Մխիթարին
Մխիթարին | |
---|---|
Տեսակ | լիկյոր |
Ալկոհոլի պարունակություն | 30% |
Արտադրող | Մխիթարյան միաբանություն |
Ծագման երկիր | Ավստրիա, Վիեննա |
Ստեղծման տարի | 1889 |
Անվանված է | Մխիթար Սեբաստացի |
Գույն | դեղին |
Mechitharine Վիքիպահեստում |
Մխիթարին (Mechitharine Kloster Likor), Վիեննայի Մխիթարյան միաբանության վանականների կողմից պատրաստվող անուշաբույր լիկյոր։ Պատրաստվում է 42 տեսակի տարբեր դեղաբույսերից ու արևադարձային մրգերից։ Բաղադրատոմսը գաղտնի է պահվում[1]։
Պատմություն[խմբագրել | խմբագրել կոդը]
Մխիթարինի մասին առաջին հիշատակությունը հանդիպում է 1680 թ. մատյանում։ Նախքան ավելի մեծ ծավալի արտադրության անցնելը այն արտադրվել է Հունաստանի Մեթոն քաղաքում (1701-1715), Վենետիկում (1717-1773), Տրիեստում (1773-1810) և Վիեննայում (1811 թ-ից)։ 1889 թ. խմիչքը սկսեց արտադրվել որպես առաջին կարգի լիկյոր[2]։
Ի սզբանե խմիչքը պատրաստվել է միաբանության հիմնադիր Մխիթար Սեբաստացու կողմից և հետագայում փոխանցվել վանականների միջոցով։
Մխիթարինը վաճառվում է Մխիթարյան միաբանությանը կից խանութում, մի շարք բարձրակարգ ռեստորաններում և հյուրանոցներում[3]։
Ապրանքատեսակներ[խմբագրել | խմբագրել կոդը]
Մխիթարինն ունի հինգ ապրանքատեսակ՝
- Edelsüß (պարունակում է մրգային նեկտար, նախատեսված է քաղցր լիկյոր նախընտրողների համար)
- Süß (նախատեսված է կանանց համար, ունի Շիրազի վարդերի բույրը հիշեցնող հաճելի համ)
- Halbbitter (նախատեսված է սեղանի համար, հեշտ մարսվող է, ունի նուրբ բույր)
- Bitter (ունի թեթև դառնությունը, բացում է ախորժակը)
- Edelbitter (հագեցնում է ծարավը, հաճախ օգտագործվում է որպես մարսողական դեղամիջոց)
- Cordiale (ալպյան դեղաբույսերից, դրանց արմատներից պատրաստված և արևադարձային մրգերից պատրաստված սեղանի խմիչք)[4]
Պարգևներ[խմբագրել | խմբագրել կոդը]
Մխիթարինն արժանացել է մոտ 30 տարբեր մրցանակների ու մեդալների, ներկայացվել տարբեր ցուցադրություններում՝ ներառյալ Գրացում, Զալցբուրգում և Լինցում[5]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «Klosterlikör Mechitharine Store». Արխիվացված է օրիգինալից 2016 թ․ սեպտեմբերի 23-ին. Վերցված է 2017 թ․ մարտի 20-ին.
- ↑ «DIE MECHITARISTEN KONGREGATION». Արխիվացված է օրիգինալից 2018 թ․ նոյեմբերի 27-ին. Վերցված է 2017 թ․ մարտի 20-ին.
- ↑ «Production». Արխիվացված է օրիգինալից 2016 թ․ մարտի 4-ին. Վերցված է 2017 թ․ մարտի 20-ին.
- ↑ «Products». Արխիվացված է օրիգինալից 2017 թ․ հուլիսի 4-ին. Վերցված է 2017 թ․ մարտի 20-ին.
- ↑ «Exhibitions». Արխիվացված է օրիգինալից 2016 թ․ ապրիլի 2-ին. Վերցված է 2017 թ․ մարտի 20-ին.