Միխայիլ Կոպեյկին

Միխայիլ Կոպեյկին
Ծնվել է	փետրվարի 14, 1905(1905-02-14)
Ծննդավայր	Մոսկվայի մարզ, Ռուսական կայսրություն
Մահացել է	մարտի 29, 1983(1983-03-29) (78 տարեկան)
Մահվան վայր	Լենինգրադ, ՌԽՖՍՀ, ԽՍՀՄ
Քաղաքացիություն	Ռուսական կայսրություն,  ՌԽՖՍՀ և  ԽՍՀՄ
Մայրենի լեզու	ռուսերեն
Կրթություն	Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտ
Մասնագիտություն	նկարիչ
Անդամություն	ԽՍՀՄ նկարիչների միություն

Միխայիլ Կոպեյկին (ռուս.՝ Копейкин Михаил Семёнович, փետրվարի 14, 1905(1905-02-14), Մոսկվայի մարզ, Ռուսական կայսրություն - մարտի 29, 1983(1983-03-29), Լենինգրադ, ՌԽՖՍՀ, ԽՍՀՄ), խորհրդային գեղանկարիչ, գծանկարիչ և մանկավարժ, Լենինգրադի նկարիչների միության անդամ։

Կենսագրություն

Միխայիլ Կոպեյկինը ծնվել է 1905 թվականի փետրվարի 14–ին, Մոսկվայի մարզի Կլինսկի գավառի Բորշչովո գյուղում։ 1926–1930 թվականներին սովորել է Մոսկվայի Անատոլի Լունաչարսկու անվան Արվեստի աշխատավորի ֆակուլտետի գեղանկարչության ֆակուլտետում, իսկ 1934–1939 թվականներին սովորել է Գեղարվեստի համառուսական ակադեմիային կից Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտում՝ Վարվառա Յակովլևայի, Ալեքսանդր Լյուբիմովի և Իսահակ Բրոդսկու մոտ։ 1939 թվականին ավարտել է ինստիտուտը՝ Իսահակ Բրոդսկու արվեստանոցում՝ որակավորված գեղանկարչի կոչումով։ Դիպլոմային աշխատանքը եղել է «Մեր կոլտնտեսությունների կանանց և նրանց երեխաների կյանքը» նկարը։

1935 թվականից մասնակցել է ցուցահանդեսների` ցուցադրելով իր աշխատանքները Լենինգրադի կերպարվեստի առաջատար վարպետների աշխատանքների հետ։ 1946 թվականին ընդունվել է Լենինգրադի նկարիչների միություն` դառնալով գեղանկարչության բաժնի անդամ։ Պատերազմից հետո դասավանդել է Սանկտ Պետերբուրգի Շտիգլիցի անվան գեղարվեստաարդյունաբերական ակադեմիայում (1946–1950 թվականներ) և Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտում (1950–1981 թվականներ)։ Նկարել է թեմատիկ և ժանրային կոմպոզիցիաներ, դիմանկարներ և բնանկարներ։ «Աղջիկների դիմանկարը» (1941 թվական), «Վիենայի փողոցներում» (1945 թվական), «ՌԽՖՍՀ վաստակավոր ուսուցչուհու՝ Ա․ Սերկովայի դիմանկարը» (երկուսն էլ՝ 1950 թվական), «Պիոներական ջոկատավար՝ Ռաի Շիբանովայի դիմանկարը» (1951 թվական), «Ի․ Կազինայի դիմանկարը» (1958 թվական) և այլ նկարների հեղինակն է։

Մահացել է 1983 թվականի մարտի 29–ին, Լենինգրադում՝ 79 տարեկան հասակում։

Միխայիլ Կոպեյկինի ստեղծագործությունները պահվում են Ռուսական պետական թանգարանում, Ռուսաստանի և այլ երկրների թանգարաններում և մասնավոր հավաքածուներում։

Աղբյուրներ

• Выставка произведений ленинградских художников 1951 года. Каталог. — Л: Лениздат, 1951. — с.13.
• Выставка произведений ленинградских художников 1951 года. Каталог. — М-Л., Искусство. 1951. С. 18.
• Осенняя выставка произведений ленинградских художников 1958 года. Каталог. — Л: Художник РСФСР, 1959. — с.15.
• Справочник членов Ленинградской организации Союза художников РСФСР. — Л: Художник РСФСР, 1980. — с.56.
• 40 лет Великой победы. Выставка произведений художников — ветеранов Великой Отечественной войны. Каталог. — Л: Художник РСФСР, 1990. — с.10.
• Matthew Cullerne Bown. A Dictionary of Twentieth Century Russian And Soviet Painters. 1900 — 1980s. — London: Izomar Limited, 1998.
• Иванов С. В. Неизвестный соцреализм. Ленинградская школа. — Санкт-Петербург: НП-Принт, 2007. — с.384, 385, 402. ISBN 5-901724-21-6, ISBN 978-5-901724-21-7.
• Юбилейный Справочник выпускников Санкт-Петербургского академического института живописи, скульптуры и архитектуры имени И. Е. Репина Российской Академии художеств. 1915—2005. — Санкт Петербург: «Первоцвет», 2007. — с.50.
• Государственный Русский музей. Живопись. Первая половина XX века. Каталог. К.. СПб, Palace Editions. 2008. С. 50-51.