Մլավոցի սինդրոմ
| Մլավոցի սինդրոմ | |
|---|---|
 Հիվանդության կլինիկական նկարագիրը տարբեր տարիքում А- 8 ամսական, B - 2 տարեկան, C - 4 տարեկան, D - 9 տարեկան 6 ամսական | |
| Տեսակ | անբուժելի/հազվագյուտ հիվանդություն և հիվանդության կարգ |
| Բժշկական մասնագիտություն | բժշկական գենետիկա |
 Cri du chat syndrome Վիքիպահեստում | |
Մլավոցի սինդրոմ, (անգլ.՝ cri du chat syndrome, ֆր.՝ maladie du cri du chat), Լեժենի սինդրոմ, հազվադեպ հանդիպող գենետիկական շեղում, ի հայտ է գալիս հինգերորդ քրոմոսոմի Դելեցիայի դեպքում[1]։ Մլավոցի սինդրոմի կլինիկական նկարագիրը կախված է ոչ թե քրմոսոմի կորցրած հատվածի մեծությունից, այլ քրոմոսոմի կոնկրետ կարճ հատվածի կորստից։ Հազվադեպ նկատվում է հինգերորդ քրմոսոմի դելեցիա՝ խճանկարային ձևով կամ քրմոսոմը օղակաձև է դառնում։
Կլինիկական նշաններ
[խմբագրել | խմբագրել կոդը]Ի հայտ են գալիս հետևյալ նշանները՝
- ընդհանուր թերզարգացվածություն
- նորածնային շրջանում մարմնի փոքր քաշ և մկանային հիպոտոնիա
- կլոր լուսնաձև դեմք, տարիքի մեծացման զուգընթաց այդ հատկանիշը վերանում է
- աչքերը լայն
- կատվի մլավոց հիշեցնող երեխայի լաց, որի պատճառը կոկորդի կառուցվածքի փոփոխությունն է (նեղացում, աճառների փափկություն, մակկոկորդի փոքրացում, լորձաթաղանթի յուրահատուկ շերտավորություն) կամ կոկորդի թերզարգացվածությունը։
Բացի այդ, հանդիպում է նաև սրտի, կմախքի, մկանային համակարգի և ներքին օրգանների բնածին արատներ, միկրոցեֆալիա, ականջախեցիների ցածր տեղադրվածություն և դեֆորմացիա, ականջի առջևի մասում մաշկային ծալքեր, էպիկանտուս։ Հիվանդությունը հանդիպում է 1։50000 հաճախությամբ, սեռերի հարաբերակցությունը աղջիկ-տղա՝ 4։3[2]։
Այս սինդրոմով տառապող մարդկանց մոտ հիվանդության կլինիկական նկարագիրը և կյանքի տևողությունը լայնորեն տատանվում է՝ կախված օրգանների բնածին արատների մակարդակից։
Բուժումը սիմպտոմատիկական է։
Ծանոթագրություններ
[խմբագրել | խմբագրել կոդը]- ↑ «Learning About Cri du Chat». www.genome.gov. Վերցված է 2015 թ․ դեկտեմբերի 10-ին.
- ↑ Chen, Harold (2015 թ․ ապրիլի 21). «Cri-du-chat Syndrome». Medscape. Վերցված է 2015 թ․ դեկտեմբերի 9-ին.
 | Վիքիպահեստն ունի նյութեր, որոնք վերաբերում են «Մլավոցի սինդրոմ» հոդվածին։ |
| ||||||||||
