Միտրալ փականի պրոլապս
| Միտրալ փականի պրոլապս | |
|---|---|
 | |
| Տեսակ | հազվագյուտ հիվանդություն |
| Բժշկական մասնագիտություն | սրտաբանություն |
| ՀՄԴ-9 | 394.0 և 424.0 |
| Mitral valve prolapse Վիքիպահեստում | |
Միտրալ փականի պրոլապս (երկփեղկ փականի արտանկում կամ ձախ փականի պրոլապս), պաթոլոգիական վիճակ, որն արտահայտվում է նախասրտի և ձախ փորոքի միջև գտնվող փականի ֆունկցիայի խանգարմամբ։ Միտրալ պրոլապսն այն երևույթն է, երբ ձախ փորոքի կծկման ժամանակ (սիստոլա) նրա փեղկերից մեկը կամ երկուսն էլ ճկվում են դեպի ձախ նախասրտի խոռոչ[1]։ Նորմալ վիճակում միտրալ փեղկերը փակվում են լիարժեք և նախասրտի կծկման ժամանակ արյան հետհոսք տեղի չի ունենում դեպի ձախ փորոք։ Միտրալ պրոլապսի ժամանակ հնարավոր է արյան հետհոսք, որը կոչվում է ռեգուրգիտացիա։ Ոչ մեծ հետհոսքի ժամանակ կլինիկական ախտանշաններ չեն նկատվում և բուժման կարիք չկա։ Հազվադեպ դեպքերում հետհոսքը զգալի է և պահանջվում է վիրահատական միջամտությամբ թերության վերացում[2][3]։
Ախտանիշներ[խմբագրել | խմբագրել կոդը]
Սովորաբար միտրալ պրոլապսն ընթանում է անախտանիշ, սակայն հիվանդների մոտ կարող են նկատվել․
- Ցավեր ստրի շրջանում,
- Հաճախասրտություն,
- Ուշաթափություն,
- Մարմնի ջերմաստիճանի աննշան բարձրացում,
- Վեգետատիվ կրիզ ,
- Գերօդահարություն (հիպերվենտիլացիա),
- Գլխապտույտ,
- Դյուրհոգնելիություն,
- Հևոց։
Միտրալ պրոլապսի ախտորոշումը կատարվում է էխոսրտագրությամբ։ Երբեմն միտրալ պրոլապսը հայտնաբերելու համար կարիք է լինում կատարել սթրես-էխոսրտագրություն[4]։
Աստիճան[խմբագրել | խմբագրել կոդը]
Ըստ փեղկերի ճկման աստիճանի դասակարգվում է միտրալ պրոլապսի 3 աստիճան․
- Առաջին աստիճանի դեպքում փականը դեպի ձախ նախասիրտ է ճկվում 3-ից 6մմ,
- Երկրորդ աստիճանի դեպքում փականը դեպի ձախ նախասիրտ է ճկվում 6-ից 9մմ,
- Երրորդ աստիճանի դեպքում փականը դեպի ձախ նախասիրտ է ճկվում 9մմ-ից ավել։
Սակայն միտրալ պրոլապսի վտանգը պայմանավորված է ոչ թե փականի ճկման աստիճանից, այլ դրա հետևանքով արյան հետհոսքից։
Ծանոթագրություններ[խմբագրել | խմբագրել կոդը]
- ↑ «Mitral valve prolapse»։ Lancet 365 (9458): 507–18։ 2005։ PMID 15705461։ doi:10.1016/S0140-6736(05)17869-6
- ↑ Mitral valve prolapse
- ↑ «Ֆլորա Մուրադյան, Միտրալ փականի պրոլապս՝ անհանգստանալ, թե ոչ»
- ↑ «Problem: Mitral Valve Prolapse»։ http://www.heart.org