Մարգոն հարսանիքին

Մարգոն հարսանիքին; անգլ.՝ Margot at the Wedding
Երկիր	ԱՄՆ
Ժանր	դրամա և կինոկատակերգություն
Թեմա	անհաջող ընտանիք
Թվական	2007
Լեզու	անգլերեն
Ռեժիսոր	Նոյ Բաումբախ
Պրոդյուսեր	Սքոթ Ռուդին
Սցենարի հեղինակ	Նոյ Բաումբախ
Դերակատարներ	Նիկոլ Քիդման, Ջենիֆեր Ջեյսոն Լի, Ջեք Բլեք, Ջոն Թուրթուրո, Քիարան Հայնդս, Halley Feiffer?, Michael J. Cullen?, Էշլի Աթքինսոն, Էնիդ Գրեհեմ, Սոֆի Նայվայդ, Michael Cullen? և Սյուզան Բլեքուել
Օպերատոր	Հարիս Սավիդես
Երաժշտություն	Քլիֆ Այդելման
Մոնտաժ	Քարոլ Լիթլթոն
Կինոընկերություն	Paramount Vantage
Տևողություն	93 րոպե
	Պաշտոնական կայքէջ

«Մարգոն հարսանիքին» (անգլ.՝ Margot at the Wedding), երիտասարդ ամերիկացի ռեժիսոր Նոա Բաումբախի կատակերգական դրաման Նիկոլ Քիդմանի և Ջենիֆեր Ջեյսոն Լիի մասնակցությամբ։ Սա Բաումբախի երկրորդ անընդմեջ աշխատանքն է «Կաղամար և կետ» հաջողություն ունեցած ֆիլմից հետո, որտեղ ներկայացվում են հարաբերությունները քանդվող ընտանիքներում։ Ֆիլմն առաջին անգամ ներկայացվել է Կոլորադո նահանգի Թելուրիդ ամերիկյան քաղաքում կինոփառատոնի ժամանակ 2007 թվականի օգոստոսի վերջին։ Մեծ ներկայացումը հանրության առաջ տեղի է ունեցել Տորոնտոյի կինոփառատոնին 2007 թվականի սեպտեմբերի 13-ին։

Ֆիլմը 2 միլիոն դոլլար է հավաքել ԱՄՆ-ում և Կանադայում, իսկ ամբողջ աշխարհում ընդհանուր՝ 2.9 միլիոն դոլլար^[2]։

Դիպաշար[խմբագրել | խմբագրել կոդը]

Մարգո Զելլերը նյարդային, բայց հաջողակ գրող է Նյու Յորքից։ Անհաջողակ քրոջ՝ Պոլինի նշանադրության լուրի հետ կապված Մարգոն որոշում է այցելել նրան ազատ օրերին։ Իր դեռահաս որդու՝ Կլոդի հետ նա մեկնում է քրոջ գավառական տունը՝ սկզբնապես նպատակ ունենալով հարթեցնել Պոլինի և փեսացուի սառը հարաբերությունները, սակայն սպիտակ գինու մի քանի բաժակից հետո Մարգոն բացահայտում է իր այցի իրական նպատակը, այն է՝ ետ համոզել Պոլինին Մալքոլմի հետ ամուսնության մտքից։ Կլոդի և Պոլինի փոքրիկ դստեր՝ Ինգրիդի աչքի առաջ ընտանեկան մարած թշնամանքը կրկին արթնանում է նոր ուժով։ Կռվում ներգրավվում են նաև Մարգոյի նախկին սիրելի Դիկը իր չափազանց արագ հասունացած դուստր Մեյզիի հետ։

Դերակատարներ[խմբագրել | խմբագրել կոդը]

Դերակատար	Դեր
Նիկոլ Քիդման	Մարգո Զելլեր Մարգո Զելլեր
Զեն Փեյս	Կլոդ Զելլեր Կլոդ Զելլեր
Ջենիֆեր Ջեյսոն Լի	Պոլին Պոլին
Ջեք Բլեք	Մալքոլմ Մալքոլմ
Ֆլորա Կրոս	Ինգրիդ Ինգրիդ
Կրիրիան Հայնդս	Դիկ Դիկ
Հելլի Ֆայֆեր	Մեյզի Մեյզի
Ջոն Տուրտուրո	Ջիմ Ջիմ

Մրցանակներ[խմբագրել | խմբագրել կոդը]

Peñíscola Comedy Film Festival

2008 — Լավագույն դերասանուհի — Ջենիֆեր Ջեյսոն Լի
2008 — Լավագույն ռեժիսոր — Նոյ Բաումբախ

Հետաքրքիր փաստեր[խմբագրել | խմբագրել կոդը]

Իր հարցազրույցներից մեկում Նիկոլ Քիդմանը պատմել է, որ երբեք նախկինում նման ֆիլմի նկարահանման ժամանակ այսպիսի փորձ չի ունեցել. նա նկարահանումների ժամանակ Ջենիֆեր Ջեյսոն Լիի և Ջեք Բլեքի հետ միասին Հեմթոնում մի տուն էր վարձել և երեքով այնտեղ էին մնում ազատ օրերին, որպեսզի իրենց կերպարներին ավելի բնականություն հաղորդեն, և առաջիկա փորձերին պատրաստվելու համար։
«Մարգոն հարսանիքին» ֆիլմի նկարահանումները տեղի են ունեցել 2006 թվականի ապրիլից հունիսը Նյու Յորքի մոտակայքում, ֆիլմի թողարկումը հյուսիամերիկյան վարձույթում նախատեսվում էր 2007 թվականի նոյեմբերի 16-ին։ Ռուսական ցուցադրությունները նախատեսվում էին 2008 թվականի հունվարին։
Ռեժիսորի խոսքերով «Մարգոյի» ստեղծման համար ոգեշնչվել է ֆրանսիացի հանրահայտ «անառողջ ընտանիքների պատրաստուկագործ» Էրիկ Ռոմերի արվեստից։ Նույնիսկ ֆիլմի անվանումը դրա արձագանքն է. հայտնի է, որ սցենարի նախնական գլխագիրը եղել է «Նիկոլը գյուղում» (Nicole in the Country), որը թույլ է տալիս զուգահեռներ անցկացնել Ռոմերի հայտնի «Պոլինը լողափում» ֆիլմի անվանման հետ (Բաումբախի ֆիլմի գլխավոր հերոսներից մեկի անունը հենց Պոլին է)։ Սակայն այն բանից հետո, երբ նախագծին միացավ Նիկոլ Քիդմանը, անվանումը ստիպված եղան փոխել, որպեսզի խուսափեն շփոթից և անհարկի նմանեցումից։ Արդեն նկարահանված ֆիլմը երկար ժամանակ մնաց անանուն։ Միայն 2006 թվականի դեկտեմբերին հայտարարվեց «Մարգոն հարսանիքին» անվանումը։
Մարգո Զելլերի դերին պատրաստվելու համար Նիկոլ Քիդմանը դիտել է Վուդի Ալենի և Ինգմար Բերգմանի վաղ շրջանի ֆիլմերը։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 ČSFD (չեխերեն) — 2001.
↑ https://www.boxofficemojo.com/title/tt0757361/?ref_=bo_se_r_1

Արտաքին հղումներ[խմբագրել | խմբագրել կոդը]

Ֆիլմի կինոթատրոնային հոլովակ
«Մարգոն հարսանիքին»(անգլ.) ֆիլմը Internet Movie Database կայքում

[_6417e6da19359540-1] 1,0 ^1,1 ^1,2 ^1,3 ^1,4 ČSFD (չեխերեն) — 2001.

[BOM-2] ttps://www.boxofficemojo.com/title/tt0757361/?ref_=bo_se_r_1

[1]

[2]

Մարգոն հարսանիքին անգլ.՝ Margot at the Wedding

Երկիր	ԱՄՆ
Ժանր	դրամա և կինոկատակերգություն
Թեմա	անհաջող ընտանիք
Թվական	2007
Լեզու	անգլերեն
Ռեժիսոր	Նոյ Բաումբախ
Պրոդյուսեր	Սքոթ Ռուդին
Սցենարի հեղինակ	Նոյ Բաումբախ
Դերակատարներ	Նիկոլ Քիդման, Ջենիֆեր Ջեյսոն Լի, Ջեք Բլեք, Ջոն Թուրթուրո, Քիարան Հայնդս, Halley Feiffer?, Michael J. Cullen?, Էշլի Աթքինսոն^[1], Էնիդ Գրեհեմ^[1], Սոֆի Նայվայդ^[1], Michael Cullen?^[1] և Սյուզան Բլեքուել^[1]
Օպերատոր	Հարիս Սավիդես
Երաժշտություն	Քլիֆ Այդելման
Մոնտաժ	Քարոլ Լիթլթոն
Կինոընկերություն	Paramount Vantage
Տևողություն	93 րոպե
Պաշտոնական կայքէջ