Մխիթար Գաբրիելյան
Մխիթար Գաբրիելյան | |
|---|---|
| Ծնվել է | հունվարի 27, 1972 (52 տարեկան) Լենինական, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Մասնագիտություն | ազգագրագետ |
| Հաստատություն(ներ) | Հնագիտության և ազգագրության ինստիտուտ և Երևանի պետական համալսարան |
| Ալմա մատեր | ԵՊՀ պատմության ֆակուլտետ (1997) |
| Գիտական աստիճան | պատմական գիտությունների թեկնածու (2001) և դոցենտ |
Մխիթար Գաբրիելյան (հունվարի 27, 1972, Լենինական, Հայկական ԽՍՀ, ԽՍՀՄ) ազգագրագետ, պատմական գիտությունների թեկնածու, դոցենտ)։
Կենսագրություն[խմբագրել | խմբագրել կոդը]
Ծնվել է 1972 թ. հունվարի 27-ին Լենինական քաղաքում (այժմ՝ Գյումրիում)։ 1989 թվականին ավարտել է Գյումրու Մեսրոպ Մաշտոցի անվան թիվ 29 միջնակարգ դպրոցը։ 1989–1994 թթ. սովորել է ԵՊՀ պատմության ֆակուլտետում, 1994–1997 թթ.` նույն ֆակուլտետի ասպիրանտուրայում։ 1998 թվականին աշխատանքի է անցել ՀՀ ԳԱԱ Հնագիտության և ազգագրության ինստիտուտում` որպես գիտաշխատող։ 2001 թվականին պաշտպանել է թեկնածուական ատենախոսություն «Սոցիոմշակութային գործընթացները ՀՀ արդի գյուղում (ազգագրական ուսումնասիրություն)» թեմայով։ 2001 թվականից աշխատում է ԵՊՀ Պատմության ֆակուլտետի Հնագիտության և ազգագրության ամբիոնում որպես դասախոս։ 2007 թվականից ավագ գիտաշխատող է Հնագիտության և ազգագրության ինստիտուտում։ 2005-2009 թվականներին ղեկավարել է «Հայոց սոցիոնորմատիվ մշակույթը 20-րդ դարում» և «Վերաբնակեցման գործընթացների ազգաբանական առումները (19-րդ դարի երկրորդ կես - 20-րդ դարի սկիզբ)» գիտական թեմաները։ 2001 թվականից ԵՊՀ պատմության ֆակուլտետում դասավանդում է մի շարք ընդհանուր և հատուկ մասնագիտական դասընթացներ։ 2009-2013 թթ. եղել է ԵՊՀ պատմության ֆակուլտետի դեկանի տեղակալը։
Գիտական հետազոտություններ[խմբագրել | խմբագրել կոդը]
1993-2009 թթ. դաշտային ազգագրական հետազոտություններ է իրականացրել Հայաստանի բոլոր մարզերի և Արցախի շուրջ 300 գյուղական և քաղաքային համայնքներում։ 1994-2009 թթ. ղեկավարել է տարբեր միջազգային ծրագրեր։ Մասնակցել է շուրջ երկու տասնյակ միջազգային և հանրապետական գիտական նստաշրջանների։ Հեղինակ և համահեղինակ է ութ մենագրության և շուրջ 40 գիտական հոդվածների և հրապարակումների։ 2007 թվականից ղեկավարում է «Ազգագրություն» մագիստրոսական ծրագիրը։
Երկեր[խմբագրել | խմբագրել կոդը]
- Աղքատության հաղթահարման ուղիները գյուղում և քաղաքում, Երևան, 2001, 40 էջ։
- Հայաստանի Հանրապետության արդի գյուղացիությունը, Երևան, 2001, 82 էջ։
- Հայկական ընտանիքն անցումային շրջանում, Երևան, 2005, 160 էջ։
Գրականություն[խմբագրել | խմբագրել կոդը]
- Երևանի պետական համալսարանի 90-ամյապատմության ֆակուլտետը, խմբ. Էդիկ Մինասյան, Երևան, 2009, էջ 200։
Արտաքին հղումներ[խմբագրել | խմբագրել կոդը]
- http://ysu.am/faculties/hy/History/section/staff/person/Mkhitar-Gabriyelyan Արխիվացված 2017-02-24 Wayback Machine - Մխիթար Ռազմիկի Գաբրիելյան