Մորտեն Վելանդ
| Մորտեն Վելանդ | |
|---|---|
.jpg) | |
| Ծնվել է | դեկտեմբերի 4, 1977[1] (46 տարեկան) |
| Ծննդավայր | Սթավանգեր, Ռուգլան, Նորվեգիա[1] |
| Քաղաքացիություն |  Նորվեգիա |
| Մասնագիտություն | կոմպոզիտոր, հեղինակ-կատարող, երգիչ, դաշնակահար և կիթառահար |
 Morten Veland Վիքիպահեստում | |
Մորտեն Վելանդ (դեկտեմբերի 4, 1977[1], Սթավանգեր, Ռուգլան, Նորվեգիա[1]), երգիչ Նորվեգիայից, «Tristania» գոթիկ-մետալական խմբի հիմնադիրներից։
Նա տեքստերի հիմնական հեղինակն ու կոմպոզիտորն է[2], նա կիթառ էր նվագում և պատասխանատու էր վոկալի համար։ Խմբում երկու կիարժեք ալբոմներ ձայնագրելուց հետո Վելանդը լքեց խումբը` երաժշտական և սոցիալական բնույթի տարաձայնությունների համար[3]։
Հեռանալուց հետո Մորտենը ձևավորեց Sirenia խումբը, որը նույն ժանրի երաժշտություն էր կատարում և երաժշտական բոլոր պարտիաները ձայնագրվում էին Մորտենի կողմից։
2010 թվականին Մորտենը գովազդում էր իր նոր Mortemia նախագիծը, բնութագրելով այն որպես «մետալի և դասական երաժշտության հավասարակշռված միավորում»։ Բոլոր երգերի պրոդյուսերը, հնչյունային ռեժիսորը, հեղինակը և կատարողը հենց Վելանդն էր։ Mortemia-ի դեբյուտային ալբոմը` Misere Mortem, թողարկվել է 2010 թվականին[4]։
Կենսագրություն[խմբագրել | խմբագրել կոդը]
Uzi Suicide[խմբագրել | խմբագրել կոդը]
Մորտենի ծնողները շատ էին սիրում Լեոնարդ Կոենի արվեստը և անընդհատ լսում էին նրան։ Մորտենին նույնպես դուր էր գալիս այդ կատարողը և նա որոշեց երաժիշտ դառնալ։ Չորրորդ դասարանից նա սկսեց հաճախել դասական կիթառի դասերի, բայց շուտով այն նրան ձանձրացրեց և նա թողեց կիթառը։ Նրա հետաքրքրությունը վերածնվեց, երբ նա ծանոթացավ այնպիսի խմբերի ստեղծագործությանը, ինչպիսիք են Guns'n'Roses, Motley Crue, Metallica և այլն։ 1992 թվականին, 14 տարեկան հասակում Մորտենը գնուկ է իր առաջին էլէկտրոկիթառը։ Իր ընկերոջ թմբկահար Կենետ Օլսոնի (նորվ.՝ Kenneth Olsson) հետ ձևավորում են Uzi Suicide խումբը։ Սկզբում նրանք հայտնի խմբերի քովերներն էին նվագում, այնուհետև սկսում են ստեղծել իրենց նյութը։ 1994 թվականը բեկումնային էր Մորտենի համար, նա իր առջև բացեց բրիտանական գոթիկ-բեմը, որի վառ ներկայացուցիչներն են հանդիսանում Sisters of Mercy, Fields Of The Nephilim և The Mission: հենց 1994 թվականից էլ Մորտենն սկսում է փորձեր կատարել նոր ժանրում` փորձելով միավորել մետալը գոթիկական տարրերին, որոնք նրան շատ էին դուր եկել բրիտանական երաժշտության մեջ։ 1995 թվականին Մորտենին և Կենետուն միացավ ստեղնահար Էյնար Մոենը (նորվ.՝ Einar Moen), որից հետո խմբի անվանումը փոխվում է և դառնում Tristania: Uzi Suicide անվան տակ խումբը ոչինչ չի թողարկել[5][6]։
Tristania[խմբագրել | խմբագրել կոդը]
1997 թվականի մայիսին խմբում արդեն կային բասիստ` Ռունե Օստերհուսը (նորվ.՝ Rune Osterhus) և երկրորդ կիթառահար` Անդերս Հիդլեն (նորվ.՝ Anders Hoyvic Hidle): Հինգով նրանք վարձակալում են Klepp Lydstudio ստուդիան, որտեղ 3 օրվա ընթացքում ձայնագրում են 4 երգ` Tristania դեմո-ալբոմի համար։ Կանացի վոկալի ձայնագրման համար նրանք հրավիրում են Վիբեկե Ստենեին (նորվ.՝ Vibeke Stene), որը հետագայում դառնում է խմբի լիիրավ անդամ։ Դեմո-ալբոմի խմբաքանակը 500 էր, քանի որ թողարկվում էր երաժիշտների սեփական գումարով։ Սկավառակները տարածվել են տարբեր ձայնագրման ստուդիաներով, երաժշտական ամսագրերով և ռադիոհաղորդումներով։ Napalm Records-ը առաջարկել է պայմանագիր ստորագրել միանգամից երեք ալբոմների համար։ Պայմանագիրը կնքվում է ոչ թե խմբի, այլ առանձին անդամների հետ։ Այդ ժամանակ Մորտենը 19 տարեկան էր։ Առաջին ալբոմի համար երաժշտությունը գրել են Մորտենն ու Էյնարը։ Երկրորդ ալբոմի ձայնագրման ժամանակ Մորտենի դերը աստիճանաբար պակասում է, իսկ երրորդ ալբոմի ժամանակ տարաձայնություններ են առաջանում և 2001 թվականի մայիսի 7-ին Մորտենը լքում է խումբը[7][8][9]։
Elusive[խմբագրել | խմբագրել կոդը]
2001 թվականին Մորտենը միանում է Theatre of Tragedy-ից Թոմի Օլսոնի կողմից հիմնադրված Elusive գոթիկական ռոք նախագծին։ Որպես կիթառահար նա հանդես եկավ խմբի դեբյուտային ալբոմի ձայնագրությանը, արն անվանվում էր Destination Zero: Այն երաժշտական քննադատների կողմից հիացական արձագանքներ ստացավ։ Սակայն, չնայած ալբոմի հաջողությանը, նր դուրս գալուց հետո Մորտենը թողնում է կոլեկտիվը, որպեսզի հիմնադրի իր սեփական խումբը։
Sirenia[խմբագրել | խմբագրել կոդը]
Tristania-ից հեռանալուց հետո Մորտենը ստեղծում է Masters of Sirenia նախագիծը և շարունակում է ստեղծագործել գոթիկական մետալ ժանրում։ Շուտով նախագծի անվանումը կրճատվեց` դառնալով Sirenia: Ժամանակի հետ նախագիծը դառնում է լիարժեք խումբ և ներկայումս Մորտենի հիմնական խումբն է հանդիսանում։
Mortemia[խմբագրել | խմբագրել կոդը]
Sirenia-ի տեքստերի վրա աշխատելու ընթացքում, Մորտենի մոտ բազմաթիվ նյութ էր հավաքվել, որը չէր տեղավորվում Sirenia-ի ձևաչափում։ Այդ պատճառով էլ որոշում ընդունվեց այդ երգերը թողարկել հիմնական նախագծից դուրս։ 2009 թվականին Napalm Records լեյբլի ժամանակ թողարկվեց Mortemia անվանումով ալբոմը։
Սկավառակագրություն[խմբագրել | խմբագրել կոդը]
Tristania-ի կազմում[խմբագրել | խմբագրել կոդը]
- Tristania (1997, դեմո ալբոմ)
- Widow’s Weeds (1998)
- «Angina» (1999, սինգլ)
- Beyond the Veil (1999)
Elusive-ի կազմում[խմբագրել | խմբագրել կոդը]
- Destination Zero (2001)
Sirenia-ի կազմում[խմբագրել | խմբագրել կոդը]
- At Sixes and Sevens (2002)
- An Elixir for Existence (2004)
- Sirenian Shores (2004, մինի ալբոմ)
- «My Mind's Eye» (2007, սինգլ)
- Nine Destinies and a Downfall (2007)
- «The Path To Decay» (2008, սինգլ)
- The 13th Floor (2009)
- The Enigma of Life (2011)
- Perils of the Deep Blue (2013)
- «Seven Widows Weep» (2013, սինգլ)
- The Seventh Life Path (2015)
- Dim Days of Dolor (2016)
Mortemia-ի կազմում[խմբագրել | խմբագրել կոդը]
- Misere Mortem (2010)
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Deutsche Nationalbibliothek Record #135497280 // Gemeinsame Normdatei (գերմ.) — 2012—2016.
- ↑ «Домашняя страница Sirenia». Արխիվացված է օրիգինալից 2007 թ․ հոկտեմբերի 12-ին. Վերցված է 2016 թ․ նոյեմբերի 23-ին.
- ↑ «gothmetal.net, tristania». Արխիվացված է օրիգինալից 2011 թ․ հուլիսի 23-ին. Վերցված է 2016 թ․ նոյեմբերի 23-ին.
- ↑ Мортен Веланд на сайте Hitkiller.com
- ↑ «Мортен рассказывает о себе и о «The 13th Floor»» (անգլերեն). Արխիվացված օրիգինալից 2012 թ․ մարտի 1-ին. Վերցված է 2010 թ․ փետրվարի 20-ին.
- ↑ «Интервью с Мортеном Веландом» (ռուսերեն). Արխիվացված օրիգինալից 2012 թ․ մարտի 1-ին. Վերցված է 2010 թ․ փետրվարի 20-ին.
- ↑ «Биография Tristania» (ռուսերեն). Արխիվացված օրիգինալից 2012 թ․ մարտի 1-ին. Վերցված է 2010 թ․ մարտի 12-ին.
- ↑ «Биография Sirenia» (ռուսերեն). Արխիվացված օրիգինալից 2012 թ․ մարտի 1-ին. Վերցված է 2010 թ․ մարտի 12-ին.
- ↑ «Официальный MySpace-профильмMortemia» (անգլերեն). Արխիվացված օրիգինալից 2012 թ․ մարտի 1-ին. Վերցված է 2010 թ․ մարտի 12-ին.
Արտաքին հղումներ[խմբագրել | խմբագրել կոդը]
- Сайт Мортена Веланда(անգլ.)
 | Վիքիպահեստն ունի նյութեր, որոնք վերաբերում են «Մորտեն Վելանդ» հոդվածին։ |
| ||||||
