«Մարտ հաղթանակից հետո» (ռուս.՝ «Бой после победы»), խորհրդային երկսերիանոց գեղարվեստական ֆիլմ, որը նկարահանել է ռեժիսոր Վիլեն Ազարովը 1972 թվականին[1] Վասիլի Արդամատսկու վավերագրական վեպի հիման վրա։ «Ճանապարհ դեպի «Սատուրն» (ռուս.՝ «Путь в «Сатурн», 1967) և «Սատուրնի» վերջ» (ռուս․՝ «Конец «Сатурна», 1968) ֆիլմերով սկսված եռերգության եզրափակիչ մասն է։ Պրեմիերան կայացել է 1972 թվականի օգոստոսի 21-ին[2]։
1945 թվական։ Նացիստական Գերմանիայի կապիտուլյացիայից հետո խորհրդային հետախույզ Սերգեյ Կռիլովը, որը գերմանացիների մոտ աշխատում է որպես Կրամեր, աբվերի մայոր Հերբերտ Վիլհելմիի հետ հայտնվում է ռազմագերիների ամերիկյան ճամբարում։ Ամերիկացիները նախկին գեստապոյականններից և աբվերի հակահետախույզներից գաղտնի հետախուզական և դիվերսիոն ծառայություն են ստեղծում գեներալ Ռեյնհարդ Գելենի ղեկավարությամբ։ Վիլհելմին և Կրիլովին ուշադիր ստուգում են և ներառում են Գելենի կազմակերպությունը։ Տեղեկանալով նոր կազմակերպության ղեկավարության՝ ԽՍՀՄ-ի դեմ գործողությունների համար դիվերսիոն դպրոցների ցանց ստեղծելու մտադրությունների մասին՝ Կռիլովն այդ մասին տեղեկություններ է փոխանցում Կենտրոն։ ԽՍՀՄ-ը պահանջում է Կրիլովին հանձնել որպես «նացիստական ռազմական հանցագործ»։ Ի պատասխան Գելենը որոշում է կայացնում Կրամերին վերացնելու մասին։ Գերմանացի հակաֆաշիստների օգնությամբ Կռիլովը կենդանի և անվնաս վերադառնում է հայրենիք, գեներալ Գելենի կազմակերպությունում նրա գործը շարունակում են Վիլհելմին և Կրիլովի նախկին օգնական Անդրոնովը։
ԽՍՀՄ