Միջազգային սլավոնական ալիք

**Միջազգային սլավոնական ալիք**
Երկիր	Ուկրաինա Կիև
Հեռարձակման գոտի	Եվրամիություն; ԱՊՀ
Հեռարձակման լեզու	ուկրաիներեն, ռուսերեն, անգլերեն
Հեռարձակման սկսման թվական	1994 դեկտեմբերի 14
Հիմնադիր	Վլադիմիր Իվանենկո; Վալերիա Իվանենկո
Սեփականատեր	Վալերիա Իվանենկո
🌐	slav.tv(անգլ.)

Միջազգային սլավոնական ալիքը (ռուս.՝ Международный Славянский Канал, ուկրաիներեն՝ Міжнародний Слов'янський канал, անգլ.՝ Slavonic Channel International) ուկրաինական միջազգային հեռուստատաալիք։ Կոչված է տեղեկացնելու ողջ աշխարհի սլավոններին ու համաշխարհային հանրությանը սլավոնական ժողովուրդների կենսագործունեության տարբեր ասպեկտների, սլավոնական եզակի պատմության, հարուստ ավանդույթների, մշակույթի, ձեռքբերումների ու համաշխարհային քաղաքակրթության զարգացման մեջ սլավոնների էական ներդրման մասին։

Ընդհանուր տեղեկություններ[խմբագրել | խմբագրել կոդը]

Միջազգային սլավոնական ալիքը ("International "Slavonic Channel") եթեր է հեռարձակվել 2008 թ. սեպտեմբերի 12-ին Ուկրաինայի տարածքից արբանյակային հեռարձակումով (Sirius-4 Satellite 5° East Frequency 12075 MHz (H) Symbol Rate։ 27,5 Msymb/s FEC 3/4 & Astra-2 Satellite 31,5° East Frequency 12090 MHz (H) Vertical Symbol Rate։ 27,5 Msymb/s FEC 9/10). SCI-ն աշխատում է շուրջօրյա և ընդգրկում իր հեռարձակմամբ 1 միլիարդ 202 միլիոն մարդ բնակչությամբ տարածք։ Հեռարձակումը (առաջին անգամ Ուկրաինայի տարածքից) իրականացվում է չորս ձայնային ուղիներով՝ ռուսերեն, ուկրաիներեն, անգլերեն և արդյունքն արտադրող երկրի լեզվով։ Հետագայում հեռարձակումը կիրականացվի միաժամանակ սլավոնական երկրների լեզուներով, ինչպես նաև ֆրանսերեն, գերմաներեն, իսպաներեն, պորտուգալերեն, արաբերեն ու չինարեն լեզուներով։ Հեռուստաալիքի թեմատիկան մշակութային-լուսավորական է։

Պատմություն`[խմբագրել | խմբագրել կոդը]

Անմիջական արբանյակային հեռարձակման առաջին փորձը նախկին ԽՍՀՄ-ի տարածքից դարձավ "Միջազգային "Սլավոնական ալիքի" փորձնական հեռարձակումն Ուկրաինայի տարածքից։ Փորձնական հեռարձակումը կայացավ 1994 թ. դեկտեմբերի 14-ից մինչև 1995 թ. մայիսի 15-ը։ Նախագծի հեղինակներն են Վլադիմիր Ալեքսանդրի Իվանենկոն և Վալերիա Վլադիմիրի Իվանենկոն։