Մետրո հոլ

Վիքիպեդիայից՝ ազատ հանրագիտարանից
Jump to navigation Jump to search
Museum Silhouette.svg
Մետրո հոլ
Metro Hall.jpg
Տեսակքաղաքապետարան և Երկնաքեր
ԵրկիրFlag of Canada (Pantone).svg Կանադա
ՏեղագրությունՕնտարիո
Ճարտարապետական ոճպոստմոդեռն ճարտարապետություն
Բարձրություն128 մետր
Հարկեր27
ՍեփականատերՏորոնտոյի քաղաքային իշխանություն
Հիմնադրված է1992
Կոորդինատներ: 43°38′45.960000099989″ հս․ լ. 79°23′17.880000100004″ ամ. ե. / 43.64610000002777213° հս․. լ. 79.38830000002778320° ավ. ե. / 43.64610000002777213; 79.38830000002778320

Մետրո հոլ (անգլ.՝ Metro Hall), 27 հարկանի պոստմոդեռն ոճի գրասենյակային աշտարակ Կանադայի Տորոնտո քաղաքի Վելինգթոն և Ջոն փողոցների անկյունում: Շենքը նայում է դեպի Պեկո հրապարակ: Մետրո կենտրոն համալիրի երեք աշտարակի մաս կազմող շենքի կառուցումը, նախատեսված Տորոնտոյի քաղաքապետարանի և նրա աշխատակիցների համար, ավարտվել է 1992 թվականին: Տորոնտոյի նոր քաղաքապետարանը 1998 թվականի քաղաքային միավորումից հետո շենքը շարունակում է օգտագործել այլ հնարավորություններով հանդերձ:

Պատմություն[խմբագրել | խմբագրել կոդը]

1954 թվականին Մետրոյի ստեղծման արդյունքում նրա ղեկավարներն ու աշխատակիցները ցրված էին Տորոնտոյի շուրջ մեկ տասնյակից ավելի շենքերում: Երբ 1964 թվականին Տորոնտոյի նոր քաղաքապետարանը բացվեց, նրա երկվորյակ աշտարակներից մեկը նախատեսված էր Տորոնտոյի Մետրո գրասենյակների համար, մյուսը` Տորոնտոյի քաղաքապետարանի: Ի վերջո, այս տարածքը անհամապատասխան էր, և կոմիտեի կառույցները և խորհրդատուների գրասենյակները տեղափոխեցին Բեյ փողոցի 390 հասցե՝ քաղաքապետարանի դիմաց:

Բացառապես մետրոյի նոր սրահի օգտագործման համար երկու առաջարկ առանձնացվեց[1]: Կանադայի ազգային երկաթուղին առաջարկեց SkyDome-ին հարակից շենքը (այժմ՝ Ռոջերս կենտրոն): Հաղթող ճանաչված Marathon Realty-ի առաջարկը Ռոյ Թոմսոն սրահին նայող երեք աշտարակների խումբ էր: Այն կառուցվել է նախկին արդյունաբերական տարածքում գտնվող կենտրոնի արևմտյան մասում, որտեղ միաժամանակ մի քանի կարևոր զարգացումներ տեղի ունեցան:

Զանգվածային կառույցի արժեքը կազմում էր մոտ 211 միլիոն դոլար[2]: Նորթ Յորքի քաղաքապետ Մել Լասթմանը խստորեն քննադատել է Մետրոյի խորհրդի՝ շենքը կենտրոնում տեղակայելու որոշումը` պատճառաբանելով, որ ավելի անաչառ և էժան կլիներ գլխավոր շենքերը կառուցել արվարձաններում: Ծրագրի կողմնակիցները պնդում էին, որ շենքը վարձավճարի խնայողության շնորհիվ գումար կտնտեսի (1987 թվականին գնահատվել է տարեկան 7 միլիոն դոլար)[3]:

Նոր Հոլ կառուցելու համաձայնագիրը ստորագրվել է 1988 թվականին, շենքի կառուցումն ավարտվել է 1992 թվականին: Այն կապվել է PATH ստորգետնյա անցուղի համակարգի հետ, որը ձգվում է ստորգետնյա անցուղի համակարգը տանել դեպի արևմուտք: Մետրոյի աշխատակիցները տեղավորվեցին միայն հիմնական շենքի երկու փոքրիկ կառույցներում, որը Marathon ընկերությունը վարձակալությամբ հանձնել էր մասնավոր ընկերություններին: Շենքերի միջև գտնվող Պեկո մեծ հանրային հրապարակը կառուցվեց Մետրո հոլի նախագծի շրջանակներում: Այն նախկինում հայտնի էր որպես Մետրո հրապարակ, սակայն 2011 թվականի ապրիլին Տորոնտոյի քաղաքային խորհուրդը միաձայն կողմ քվեարկեց հանրային տարածքը վերանվանելու քաղաքացիական առաջնորդ Դեյվիդ Պեկոյի անունով[4][5]: Հիմնական շինության ստորին մակարդակը ներառում է այլ հարմարություններ, ինչպիսիք են համայնքային կենտրոնը և գրադարանը:

1998 թվականին Մետրոյի կառավարական մակարդակը միաձուլվեց քաղաքային իշխանությունների հետ, և որոշվեց, որ նոր քաղաքապետարանը կտեղավորվի Տորոնտոյի խորհրդանշական քաղաքապետարանի շենքում: Մետրո հոլը, այնուամենայնիվ, ժամանակավորապես օգտագործվում էր, մինչդեռ քաղաքապետարանում տեղավորվույմ էին մեծ թվով ավագանիներ: Խորհրդի դատարկ պալատը 1999 թվականին այն ժամանակ քաղաքապետ Ժակ Լեյթոնի հրամանով ժամանակավոր օգտագործվել է որպես անօթևանների ապաստարան, իսկ 2007 թվականին դարձել է 3-1-1 զանգերի կենտրոն:

Մետրո հոլի վաճառքի մասին խոսակցություններ են եղել, սակայն այն շարունակում է օգտագործվել բազմաթիվ քաղաքային աշխատողների համար: 2001 թվականին քաղաքապետարանը հայտեր է ընդունել[6], սակայն ամենաբարձր ստացվող գումարը կազմել է 125 միլիոն դոլար, ինչն ավելի ցածր է, քան կառույցի արժեքը: Մետրո հոլն օգտագործվել է նաև նկարահանումների համար՝ որպես ՄԱԿ-ի գրասենյակ, Global Community գլխամաս, օգտագործվել է նաև շատ հեռուստաշոուների համար, այդ թվում՝ էպիզոդներ 1-800-Missing-ի համար: 2010 թվականին նկարահանված Saw 3D ֆիլմի տեսարանը, որը ներառում էր հանրային ծուղակը, նկարահանվել է Պեկո հրապարակում:

2006 թվականի հուլիսից շենքը պաշտպանվում է Օնտարիոյի ժառանգության ակտի IV մասի հիման վրա: Brisbin Brook Beynon Architects-ը հիշատակված է որպես շենքի ճարտարապետ[7]:

Ծանոթագրություններ[խմբագրել | խմբագրել կոդը]

  1. Byers Jim (1987-04-21)։ «2 sites expected to make short list for Metro Hall»։ Toronto Star 
  2. Byers Jim (1988-04-20)։ «Council to study $211 million Metro Hall proposal»։ Toronto Star 
  3. Byers Jim (1987-05-29)։ «Councillors divided on designs for Metro Hall»։ Toronto Star 
  4. Moloney Paul (12 April 2011)։ «Metro Square renamed Pecaut Square to honour late city builder»։ Toronto Star։ Վերցված է 12 April 2011 
  5. Knelman Martin (7 April 2011)։ «City renames Metro Square to honour David Pecaut»։ Toronto Star։ Վերցված է 7 April 2011 
  6. «City Council meeting of October 1, 2 and 3, 2001»։ Council Highlights։ City of Toronto։ Վերցված է 2009-06-10 
  7. «Heritage Property Detail -Address:55 JOHN ST»։ City of Toronto։ September 2006։ Վերցված է September 29, 2016