Նարեկ հայկական վարժարան (Լառնակա)
- Անվան այլ կիրառումների համար տե՛ս՝ Նարեկ հայկական վարժարան (այլ կիրառումներ)
Նարեկ հայկական վարժարան հուն․՝ Αρμενικού Γυμνασίου Ναρεκ | |
---|---|
Տեսակ | դպրոց |
Հիմնադրված է | 1909 |
Աշակերտներ | 25 |
Երկիր | Կիպրոս |
Հասցե | Կիպրոս, Լառնակա, Հայկական եկեղեցու փողոց 21 |
Կայք | gym-narek-lef.schools.ac.cy |
Նարեկ հայկական դպրոց (հուն․՝ Narek αρμενικό σχολείο), դպրոց Կիպրոսի Լառնակա քաղաքում։ Գտնվում է Լառնակայի կենտրոնում գտնվող Հայկական եկեղեցու փողոց 21 հասցեում՝ Սուրբ Ստեփանոս եկեղեցու հարևանությամբ։
Նկարագրություն[խմբագրել | խմբագրել կոդը]
Լառնակայի հայկական դպրոցն իր անունը կրում է ի պատիվ փիլիսոփա և աստվածաբան Գրիգոր Նարեկացու։ Այն գտնվում է Լառնակայի հայկական Սուրբ Ստեփանոսի տաճարի հարևանությամբ։ Դպրոցի ներկայիս շենքը կառուցվել է 1993-1995 թվականներին՝ Կիպրոսի կրթության նախարարության աջակցությամբ, և հանդիսավոր կերպով բացվել 1996 թվականի մայիսի 18-ին Կիպրոսի նախագահ Գլաֆկոս Կլերիդիսի կողմից[1]։ Դպրոցում ուսանում է մոտ 25 աշակերտ։ Մյուս երկու «Նարեկ» դպրոցների հետ միասին (Նիկոսիա, Լիմասոլ) Լառնակայի դպրոցը գտնվում է միացյալ տնօրենի կենտրոնացված ղեկավարության ներքո[2]։
Պատմություն[խմբագրել | խմբագրել կոդը]
Լառնակայի առաջին հայկական դպրոցը գործել է 1909 թվականին Ռեբեկա Կոմիտասյանի կողմից։ Ադանայի եպիսկոպոս Մուշեղ Սերոբյանը միջոցներ է նվիրաբերել դպրոցի փոքրիկ շենքի կառուցման համար, և դպրոցը կոչվել է «Մուշեղյան» ազգային վարժարան։ 1917 թվականին օրիորդ Հանեմի Երամյանը միջոցներ է նվիրաբերել եկեղեցուն կից մեկ այլ սենյակ կառուցելու համար։ Հայոց ցեղասպանությունից փրկված փախստականների մեծ հոսքի պատճառով առաջ եկավ ավելի մեծ շինության անհրաժեշտությունը։ 1923 թվականին Ադանայի կրթական միության կողմից կառուցվել է «Հայոց ազգային վարժարանը», իսկ 1926 թվականին Մելքոնյան կրթական հաստատության հիմնադիրներից Կարապետ Մելքոնյանի առատաձեռն ներդրմամբ դպրոցին ավելացվել է ևս մեկ հարկ։ Հին դպրոցի տարածքը ապաստան է տվել լիբանանահայ փախստականների, ովքեր Կիպրոս են եկել 1975-1990[1]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 Hadjilyra, Alexander-Michael (May 2009). «Booklet on the Armenians of Cyprus». Kalaydjian Foundation. Վերցված է 2011 թ․ հուլիսի 30-ին.
- ↑ ««Նարեկ» հայկական դպրոց». Արխիվացված է օրիգինալից 2016 թ․ մարտի 4-ին. Վերցված է 2015 թ․ փետրվարի 13-ին.