Միխայիլ Շոլոխովի հուշարձան (Վոլժսկի բուլվար)
 | |
|---|---|
 Միխայիլ Շոլոխովի հուշարձանը Մոսկվայում | |
 | |
 | |
| Տեսակ | հուշարձան |
| Երկիր |  Ռուսաստան |
| Բնակավայր | Մոսկվա |
| Շինության ձև | Հուշարձան |
| Նյութ | բրոնզ և գրանիտ |
| Ներկա վիճակ | Կանգուն |
 Monument to Mikhail Sholokhov in Moscow (Volzhsky Boulevard) Վիքիպահեստում | |
Միխայիլ Շոլոխովի հուշարձան (ռուս.՝ Памятник Шолохову), ռուս արձակագիր, հրապարակախոս, Նոբելյան մրցանակի դափնեկիր, «Խաղաղ Դոն», «Հերկած խոպան» վեպերի հեղինակ Միխայիլ Շոլոխովին նվիրված հուշարձան Մոսկվայում։ Բացվել է 2001 թվականին։ Գտնվում է Մոսկվայի Վոլգոգրադսկի պողոտայի և Վոլժսկի բուլվարի հատման վայրում։
Պատմություն[խմբագրել | խմբագրել կոդը]
2001 թվականին Մոսկվայի Վոլգոգրադսկի պողոտայի և Վոլժսկի բուլվարի հատման վայրում տեղադրվել է Միխայիլ Շոլոխովի հուշարձանը։ Քանդակագործը Շոլոխովին կերտել է երիտասարդ տարիքում, գրողը հագին ունի կոստյում, վերնաշապիկ և փողկապ, նստած է աստիճանների վրա, ձախ ոտքին գցել է թիկնոցը, ձախ ձեռքը ծնկի վրա է, աջը թեքված է։ Հուշարձանը տեղադրվել է շագանակագույն գրանիտե սալիկներով պատված պատվանդանի վրա։
2008 թվականին հուշարձանի կողքին, ավելի ցածր գրանիտե պատվանդանի վրա տեղադրվել է «Պահակախումբ» քանդակային կոմպոզիցիան, որտեղ պատկերված են երկու հեծյալ կազակներ թրերով, ձեռքներին նիզակներ, արշավում են մեկը մյուսի հետևից, հեծյալների գլուխներն ուղղված են դեպի հուշարձանը։ Առաջին ձիավորը «Խաղաղ Դոն» վեպի հերոս Գրիգորի Մելեխովն է, երկրորդ ձիավորը՝ կազակի հավաքական կերպար։ Մելեխովի քանդակը ստեղծելիս հեղինակները փորձել են այն ստեղծել դերասան Պյոտր Պետրովիչ Գլեբովի նմանությամբ, ով խաղացել է Մելեխովի դերը։
Հուշարձանի հեղինակներն են քանդակագործ Ռուսաստանի արվեստի վաստակավոր գործիչ, Շոլոխովի անվան միջազգային մրցանակի դափնեկիր (2005 թ.), ՌԴ ժողովրդական նկարիչ Վլադիմիր Վլադիմիրովիչ Գլոբով-Վադբոլսկին, Շոլոխովի անվան միջազգային մրցանակի դափնեկիր Յուրի Վլադիմիրովիչ Դրյոմինը։
Տեխնիկական տվյալներ[խմբագրել | խմբագրել կոդը]
Հուշարձանի քանդակները պատրաստված են բրոնզից՝ կանգնած գրանիտե պատվանդանի վրա։ Հուշարձանի շուրջը տարածքը բարեկարգ է։
Գրականություն[խմբագրել | խմբագրել կոդը]
- Памятники монументального искусства Москвы: справ. изд. / Департамент культурного наследия г. Москвы. — М.: ООО «Милк Эдженси», 2016. - 404 с.: с. 246. ISBN 978-5-9907078-1-8.