Մոխրագույն ճանճորս

Վիքիպեդիայից՝ ազատ հանրագիտարանից
Jump to navigation Jump to search
Մոխրագույն ճանճորս
Մոխրագույն ճանճորս
Գիտական դասակարգում
Թագավորություն Կենդանիներ
Տիպ Քորդավորներ
Դաս Թռչուններ
Ընտանիք Ճանճորսներ
Լատիներեն անվանում
Muscicapa striata
Հատուկ պահպանություն

Wikispecies-logo.svg
Դասակարգումը
Վիքիցեղերում

Commons-logo.svg
Պատկերների որոնում
Վիքիպահեստում




Մոխրագույն ճանճորս (լատ.՝ Muscicapa striata), ճանճորսների ընտանիքի թռչուն։ Բնադրող-չվող է, քիչ տարածված։

Կառուցվածք[խմբագրել | խմբագրել կոդը]

Մարմնի երկարություն՝ 14,5 սմ է, թևերի բացվածքը՝ 23 - 25,5 սմ, կենդանի զանգվածը՝ 12-18 գ։ Հասունի մարմինը վերևից մոխրադարչնագույն է, ներքևից՝ սպիտակավուն, ճակատը և կուրծքը՝ մուգ խայտերով։ Երիտասարդի մարմինը վերևից բաց գույնի պտերով է, թևավերևի փետուրները՝ բաց երիզով։

Կենսակերպ[խմբագրել | խմբագրել կոդը]

Ուղղաձիգ կեցվածքով նստում է երևացող տեղերում՝ ծառերի եզրային ճյուղերին, ցանկապատերին։ Բնակվում է անտառեզրերին, պտղատու այգիներում, պուրակներում, թփուտային մարգագետիններում։ Սնվում է միջատներով, որոնց որսում է թռիչքի ընթացքում։ Գարնանային վերադարձը՝ մարտի 2-րդ տասնօրյակին։

Բազմացում[խմբագրել | խմբագրել կոդը]

Բնադրում է ծառերի ճյուղերի հիմքում, փչակներում, պատերի ճեղքերում, երբեմն՝ բնակելի շենքերում։ Բույնը գավաթաձև է՝ բարակ ցողուններից, պատրաստում է 4-7 օրվա ընթացքում։ Դնում է 19 մմ տրամագծով, բաց կապույտ՝ կարմրադարչնագույն վրձնախազերով 4-6 ձու։ Թխսակալում է 11-12 օր։ 13-14 օրական ձագերը դուրս են գալիս բնից։ Աշնանային չուն՝ մինչև դեկտեմբերի 2-րդ տասնօրյակը։

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png