Մեհերրեմ Ալիև
| Մեհերրեմ Ալիև ադրբ.՝ Məhərrəm Abış oğlu Əliyev | |
|---|---|
| Ծնվել է | հոկտեմբերի 20, 1951 (72 տարեկան) |
| Ծննդավայր | Մախտա, Շարուրի շրջան, Նախիջևանի Ինքնավար Խորհրդային Սոցիալիստական Հանրապետություն, Ադրբեջանական ԽՍՀ, ԽՍՀՄ |
| Մասնագիտություն | քաղաքական գործիչ, դիվանագետ, իրավաբան և ոստիկան |
| Պարգևներ և մրցանակներ |     և |
 Maharram Aliyev Վիքիպահեստում | |
Մեհերրեմ Աբիշ օկլի Ալիև (ադրբ.՝ Məhərrəm Abış oğlu Əliyev, հոկտեմբերի 20, 1951, Մախտա, Շարուրի շրջան, Նախիջևանի Ինքնավար Խորհրդային Սոցիալիստական Հանրապետություն, Ադրբեջանական ԽՍՀ, ԽՍՀՄ), Ադրբեջանի գեներալ-գնդապետ, Ադրբեջանի Հանրապետության նախագահի օգնական-ԱՀ Նախագահի աշխատակազմի ռազմական գործերի վարչության պետ (2019 – 2023)[1][2]։ Ներկայումս նա Բելառուսի Հանրապետությունում Ադրբեջանի Հանրապետության արտակարգ և լիազոր դեսպանն է[3]։
Կենսագրություն[խմբագրել | խմբագրել կոդը]
Մահարրամ Ալիևը ծնվել է 1951 թվականի հոկտեմբերի 20-ին Նախիջևանի Ինքնավար Հանրապետության Շարուրի շրջանի Մախթա գյուղում։ Նա 1973 թվականից ծառայել է ներքին գործերի մարմիններում։
1978 թվականին ավարտել է Մոսկվայի միջնակարգ հատուկ միլիցիայի դպրոցը։ Դպրոցն ավարտելուց հետո նա սկսել է աշխատել քաղաքի ոստիկանության 131-րդ բաժանմունքում։ 1980-1992 թվականներին աշխատել է Բաքվի շրջանային ոստիկանության վարչությունների քրեական հետաքննության կառույցներում տարբեր պաշտոններում։
1985 թվականին ավարտել է ԽՍՀՄ ՆԳՆ Համամիութենական իրավաբանական ինստիտուտը։ Նա աշխատել է Բաքվի Նիզամիի, Սաբունչուի, Խաթայիի, Սաբայիլ շրջանների ոստիկանության բաժանմունքներում։
1993-2007 թվականներին եղել է Բաքվի ոստիկանության գլխավոր վարչության պետ։ 2007-2011 թվականներին նա աշխատել է որպես Տաջիկստանում Ադրբեջանի արտակարգ և լիազոր դեսպան։
Ադրբեջանի Հանրապետության Նախագահի 2012 թվականի նոյեմբերի 30-ի հրամանագրով նրան շնորհվել է գեներալ-լեյտենանտի զինվորական կոչում։
ԱՀ Նախագահի 2017 թվականի հունիսի 5-ի հրամանով նա նշանակվել է ԱՀ արդարադատության նախարարի տեղակալ։
2019 թվականի նոյեմբերին նա նշանակվել է Ադրբեջանի Հանրապետության նախագահի օգնական-ԱՀ Նախագահի աշխատակազմի ռազմական գործերի վարչության պետ։
Ծանոթագրություններ[խմբագրել | խմբագրել կոդը]
- ↑ Assistant to the President of the Republic of Azerbaijan - Head of the Military Affairs Department of the Presidential Administration of the Republic of Azerbaijan Maharram Aliyev
- ↑ Մեհերրեմ Ալիև
- ↑ «Распоряжение Президента Азербайджанской Республики О назначении М.А.Алиева чрезвычайным и полномочным послом Азербайджанской Республики в Республике Беларусь » Официальный сайт президента Азербайджанской Республики». president.az (ռուսերեն). Վերցված է 2023 թ․ դեկտեմբերի 9-ին.