Մարշալի գրադարան
 | |
| Երկիր | .svg){kind=small} Միացյալ Թագավորություն |
|---|---|
| Տեսակ | համալսարանի գրադարան |
Մարշալի գրադարան (անգլ.՝ Marshall Library of Economics), Քեմբրիջի համալսարանի մասնագիտացված տնտեսական գրադարան։
Գրադարանի պատմությունը սկսվել է 1885 թվականին, երբ Քեմբրիջի համալսարանի պրոֆեսորներ Ալֆրեդ Մարշալն ու Հենրի Սիջվիկը սեփական գրքերը համալսարանին նվիրեցին ուսանողների օգտագործման համար։ Գրքերը տեղավորեցին աստվածաբանության դպրոցում։ 1906 թվականին գրքերը ի պահ հանձնվեցին համալսարանի տնտեսագիտության և քաղաքականության հարցերով հատուկ խորհրդին։ 1909 թվականին Ալֆրեդ Մարշալի ուսանող, տնտեսագետ Ջ. Մ. Քեյնսը դարձավ «Ֆակուլտետի տնտեսագիտության գրադարան» անվանումը ստացած հավաքածուի առաջին նշանակված գրադարանավարը։
Ա. Մարշալը մինչև իր մահը` 1924 թվականը, գրադարանին է նվիրաբերել գրքեր և դրամական միջոցներ։ Այդ պատճառով 1925 թվականին գրադարանը ստացել է ներկա անվանումը։ Հիմնադրի այրին` Մերի Մարշալը, գրադարանը գլխավորել է այդ ժամանակից մինչև 1944 թվականը։ Ամուսնու մահից հետո նա ամեն տարի գրադարանին է նվիրաբերել 250 ֆունտ ստեռլինգ, և իր կտակում գրադարանին է թողել ևս 10 000 ֆունտ ստեռլինգ։
Հավաքածուի գրադարանավարներից մեկը հայտնի տնտեսագետ Պիերո Սրաֆան էր։
1960-ականներին գրադարանը տեղափոխվել է հատուկ կառուցված շենք Սիջուիկ պողոտայում։
Ներկայումս գրադարանն ունի 1800 գրանցված ընթերցող։ Գրադարանի ֆոնդը կազմում է ավելի քան 75 000 գիրք և 25 000 մասնագիտացված ամսագիր[1], ինչպես նաև պատմական հավաքածուներ, որոնք ներառում են Քեմբրիջի տնտեսագետների (Ալֆրեդ Մարշալի, Ջոն Քեյնսի, Արթուր Պիգուի, Էդվին Ռոբինսոնի և այլոց) մոտ 4000 գիրք և արխիվային նյութեր։
Ծանոթագրություններ
[խմբագրել | խմբագրել կոդը]- ↑ «Cambridge Libraries Directory, Marshall Library». Արխիվացված է օրիգինալից 2014 թ․ նոյեմբերի 29-ին. Վերցված է 2014 թ․ նոյեմբերի 16-ին.
Արտաքին հղումներ
[խմբագրել | խմբագրել կոդը]
| ||||||
