Մարիա Էլենա Կիրիակու
| Մարիա Էլենա Կիրիակու | |
|---|---|
 | |
| Ի ծնե անուն | հուն․՝ Μαρία Έλενα Κυριάκου |
| Ծնվել է | հունվարի 11, 1984[1] (39 տարեկան) Լարնակա, Կիպրոս |
| Երկիր |  Կիպրոս և  Հունաստան |
| Ժանրեր | փոփ |
| Մասնագիտություն | երգչուհի |
| Գործիքներ | վոկալ |
| Լեյբլ | Universal Music Group |
| Կրթություն | Կիպրոսի համալսարան |
| Կայք | mariaelenakyriakou.gr |
 Maria Elena Kyriakou Վիքիպահեստում | |
Մարիա Էլենա Կիրիակու (հունվարի 11, 1984[1], Լարնակա, Կիպրոս)՝ հույն կիպրացի երգչուհի է։ Նա հայտնիություն ձեռք բերեց հունական The Voice նախագծում հաղթանակ տոնելուց հետո։ Նա ներկայացրել է Հունաստանը Եվրատեսիլ 2015 երգի մրցույթում իր "One Last Breath" (Վերջին շունչ) երգով։
Կյանքը և կարիերան[խմբագրել | խմբագրել կոդը]
Մարիա Էլենա Կիրիակուն ծնվել է 1984 թվականի հունվարի 11-ին Կիպրոսի Լառնակա քաղաքում, ուր ապրում է մինչ օրս։ Մարիան 13 տարեկանում ընդունվեց երաժշտական դպրոց։ Տարիներ անց ընդունվեց Իոանիննա համալսարան՝ փիլիսոփայություն սովորելու[2]։ Սովորելու առաջին տարիներին նա համագործակցելու առաջարկ ստացավ Յանիս Պլուտարխոսից, սակայն մերժեց, քանի որ ցանկանում էր շարունակել ուսումը։ 2 տարի անց նա որոշեց տեղափոխվել հայրենիք և կրթությունը շարունակեց Կիպրոսի համալսարանում։ Ավարտելուց հետո նա բացեց իր ուսումնական կենտրոնը։ 2011 թվականին Մարիայի մայրը նրան գրանցեց՝ մասնակցելու հունական «Սուպերսթար» երաժշտական ծրագրին, սակայն երգչուհին չմասնակցեց[3]։
2013 թվականին քսանինը տարեկան հասակում նա մասնակցեց հունական The Voice նախագծի առաջին եթերաշրջանին[4]։ Լսումների ընթացքում հանդես եկավ Քելլի Քլարկսոնի "Because of You" երգով և ստիպեց 4 մարզիչներին պտտվել, որից հետո նա որպես մարզիչ ընտրեց Դեսպինա Վանդիին։ Մի քանի հաջող ելույթներից հետո Էլենա Կիրիակուն հասավ մինչև եզրափակիչ, որտեղ հանդես եկավ իր սեփական երգով, որը կոչվում է "Dio Egoismoi" և դուետով իր մարզչի հետ։ Եզրափակչում նա ճանաչվեց որպես հաղթող և պայմանագիր ստորագրեց Universal Music Group-ի հետ[5]։
2015 թվականին Մարիան մասնակցեց Եվրատեսիլ 2015 թ.-ի հունական նախընտրական փուլին իր "One Last Breath" (Վերջին շունչ) երգով։ Երգչուհին այն հաղթեց և իրավունք ձեռք բերեց ներկայացնել Հունաստանը Եվրատեսիլ 2015 երգի մրցույթում[6]։ Հաղթահարելով առաջին կիսաեզրափակիչը՝ երգչուհին գրավեց 19-րդ հորիզոնականը։
Անձնական կյանքը[խմբագրել | խմբագրել կոդը]
Կիրիակուն իր ընտանիքի չորս երեխաներից է, որոնցից հայտնի է կիպրացի ֆուտբոլիստ Կիրիակոս Պավլուն[7]։ 2006 թվականին նա ամուսնացել է կիպրացի սպորտային մեկնաբան Գրեգորիս Գրեգորիուի հետ, ումից ունի երեք երեխա։ 2011 թվականին զույգը բաժանվել է։
Սկավառակագրություն[խմբագրել | խմբագրել կոդը]
- Dio Ageloi Sti Gi
Սինգլներ[խմբագրել | խմբագրել կոդը]
- "Dio Egoismoi" (2014)
- "One Last Breath" (2015)
Ծանոթագրություններ[խմբագրել | խմբագրել կոդը]
- ↑ 1,0 1,1 Discogs — 2000.
- ↑ «Արխիվացված պատճենը»։ Արխիվացված է օրիգինալից 2015-04-02-ին։ Վերցված է 2015-04-22
- ↑ http://www.newsorama.gr/to-profil-tis-nikitrias-tou-the-voice-marias-elenas-kyriakou/
- ↑ «Արխիվացված պատճենը»։ Արխիվացված է օրիգինալից 2014-05-05-ին։ Վերցված է 2015-04-22
- ↑ «Արխիվացված պատճենը»։ Արխիվացված է օրիգինալից 2014-05-14-ին։ Վերցված է 2015-04-22
- ↑ http://escxtra.com/2015/03/04/one-last-breath-to-eurovision/
- ↑ http://showbizcy.com/index.php?id=45&hid=15161&cid=%CE%9A%CF%8D%CF%80%CF%81%CE%BF%CF%82&tag=%CE%B1%CE%B5%CE%BA%20the%20voice
| ||||||||||
