Մեծ հույսեր (ֆիլմ, 1946)

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Մեծ հույսեր
անգլ.՝ Great Expectations
Great Expectations Frontispiece.jpg
ԵրկիրFlag of the United Kingdom.svg Միացյալ Թագավորություն
Ժանրդրամա[1] և վեպի մոտիվներով ֆիլմ[2]
ՀիմքՄեծ հույսեր[3][2]
Թվական1946
Լեզուանգլերեն
ՌեժիսորԴևիդ Լին[1][4]
ՊրոդյուսերԷնթոնի Հեյվլոք-Ալան և Ռոնալդ Նիմ
Սցենարի հեղինակԴևիդ Լին, Ռոնալդ Նիմ, Էնթոնի Հեյվլոք-Ալան և Քեյ Ուոլշ
ԴերակատարներՋոն Միլս[4], Anthony Wager?[4], Ջին Սիմոնս[4], Valerie Hobson?[4], Ալեք Գինես, Մարտիտա Հանթ, Ֆինլեյ Քյուրի, Francis L. Sullivan?, Bernard Miles?, Freda Jackson?, Տորին Թետչեր և Edie Martin?[5]
ՕպերատորԳայ Գրին
ԵրաժշտությունWalter Goehr?
ՄոնտաժJack Harris?
Պատմվածքի վայրԼոնդոն[2]
Նկարահանման վայրPinewood Studios
ԿինոընկերությունCineguild Productions?
Տևողություն118 րոպե

«Մեծ հույսեր» (անգլ.՝ Great Expectations), Չարլզ Դիքենսի համանուն վեպի բրիտանական Էկրանավորում, որը բեմադրվել է 1946 թվականին՝ Դևիդ Լինի կողմից։ Համարվում է գրական ստեղծագործության էկրանավորման չափանիշ և Դիքենսի ստեղծագործությունների մոտիվներով լավագույն ֆիլմը[6][7][8]։ 1999 թվականին, բրիտանական կինոյի ինստիտուտը, «Մեծ հույսեր» ֆիլմը ներառեց ազգային կինեմատոգրաֆիայի պատմության լավագույն ֆիլմերի հնգյակում։

Սյուժե[խմբագրել | խմբագրել կոդը]

Ֆիլմում վեպի խճճված սյուժեն կազմված է մի քանի հիմնական գծերից։ Փիփ անունով որբ տղան, որն ապրում է ծովի ափին՝ իր ավագ քրոջ տանը, գերեզմանատանը հանդիպում է մի սարսափելի տաժանակրի։ Տրվելով նրա սպառնալիքներին, նա տնից բերում է պահուստային ուտելիքներ և խարտոց` շղթաներից ազատվելու համար։ Սակայն, տաժանակիրը շուտով ընկնում է ոստիկանության ձեռքը և ուղարկվում է հեռավոր Ավստրալիա՝ պատիժը կրելու։

Հարուստ միսս Հևիշեմն արդեն երկար տարիներ է ինչ իր շքեղ առանձնատանը հեռացել է աշխարհից։ Փնտրում է խաղընկեր իր խորթ դստեր Էստելի համար։ Նրա ընտրությունը կանգ է առնում Փիփի վրա։ Տղան սիրահարվում է մեծամիտ աղջկան, որը դաստիարակված է տղամարդկանց սրտերը կոտրելու համար։ Որոշ ժամանակ անց միսս Հևիշը հրամայում է նրանց բաժանվել։ Էստելին ուղարկում են ֆրանսիական գիշերօթիկ սովորելու։

Անցնում են տարիներ։ Ջեգերս փաստաբանը հայտնում է Պիպին, որ իր հաճախորդը, որը ցանկացել է անհայտ մնալ, ցանկանում է Պիպին «փայլուն ապագա» ապահովել, ինչի համար նա պետք է մեկնի Լոնդոն և դառնա ջենտլմեն։ Երիտասարդը արագ հարմարվում է մայրաքաղաքին։ Նա չգիտեր, որ իր զվարճանքի միջոցները ոչ թե միսս Հևիշն է տրամադրում, այլ այն տաժանակիրը, որին ժամանակին օգնության ձեռք էր մեկնել…

Դերերում[խմբագրել | խմբագրել կոդը]

Պատմություն[խմբագրել | խմբագրել կոդը]

Ֆիլմի սցենարը ծնվել է նույն դերասանների՝ Ալեք Գինեսի (Հերբերտ Պոկետ) և Մարտիտա Հանթի (Միսս Հեվիշեմ) մասնակցությամբ պիեսից։ Այս բեմադրությունը Դավիթ Լինին ցույց տվեց, որ առանց որևէ էական կորուստների հնարավոր է նվազեցնել վեպի հերոսների և սյուժետային գծերի թիվը ։ Սցենարային աշխատանքները ղեկավարում էր հենց ինքը։ Ռ. Էբերտի կարծիքով ՝ ֆիլմի ստեղծողներին հաջողվել է 2 ժամանոց ժամանակաչափում տեղավորել 525 էջանոց վեպի ողջ ներուժը[8]։ Գրքի հոռետեսական եզրափակումը մեղմացվել է ի շահ հանրության[8], բուրժուական հասարակության քննադատությունը նույնպես տեղ չի գտել ֆիլմում, սակայն Հերբերտի հետ Փիփի հարաբերության մեջ ավելացվել է թեթև հոմոէրոտիկայի տարրեր[6][9]։

«Մեծ հույսեր» ֆիլմն առաջին անգամ լայն հանդիսատեսին ծանոթացրեց հետագայում հայտնի դերասաններ Ալեք Գինեսի և Ջին Սիմոնսի հետ։ 20-ամյա Պիպի դերում ռեժիսորը տեսել է միայն 38-ամյա Ջոն Միլսին ՝ նրա անմիջական, բաց դեմքով։ Ժամանակակից շատ հեռուստադիտողների ապշեցնում է դերասանի երիտասարդ Պիպի ոչ առաջին երիտասարդության դերում հայտնվելը [6][8]։ Ոչ պակաս վիճելի է համարվում 30-ամյա Վալերի Հոբսոնի 17-ամյա Էստելայի դերի հրավերը[10]։

Հաջողություն[խմբագրել | խմբագրել կոդը]

Ատլանտիկայի երկու կողմերում էլ Ֆիլմի ցուցադրումը արժանացել է բարձր գնահատականների։ Օպերատորն ու բեմադրող նկարիչն արժանացել են Օսկար հեղինակավոր մրցանակի, բացի այդ, ֆիլմը ստացել է «Լավագույն ֆիլմ», «Լավագույն ռեժիսուրա» և «Լավագույն սցենար » անվանակարգերը։ Հաջողությամբ ոգեշնչված՝ Լինը ձեռնամուխ է եղել Դիքենսի մեկ այլ վեպի՝ «Օլիվեր Թվիստի» բեմադրմանը։ Այդ ժամանակից ի վեր անգլիացի դասականի ստեղծագործությունների էկրանավորման նախաձեռնությունը Հոլիվուդից վերցրել են անգլիացիները։

Ռ. Էբերտի կարծիքով ՝ ֆիլմի սկզբում գերեզմանոցի տեսարանները ազդել են Կորմանովսկու սարսափ (ժանր)ի գեղագիտության վրա, իսկ Միսս Հևիշի տան տեսարանները ոգեշնչել են Բիլլի Ուայլդերին դասական նուարի «Սանսեթ Բուլվար» ֆիլմի (1950)[8] դեկորացիաների վրա աշխատելիս։

Արդյունքներ[խմբագրել | խմբագրել կոդը]

Քնադատություն[խմբագրել | խմբագրել կոդը]

Ռիչարդ Ուինինգթոնը News Chronicle-ից գրել է. «Դիքենսը նախկինում երբեք այդքան արդյունավետ չի էկրանավորվել»։

Քննադատ Ռոջեր Էբերտը նշել է, որ «Դիքենսի բոլոր էկրանավորումներից ամենամեծ ֆիլմն է»[11]։

Rotten Tomatoes կայքում ֆիլմն ունի 100% վարկանիշ՝ քննադատների 27 գրախոսությունների հիման վրա՝ 10-ից 8.4 միջին միավորով[12]։

Դրամարկղ[խմբագրել | խմբագրել կոդը]

Կինոնկարը 1947 թվականին բրիտանական վարձույթում դարձել է ժողովրդականություն վայելող երրորդ ֆիլմը[13] և ամենահանրաճանաչ ֆիլմը կանադական վարձույթում 1948 թվականին[14]։

Ծանոթագրություններ[խմբագրել | խմբագրել կոդը]

  1. 1,0 1,1 http://www.imdb.com/title/tt0038574/
  2. 2,0 2,1 2,2 https://web.archive.org/web/20200728203105/https://www.bfi.org.uk/news-opinion/news-bfi/lists/10-great-films-set-victorian-london
  3. Ֆիլմերի շվեդական շտեմարան (швед.)
  4. 4,0 4,1 4,2 4,3 4,4 http://www.allocine.fr/film/fichefilm_gen_cfilm=3439.html
  5. ČSFD (չեխերեն) — 2001.
  6. 6,0 6,1 6,2 «Great Expectations — Cast, Reviews, Summary, and Awards — AllRovi»։ Արխիվացված է օրիգինալից 2011-12-06-ին։ Վերցված է 2020-02-27 
  7. Great Expectations | Film | The Observer
  8. 8,0 8,1 8,2 8,3 8,4 Great Expectations: rogerebert.com :: Great Movies
  9. В год выхода фильма Гиннесс был арестован за совершение гомосексуальных действий в общественном туалете. В полиции он представился именем своего персонажа, Херберта Покета, благодаря чему эпизод не получил огласки.
  10. Great Expectations | Film | The Guardian
  11. Roger Ebert։ «Great Expectations movie review (1946) | Roger Ebert» (անգլերեն)։ www.rogerebert.com։ Վերցված է 2020-02-18 
  12. «Great Expectations (1947)» (անգլերեն)։ Վերցված է 2020-02-18 
  13. «Anna Neagle Most Popular Actress»։ Sydney Morning Herald (NSW : 1842 - 1954) (անգլերեն) (NSW)։ 3 янв 1948։ էջ 3։ Վերցված է 2020-02-18 
  14. Screen Volume 32 Issue 3. — 115 с.

Արտաքին հղումներ[խմբագրել | խմբագրել կոդը]