Մորաքույր Մարթա (հեռուստասերիալ)
Մորաքույր Մարթա | |
|---|---|
| Ժանր | սիթքոմ |
| Երկիր |  Ռուսաստան |
| Լեզու | ռուսերեն |
| Ռեժիսոր | Jevgenij Sjeljakin? |
| Գլխավոր դերերում | Վիտալիա Կոռնիենկո, Յուրի Կուզնեցով, Քրիստինա Ասմուս և Սերգեյ Եպիշև |
| Հեռուստաալիք | ՍՏՍ (հեռուստաընկերություն) |
| Ընկերություն | Art Pictures Studio |
«Մորաքույր Մարթա» — ռուսական կատակերգական հեռուստասերիալ՝ արտադրված «Art Pictures Vision»-ի կողմից՝ «BIack Box Production»-ի մասնակցությամբ։ Այն պատմում է մի փոքրիկ աղջկա մասին, ով միայնակ է հաղթահարում կյանքի դժվարությունները։ Սերիալի պրեմիերան տեղի է ունեցել 2022 թվականի հոկտեմբերի 3-ին ՍՏՍ ալիքով։
Սյուժե[խմբագրել | խմբագրել կոդը]
Իննամյա աղջիկը՝ Մարթան[1], ապրում է Մոսկվայում առանց ծնողների (ովքե՞ր են նրա ծնողները և որտե՞ ղ են անհայտ է)։ Աղջկա կողքին միայն պապիկն է, ով խնամքի կարիք ունի։ Մարթան բոլորից թաքցնում է իր ընտանեկան կարգավիճակը, որպեսզի չհայտնվի մանկատանը։ Նա ստիպված է մեծահասակ կյանք վարել, քանի որ բացի դպրոցական դասերից, նա ունի բազմաթիվ տնային գործեր։ Մի օր նրան այցելության է գալիս Կազանից բարեկամ Մարատը, որը նրանց հետ հաստատվում է նույն բնակարանում։ Սակայն նրա նպատակը աղջկա մասին հոգ տանելը չէ։ Մարատը մեծ գումար է պարտք, և իր պարտքերը փակելու համար որոշում է տիրանալ Մարթայի բնակարանին։
Հետագայում պարզվում է, որ Մարթայի իսկական անունը Իրինա է, և նա Վորոնեժի մանկատան նախկին սան է։ 7 տարեկանում Իրինան փախել է մանկատնից և հայտնվել Մոսկվայում, որտեղ նրան ապաստան է տվել Վասիլի Սամսոնովը, ով փաստացի դարձավ նրա պապիկ։
Աստիճանաբար Մարատի մոտ զգացմունքներ են ծնվում Մարթայի հանդեպ և հրաժարվում է նրա բնակարանի հետ կապված խարդախության մտքից։ Առաջին եթերաշրջանի վերջում նա դառնում է Մարթայի ու պապիկի խնամակալը, ինչպես նաև հայտնի է դառնում, որ Մարթան ունի երկվորյակ քույր՝ Յուլիա։
Դերերում[խմբագրել | խմբագրել կոդը]
Գլխավոր դերակատարներ[խմբագրել | խմբագրել կոդը]
| Դերասան | Դեր |
|---|---|
| Վիտալիա Կոռնիենկո | Մարթա Վիկտորովնա Սամսոնովա (իրական անուն՝ Իրինա Վալերյևնա Նիկոլիշինա) / Յուլիյա Վալերյևի Նիկոլիշինա |
| Ալեքսանդր Մատյոլկին | Մարատ Ալեքսեևիչ Ենիկեև Մարթայի «զարմիկ», Վասիլի Սամսոնովի հեռավոր բարեկամ, 17 սերիայից սկսված Մարթա և Վասիլի Սամսոնովների խնամակալ |
| Յուրի Կուզնեցով | Վասիլի Սեմյոնովիչ Սամսոնով Մարթայի «պապիկ», թոշակառու, նախկին զինվորական |
| Քրիստինա Ասմուս | Օլգա Վիկտորիվնա Մարթայի դասատու, դասղեկ, Մարատի ընկերուհի |
| Սերգեյ Եպիշև | Իլյա Սերգեևիչ Աքսյոնով դերասան-անհաջողակ, Մարթայի հարևան |
| Վալերիա Զոիդովա | Անտոնինա Կալյասինա (Տոնյա) ոստիկանության լեյտենանտ, շրջանային կոմիսար, Մարատի սիրելի |
| Ալեքսանդր Գոլուբկով | Դմիտրի Նիկոլաևիչ (Դիմոն) Մարատի ծանոթ, նախկին բանտարկյալ |
Երկրորդական դերակատարներ[խմբագրել | խմբագրել կոդը]
| Դերասան | Դեր |
|---|---|
| Եկատերինա Կաբակ | Մելանի Մարթայի դյութիչ հարևանուհի |
| Իգոր Օգուրցով | Խոլոդցով Տոնյայի ընկեր/նախկին ընկեր, ոստիկան |
| Ալեքսանդր Յացկո | Վիկտոր Սերգեյիչ Օլգա Վիկտորովնայի հայր, շոկոլադի գործարանի տնօրեն |
| Վլադիմիր Լևչենկո | Կիրիլ Մարթայի դասընկեր |
| Վլադիմիր Յագանով | Ֆեդյա Մարթայի դասընկեր, բուլինգի զոհ |
| Ալեքսանդրա Շիչկո | Արինա Մարթայի դասընկերուհի |
| Վերա Օստրովսկայա | Դաշա Մարթայի դասընկերուհի |
Էպիզոդիկ դերակատարներ[խմբագրել | խմբագրել կոդը]
| Դերասան | Դեր |
|---|---|
| Իլյա Լիկով | Բորիս Ալեքսանդրովիչ Դպրոցի հոգեբան (2, 17 սերիաներ) |
| Ալեքսեյ Ժիրով | Միխայիլ Յուրևիչ Դպրոցի տնօրեն (2, 4 սերիաներ) |
| Նատալյա Նոզդրինա | Կիրիլի մայրիկ (3 սերիա) |
| Ստեփան Աբրահամով | Կիրիլի հայրիկ (3, 10 սերիա) |
| Պոլինա Պլյուտինա | ավագ դպրոցական, պիեսում փերիի դերակատար (4 սերիա) |
| Արտյոմ Բեշենին | Եգորով ավագ դպրոցական (4 սերիա) |
| Կարինա Խիսմատուլինա | Սվետա ավագ դպրոցական, տնօրենի դուստր (4 սերիա) |
| Սվետլանա Ավիլովա | Պոլինա Անդրեևնա ուսմասվար (4 սերիա) |
| Գրիգորի Բագրով | բժիշկ |
| Եկատերինա Վինոգրադովա | Եկատերինա խնամակալության աշխատակից |
| Վյաչեսլավ Շենին | Արսենի խնամակալության աշխատակից |
| Անտոն Րիվալ | կուտյուրիեր (9 սերիա) |
| Յուլիա Մելնիկովա | Մարիաննա (9 սերիա) |
| Վալենտինա Սմոլնիկովա | Սվետլանա Վասիլի Սեմյոնովիչի հին ծանոթ (10 սերիա) |
| Անժելա Սելյանսկայա | Վիկտորի կին(11 սերիա) |
| Ելենա Դմիտրիևվա | Վիկտորի քարտուղարուհի (11 սերիա) |
| Ալեքսանդր Տերենտյև | հոգեբույժ (12 սերիա) |
| Եվգենի Պոտապենկո | Միխալիչ կոմունալ ծառայությունների աշխատող (14 սերիա) |
| Օլգա Անոխինա | Րաիսա Ալեքսանդրովնա Մարթայի հարևանուհի (14 սերիա) |
| Արինա Գլուշկովա | Վիկա Մուխինա Վորոնեժի մանկատան սան (15 սերիա) |
Հեռուստասերիալի արտադրություն[խմբագրել | խմբագրել կոդը]
Հեռուստասերիալի առաջին եթերաշրջանը նկարահանվել է 2021 թվականի դեկտեմբերից մինչև 2022 թվականի մարտը Մոսկվայում[2][3]։ Պրեմիերան տեղի է ունեցել 2022 թվականի հոկտեմբերի 3-ին։
Եթերաշրջանի վերջին տիտրերում հայտնվում են «Մեր տուն» ընտանիքի աջակցության կենտրոնի 16-ամյա սան Նինա Կոննովայի նկարները[4]։
Հեռուստասերիալը շարունակվել է երկրորդ սեզոնով[5], որի նկարահանումները սկսվել են 2023 թվականի ամռանը[6]։ Դրա պրեմիերան կկայանա 2024 թվականին։
Եթերաշրջաններ[խմբագրել | խմբագրել կոդը]
| Եթերաշրջան | Սերիա | Հեռարձակման շրջան | |
|---|---|---|---|
| 1 | 1—17 (17 սերիա) | Հոկտեմբերի 3 - հոկտեմբերի 27, 2022 թ | |
| 2 | TBA | TBA (2024) | |
Սերիաների ցանկ[խմբագրել | խմբագրել կոդը]
Առաջին եթերաշրջան[խմբագրել | խմբագրել կոդը]
| Սերիա № | Պրեմիերա | Սերիայի բնութագիր |
|---|---|---|
| 1 | 03.10.2022 | Մարթան ապրում է առանց ծնողների։ Նրա կողքին միայն պապիկն է, ով ինքը վերահսկողության կարիք ունի։ Որպեսզի չհայտնվի մանկատանը, աղջիկը ստիպված է թաքցնել ճշմարտությունը։ Ուսուցչուհին դպրոց է կանչում Մարթայի ծնողներին, և նա խնդրում է իր հարևանին՝ ով մասնագիտությամբ դերասան է, ձևանալ, որ վերջինս իր հայրն է։ Միևնույն ժամանակ Մարթային հյուրընկալվում է մի բարեկամ Կազանից ։ |
| 2 | 03.10.2022 | Դպրոցի հոգեբան Բորիս Ալեքսանդրովիչը Մարթային կասկածում է ստի մեջ և բողոքում է դպրոցի տնօրենին և դասղեկին, ովքեր մտադիր էին դիմել խնամակալության մարմիններին։ Մարթայի կեղծ հայրը՝ Մարատը, փրկում է դրությունը։ |
| 3 | 04.10.2022 | Կազանցի ազգականի վրա ճնշում են գործադրում, որպեսզի բնակարանը իրենով անի։ Մարատը համոզում է Մարթային գնալ համադասարանցի Կիրիլի ծննդյան խնջույքին, իսկ նա փորձում է բնակարանը գրանցել իր անունով, բայց պարզվում է, որ բնակարանի տերը պապիկը չէ։ |
| 4 | 05.10.2022 | Մարթայի ջանքերի շնորհիվ նրա դպրոցը հնարավորություն է ստանում հաղթելու ճամփորդություն դեպի Փարիզ։ Սակայն դպրոցի տնօրենը մրցույթին մասնակցելու նախապատվությունը տալիս է ավագ դպրոցի աշակերտներին։ Մարթան ամեն ինչ անում է դա կանխելու համար, քանի որ ուզում է գնալ մայրիկի մոտ։ |
| 5 | 06.10.2022 | Դիմոնին փակում են ոստիկանությունում, իսկ Մարատը ստիպված է սիրախաղ անել շրջանի ոստիկան Տոնյայի հետ, որպեսզի նա ազատի Դիմային։ Մրցույթը Մարթայի համար շատ կարևոր է, բայց համադասարանցիները դրան մասնակցությանը մեծ ցանկություն չեն ցուցաբերում։ Մարթան փորձում է համոզել նրանց։ |
| 6 | 10.10.2022 | Մարթան շատ դժգոհ է, որ Մարատը թույլ է տվել նոր վարձակալին տեղափոխվել իր բնակարան, քանի որ նրանք կարող էին բացահայտել իր գաղտնիքը, հատկապես, երբ այս չնախատեսված հարևանը ոստիկան է։ Մարթան ամեն ինչ անում է Տոնյային դուրս հանելու համար։ |
| 7 | 11.10.2022 | Մարթան պապիկից անձնագիր է խնդրում մոր մոտ գնալու համար, սակայն նա մերժում է։ Այնուհետև նա հրավիրում է իր հարևան Աքսյոնովին դառնալու իր խնամակալը, քանի որ նա չի դիտարկում Մարատի թեկնածությունը անվստահության պատճառով։ |
| 8 | 12.10.2022 | Մարատն ու Մարթան կասկածում են, որ Տոնյան կարող է բացահայտել իրենց գաղտնիքը և դիմել խնամակալության համար։ Մարատի սուտը հանգեցրեց նրան, որ իրենք պետք է տանեին Տոնյանին Մարթայի և Վասիլի Սեմյոնովիչի գոյություն չունեցող հողամաս։ |
| 9 | 13.10.2022 | Մարթայի մայրը Ֆրանսիայից գալիս է Մոսկվա՝ մասնակցելու նորաձևության ցուցադրությանը։ Աղջիկը մտադիր է ամեն կերպ հանդիպել նրան։ Մարատը, իմանալով այս նորության մասին, փորձում է կանխել դա և արկածախնդրության մեջ է մտնում բնապահպան ակտիվիստի հետ։ |
| 10 | 17.10.2022 | Մարթայի դասընկերները վիրավորում են իրա դասընկերոջը՝ Ֆեդյային։ Մարթան պաշտպանում է նրան։ Մարատը փնտրում է, թե ինչ կարող է վաճառել պապկի իրերից, և ավտոտնակում գտնում է հին մեքենա։ Մարթան տեսնում է Մարատի լավ վերաբերմունքը պապիկի նկատմամբ և որոշում է նրան իր խնամակալը դարձնել։ |
| 11 | 18.10.2022 | Մելանին մտադիր է սթրիմ անցկացնել Մարթայի մոր մասնակցությամբ։ Մարթան խնդրում է իրեն մասնակցել որպես համահաղորդավարուհի, սակայն բլոգերը մերժում է խնդրանքը՝ իր շան հետ կապված տհաճ իրավիճակից հետո։ Այնուհետև Մարթան մտածում է մեկ այլ գործելու ծրագիր։ |
| 12 | 19.10.2022 | Մարթայի պապիկի մոտ նոր բժիշկ պետք է այցելի վերահսկողական հետազոտության համար, բայց հենց այդ օրը Վասիլի Սեմյոնովիչը հրաժարվում է դեղահաբերը ընդունել և ապստամբություն է սկսում։ Մարթան Մարատին ուղարկում է հիվանդանոց՝ ողջամտության վկայական ստանալու համար, որպեսզի նրան պաշտոնապես խնամակալ նշանակեն։ |
| 13 | 20.10.2022 | Խնամակալության հանձնաժողովը պատրաստվում է գալ Մարթայի բնակարան՝ ստուգելու, թե ինչ պայմաններում է նա ապրում։ Մարթայի պապիկը պատահաբար ձայնագրում է Մարատի և Դիմայի խոսակցությունը, թե ինչպես են նրանք որոշում տիրանալ բնակարանին։ Վասիլի Սեմյոնովիչը թաքցնում է ձայնագրության ժապավենը, սակայն հետագայում մոռանում է դրա գտնվելու վայրը։ |
| 14 | 24.10.2022 | Մարթան գտնում է պապի թաքցրած ժապավենը և պարզում, որ Մարատը ցանկանում է տիրանալ իր և պապիկի բնակարանին։ Նա փորձում է ոճրագործին պատժել և այդ հարցում նրան օգնում է իրենց խիստ հարևան՝ Ռաիսա Ալեքսանդրովնա։ |
| 15 | 25.10.2022 | Մարթան վտանգի մեջ է՝ քայլելիս պատահաբար հանդիպում է մանկատան ընկերուհուն՝ Վիկային, ով կարող է բացահայտել իր գաղտնիքը։ Վիկան աներեսաբար գնաց աղկա հետևից դեպի տուն։ Մարթան պարզում է, որ Ֆրանսիայի մոդելն իր մայրը չէ։ |
| 16 | 26.10.2022 | Մարթան Մարատին ասում է, որ գիտի նրա ծրագրի մասին և նրան դուրս է հանում տնից։ Պապիկին տեղափոխում են հիվանդանոց, իսկ Մարթան նորից մանկատանն է հայտնվում։ Դիման ու Մարատը փորձում են գումարային խաբել Օլգայի հորը։ |
| 17 | 27.10.2022 | Մարթայի դրությունը դառնում է անելանելի, և նա ռիսկի է դիմում Մարատին տուն վերադարձնելով։ Մարատը փաստաթղթեր է ներկայացնում Մարթայի և պապիկի նկատմամբ խնամակալություն ստանալու համար։ Մինչդեռ Դիմոնը դեռ պահանջում է Մարատից վերադարձնել պարտքը։ |
Սերիալի մասին կարծիք[խմբագրել | խմբագրել կոդը]
- Մարիյա Բաբաևա, «Կինոաֆիշա»-յի գրախոսություն՝
|
…ջերմ մթնոլորտ և պատմություն, որում տարբեր մարդիկ պետք է դառնան իսկական ընտանիք։ Մնացածը հիմնված է լավ հումորի և հիանալի դերասանական կազմի վրա[7]։ | 
|
Հեռուստասերիալը բարձր գնահատականի է արժանացել «ԿինոՊոիսկ»-ում՝ 10-ից 8,3[8]։
Մրցանակներ[խմբագրել | խմբագրել կոդը]
- 2022 թվականի դեկտեմբերին հեռուստասերիալը ստացավ «Самый ОК» մրցանակը «Տարվա սերիալ» անվանակարգում[9]։
- 2022 թվականի դեկտեմբերին «Patriki Film Festival»-ում հեռուստասերիալը մրցանակ ստացավ՝ տարվա գլխավոր սոցիալական կինոնախագիծ[10]։
Ծանոթագրություններ[խմբագրել | խմբագրել կոդը]
- ↑ Родилась 8 апреля 2012 года. Источник: 14 серия, 23:45.
- ↑ Вита Корниенко станет взрослой «Тётей Мартой» на СТС Արխիվացված 2022-10-13 Wayback Machine // InterMedia, 15 декабря 2021
- ↑ Национальная Медиа Группа: Завершились съёмки комедийного импакт-сериала «Тётя Марта» // ВКонтакте, 13 марта 2022
- ↑ Создатели сериала «Тётя Марта» поддержали фонд «Измени одну жизнь» Արխիվացված 2022-10-26 Wayback Machine // Известия, 26 октября 2022
- ↑ СТС продлевает «Тётю Марту» на 2-й сезон Արխիվացված 2023-03-08 Wayback Machine // Telegram, 7 марта 2023
- ↑ В производство запущен второй сезон хитового сериала «Тётя Марта» Արխիվացված 2023-08-21 Wayback Machine // Киноафиша, 21 августа 2023
- ↑ ««Тётя Марта»: Рецензия Киноафиши». Киноафиша. 2022 թ․ սեպտեմբերի 21. Արխիվացված օրիգինալից 2022 թ․ հոկտեմբերի 12-ին.
- ↑ Российские сериалы: 10 лучших шоу 2022 года по версии зрителей. Проекты о борьбе с ВИЧ, кризисе среднего возраста и криминальном Ростове Արխիվացված 2022-11-08 Wayback Machine // РБК, 28 октября 2022
- ↑ Одноклассники подвели итоги юбилейной премии «Самый ОК» Արխիվացված 2022-12-16 Wayback Machine // РИА Новости, 16 декабря 2022
- ↑ Patriki Film Festival объявил итоги российской конкурсной программы Արխիվացված 2022-12-26 Wayback Machine // ТАСС, 26 декабря 2022