Նապոլեոն Ազիզյան

Նապոլեոն Ազիզյան;
Ծնվել է	հունվարի 17, 1946
Ծննդավայր	Երևան, Հայկական ԽՍՀ, ԽՍՀՄ
Մահացել է	նոյեմբերի 13, 2020 (74 տարեկան)
Քաղաքացիություն	ԽՍՀՄ և Հայաստան
Կրթություն	Երևանի պետական համալսարան (1971)
Մասնագիտություն	քաղաքական գործիչ և գործարար
Զբաղեցրած պաշտոններ	Հայաստանի Ազգային ժողովի պատգամավոր

Նապոլեոն Սուրենի Ազիզյան (հունվարի 17, 1946(1946-01-17), Երևան, Հայկական ԽՍՀ, ԽՍՀՄ - նոյեմբերի 13, 2020(2020-11-13)), հայ քաղաքական գործիչ, գործարար, Ազգային ժողովի 2-րդ, 3-րդ և 6-րդ գումարման պատգամավոր, «Ազգային միաբանություն» կուսակցության անդամ^[1]։

Կրթություն

Նապոլեոն Ազիզյանը 1971 թվականին ավարտել է Երևանի պետական համալսարանը՝ ստանալով ապրանքագետի որակավորում։

Աշխատանքային գործունեություն

1962-1964 թվականներին որպես բանվոր աշխատել է Երևանի թուղթ-ստվարաթղթի կոմբինատում, իսկ 1966-1976 թվականներին` առևտրի եւ հասարակական սննդի համակարգում։

1976-1982 թվականներին որպես նախ արտադրամասի վարիչ, արտադրության պետ, ապա նաև տնօրենի տեղակալ եղել է Երևանի պիտակ-փաթեթների կոմբինատում։ 1982-1983 թվականներին եղել է «Աջափնյակ» ունիվերսամի տնօրեն։ 1985 թվականին զբաղեցրել է «Բջնի» գործարանի տնօրեն։

Քաղաքական գործունեություն

1999-2003 թվականներին թիվ 22 ընտրատարածքից եղել է 2-րդ գումարման Ազգային Ժողովի պատգամավոր։

2003-2007 թվականներին Ազգային Միաբանություն կուսակցության համամասնական ցուցակով ընտրվել է 3-րդ գումարման ԱԺ պատգամավոր։ Եղել է ԱԺ ֆինանսավարկային, բյուջետային և տնտեսական հարցերի մշտական հանձնաժողովի անդամ^[2]։

2017 թվականի ապրիլի 2-ին Ծառուկյան կուսակցությունների դաշինքի թիվ 4 ընտրատարածքի տարածքային ընտրական ցուցակով ընտրվել է 6-րդ գումարման ԱԺ պատգամավոր։

Ամուսնացած է, ունի երեք զավակ^[1]։

Ծանոթագրություններ

[ԱԺ-1] 1,0 ^1,1 «Նապոլեոն Սուրենի Ազիզյանը ՀՀ ԱԺ պաշտոնական կայքում».

[2] «72-ամյա ԱԺ պատգամավոր Նապոլեոն Ազիզյանի կենսագրությունը». 2018-05-7 / 00 57.

[1]

[2]