբագրել | խմբագրել կոդը]
Կարիերայի ավարտից մի քանի տարի հետո Վելիկովները միջազգային ասպարեզ դուրս եկան որպես մարզիչներ։ Վելիկովների առաջին մարզչական հաջողությունը Մարինա Պապլավսկայա և Ալեքսեյ Պոգոդին զույգն էր, ովքեր պատանիների կարգում ԽՍՀՄ առաջնությունում դարձան հաղթողներ։ Միջազգային մրցաշարերում մեդալներ նվաճած առաջին զույգը Նելլի Չերվոտկինա և Վիկտոր Տեսլյա զույգն էր[1]։ Ընդհանուր հաշվով նրանց սաները պատանիների կարգում աշխարհի չեմպիոն են դարձել յոթ անգամ (Նատալյա Կրեստյանինա և Ալեքսեյ Տորչինսկի` երեք անգամ, Մարիա Պետրովա և Անտոն Սիխառուլիձե` կրկնակի, Նատալյա Շեստակովա և Պավել Լեբեդև, Մարիա Մուխորտովա և Մաքսիմ Տրանկով) և մեծահասակների կարգում` երկու անգամ (1994 թվականին` Շիշկովա-Նաումով[3] և 2000 թվականին` Պետրովա-Տիխոնով զույգերը[4]): Նիկոլայ Մատվեևիչը գերադասում է աշխատել պատանիների հետ[1]։ Շարունակում է զբաղվել մարզչական գործոունեությամբ։
Անձնական կյանքը[խմբագրել | խմբագրել կոդը]
Նիկոլայ Վելիկովը գրեթե քառասուն տարի ամուսնացած է իր նախկին զուգընկերուհու`Լյուդմիլա Սինիցինայի (Վելիկովա) հետ։ Նրանք ունեն աղջիկ և երեք թոռ։ Թոռները նույնպես զբաղվում են գեղասահքով[1]։
Կրթություն[խմբագրել | խմբագրել կոդը]
Պ. Ֆ. Լեսգաֆտի անվան ֆիզիկական կուլտուրայի, սպորտի և առողջապահության պետական համալսարան։
Պարգևներ և կոչումներ[խմբագրել | խմբագրել կոդը]
- ԽՍՀՄ սպորտի վարպետ
- Ռուսաստանի վաստակավոր մարզիչ
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 «Николай Великов: «Сильна партнерша — сильна пара»». Արխիվացված է օրիգինալից 2013 թ․ հոկտեմբերի 5-ին. Վերցված է 2018 թ․ փետրվարի 9-ին.
- ↑ Опечатка по Фрейду
- ↑ «Профиль пары Шишкова—Наумов на pairsonice.net». Արխիվացված է օրիգինալից 2007 թ․ հոկտեմբերի 7-ին. Վերցված է 2018 թ․ փետրվարի 9-ին.
- ↑ М.Петрова и А.Тихонов(անգլ.) Չմշկորդների միջազգային միության պաշտոնական կայքում