Մոխրոտը (ֆիլմ, 2000)
 | |
|---|---|
.jpg) | |
| Երկիր | .svg){kind=small} Միացյալ Թագավորություն[1] |
| Ժանր | կինոկատակերգություն |
| Թվական | 2000 |
| Լեզու | իսպաներեն |
| Ռեժիսոր | Բիբան Քիդրոն |
| Դերակատարներ | Քեթլին Թըրներ, Դևիդ Ուորներ, Քեթրին Քարթրիջ, Լյուսի Փանչ, Ջեյն Բիրկին, Լեսլի Ֆիլիպս և Frank Skinner?[2] |
| Երաժշտություն | Jaz Coleman? |
| Տևողություն | 95 րոպե |
«Մոխրոտը» (անգլ.՝ Cinderella), հեռուստատեսային ֆիլմ, որը թողարկվել է 2000 թվականի հունվարի 1-ին Մեծ Բրիտանիայում[3]։ Ռեժիսորը Բիբեն Քեդրոնն է։ Գլխավոր դերը կատարել է Քեթլին Թըրները, որը մարմնավորել է չար խորթ մորը՝ Քլոդեթին[3]։
Սյուժե
[խմբագրել | խմբագրել կոդը]Ֆիլմը հիմնված է Մոխրոտիկի մասին բնօրինակ դասական հեքիաթի վրա, սակայն գործողությունները տեղի են ունենում ժամանակակից աշխարհում, որը լի է ժամանակակից նորաձև հագուստով և նոր տեխնոլոգիաներով։
Դերերում
[խմբագրել | խմբագրել կոդը]- Քեթլին Թըրներ՝ Քլաուդեթ
- Կատրին Քարթլիջ՝ Գոներիլյա
- Դեյվիդ Ուորներ՝ Մարտին
- Ջեյն Բիրկին ՝ Մեբ
- Լյուսի Պանչ՝ Ռիգան
- Լեսլի Ֆիլիպս՝ Ֆելիմ
- Շարոն Մոգան՝ Սերաֆինա թագուհի
- Գիդեոն Թըրներ՝ արքայազն Վելիանտ
- Մարսելլա Պլանքեթ՝ Մոխրոտ (Զեզոլա)
- Գրանտ Իբբս՝ Ուորներ
- Հոշ Քեյն՝ Մարկո (նաև Հոշ Իբրահիմ)
- Նիկոլաս Գրեյս՝ առաջին նախարար
- Ջենի Թոմասին՝ խոհարար[3]
Թողարկում
[խմբագրել | խմբագրել կոդը]«Մոխրոտը» թողարկվել է մի քանի ձևաչափերով։ 2000 թվականին «Մոխրոտը» թողարկվել է Մեծ Բրիտանիայում 4Learning ստուդիայի արտադրության տեսաերիզներով[4]։ 4Learning ստուդիան ֆիլմը բաժանել է երեք մասի։ Այն ներառված է The Many Cinderellas վավերագրական ֆիլմի կազմի մեջ, որն իր հերթին բաղկացած է 4 մասից՝ յուրաքանչյուրը 30 րոպե տևողությամբ[5]։ Ֆիլմը թողարկվել է նաև տեսաժապավենների վրա՝ կրթական նպատակով դպրոցներում ցուցադրությունների համար[6]։ 2002 թվականին Educational Media Australia ստուդիան ֆիլմը թողարկել է նաև տեսաերիզով[7]։ 2005 թվականին Educational Media Australia ստուդիան Թայվանում պաշտոնապես թողարկել է «Մոխրոտը» ֆիլմը VCD և DVD սկավառակմերով[8][9]։ DVD սկավառակը համալրված էր չինարեն գրքույկով և ներառել է անգլերեն աուդիոգիրք և չինարեն ենթագրեր։ 2006 թվականին Transformer ստուդիան Ճապոնիայում թողարկել է ֆիլմը VHS և DVD կրիչներով[10][11]։
Գրախոսականներ
[խմբագրել | խմբագրել կոդը]2000 թվականի ընթացքում «Մոխրոտը» դարձել է Մեծ Բրիտանիայի 4 հեռուստաալիքի ամենավաճառվող արտադրանքը[12]։ Ֆիլմն ստացել է քննադատների դրական արձագանքներ։ United Feature Syndicate (ԱՄՆ) թերթի լրագրող Քևին Մաքդոնոն դրական գնահատական է տվել Քեթլին Թըրների խաղին, այն անվանել «անզուգական լավ» և հայտարարել է, որ «Մոխրոտը ցնցող ֆիլմ է, հրաշալի ընտրված հեքիաթային կոստյումներ, ինչպես նաև Միսս Թըրների լավագույն դերասանական խաղն իր կարիերայի ընթացքում»։ «Նյու Յորք Թայմս» թերթի լրագրող Ջուլի Սալամոնը ֆիլմը բնութագրել է որպես «հեքիաթի զվարճալի, հուզիչ, ժամանակակից տարբերակ», որը «իր մեջ միավորում է գոթական թրիլերների ռոմանտիկ ենթատեքստը... տարօրինակ երաժշտական տեսահոլովակի կողքին։ Չար խորթ մայրը (Քեթլին Թըրներ) կրում է հեքիաթային շլացուցիչ կոստյում, ընդգծելով մարմնի ձևերը…»։ Սալամոնը նաև հավելել է. «Այս ֆիլմը շատ արժանիքներ ունի»[13]։ «Դիմահարդարումը կինոյում» ֆիլմի հեղինակներ Էլիզաբեթ Ֆորդը և Դեբորա Միտչելը ֆիլմն անվանել են «դիտարժան» և նշել, որ «բնական գեղեցկությունը առաջին տեղն է գրավում հեքիաթում։ Ֆիլմում ֆանտաստիկ գույնի, լույսի և ջրի հատուկ էֆեկտների առատ օգտագործումը կախարդական տրամադրություն է ստեղծում ֆիլմի դիտման ժամանակ։ Մթնոլորտն ստեղծվել է Ֆինլանդիայի և Դիսնեյի աշխարհի միջին ոգով»[14]։
Ծանոթագրություններ
[խմբագրել | խմբագրել կոդը]- ↑ http://unitedagents.co.uk/sharon-maughan
- ↑ ČSFD (չեխերեն) — 2001.
- ↑ 3,0 3,1 3,2 «IMDB: Cinderella».
- ↑ Cinderella (Videocassette).
- ↑ Middle English: Cinderella (1862156417) Արխիվացված 2016-03-03 Wayback Machine Channel4.com/learning (2003—2004 brochure).
- ↑ Programmes 1, 2, 3 — Teacher Notes & Activities Արխիվացված 2015-12-22 Wayback Machine Channel4Learning.com
- ↑ Cinderella (VHS).
- ↑ Gull Multimedia International Co. Արխիվացված 2018-06-20 Wayback Machine Gull.com.tw
- ↑ Cinderella DVD (Kathleen Turner, Jane Birkin, Marcella Plunkett) Taiwan version at yesasia.com
- ↑ Press Release (2006): Cinderella Արխիվացված 2011-09-10 Wayback Machine Transformer.co.jp
- ↑ Cinderella DVD (Item Code: 4522178005107) Արխիվացված 2012-03-19 Wayback Machine.
- ↑ «Channel Four International» (PDF).
- ↑ Salamon, Julie (December 17, 2001).
- ↑ Ford, Elizabeth A.; Mitchell, Deborah C. (2004).
Արտաքին հղումներ
[խմբագրել | խմբագրել կոդը]- Մոխրոտը կրթական կայք (Channel4Learning.com)(անգլ.)
- Մոխրոտը «Projector Pictures» կայքում (անգլ.)
|
