Մինաս (ծննդյան և մահվան թվականներն անհայտ են), միջնադարյան հայ ճարտարապետ։ 1248 թվականին կառուցել է Հաղարծինի վանքիսեղանատունը (շինարարական արձանագրությունը շենքի հարավային մուտքի շրջակալին է)։ Ճարտարապետի անունը փորագրված է սեղանատան արևմտյան երդիկի հյուսիսարևելյան անկյունում, իսկ անվանատառը՝ շենքի երեսապատման քարերի վրա։ Հաղարծինի սեղանատունը (ինչպես և նույն դարի Հաղպատի սեղանատունը) ունի ինքնատիպ, միայն Հայաստանում հանդիպող, ժողովրդական բնակելի տան ձևերից բխող հորինվածք, այն հայկական շինարվեստի լավագույն ստեղծագործություններից է, և նրա հեղինակ Մինասը իրավամբ դասվում է միջնադարյան հայ ականավոր ճարտարապետների շարքը։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 553)։
Անվան այլ կիրառումների համար տե՛ս՝ Մինաս (այլ կիրառումներ)
