Մասնակից:Sunshinsee/Ավազարկղ 8
«Իմ ընկեր Դամերը» (անգլ.՝ My friend Dahmer), ամերիկյան կենսագրական ֆիլմ սերիական մարդասպան Ջեֆրի Դամերի մասին, նկարահանված 2017 թվականին ամերիկացի ռեժիսոր Մայքլ Մեյերսի կողմից: Գլխավոր դերակատարը Ռոսս Լինչն է: Ֆիլմը հիմնված է համանուն վեպի վրա, որը թողարկել է մուլտիպլիկատոր Ջոն Բեկդերֆը, ով 1970-ականների վերջին Revere High School դպրոցում եղել է Դամերի համադասարանցին և ընկերը[1]: Ֆիլմն անդրադառնում է կամքի ազատության՝ փիլիսոփայական և բարոյական խնդիրներին, ինչպես նաև ընտանիքի, կրթական հաստատության և հասարակության ազդեցությանը անձի ինքնահաստատման վրա: Ֆիլմին բացառիկություն է տալիս այն փաստը, որ սա Ջեֆրի Դամերի կենսագրությանը նվիրված բոլոր կենսագրական ֆիլմերից միակն է, որն անդրադառնում է նրա դպրոցական, պատանեկան տարիներին՝ փորձելով բացահայտել դաժանության ձևավորման իրական պատճառներն ու պայմանները[2]:
Սյուժե[խմբագրել | խմբագրել կոդը]
Ջեֆրի Լայոնել Դամերը ծնողների և կրտսեր եղբոր հետ ապրում է Օհայո նահանգի Բաթում քաղաքում։ Նա սովորում է Revere High School դպրոցում, բայց ինտրովերտ լինելու պատճառով դպրոցում հայտնի չէ: Որպես զբաղմունք երիտասարդը տարբեր թթուներով քայքայում է սատկած կենդանիների դիերը: Պարբերաբար ենթարկվում է այլ աշակերտների հարձակումներին։ Ծնողների ամուսնալուծության պատճառով, Ջեֆրին նրանց հետ կոնֆլիկտի մեջ է մտնում և սկսում օգտագործել մեծ քանակությամբ ալկոհոլ: Այս ամենը նկատում են դասընկերները, բայց դպրոցի անձնակազմն անպատասխանատվություն է ցուցաբերում:
Մի շարք հիմար արարքների շնորհիվ տղան հարգանք և ընկերներ է ձեռք բերում: Ջեֆրին ոգեշնչում է Բեքդերֆին ավարտական նախօրեին ստեղծել Դամերի բազմաթիվ նկարներ տարբեր զավեշտական իրավիճակներում (որոնք հետագայում ձևավորել են գրաֆիկական վեպը): Միևնույն ժամանակ, Դամերը սկսում է զգալ, որ համակրում է տղամարդկանց։
Գիտակցելով իր համասեռամոլությունը և ընտանեկան խնդիրները, Ջեֆրին դադարեցնում է ընկերների հետ շփումը: 1978 թվականի ամռանը Ջեֆրիի ծնողները ամուսնալուծվում են և Դամերի մայրն ու կրտսեր եղբայր Դևիդը մեկնում են Վիսկոնսին նահանգ, իսկ հայրը սկսում է ապրել հյուրատանը: Այս դեպքերի պատճառով էլ տղան 18 տարեկան հասակում սկսում է ապրել միայնակ։
Սոցիալական մեկուսացման, ընկերների և հարազատների հետ կապը կորցնելու հետևանքով, Ջեֆրին նույն թվականի հունիսի 18-ին ուղևորվում է ճամփորդության, որի ընթացքում էլ կատարում է իր առաջին սպանությունը, որի զոհը դառնում է 18-ամյա ավտոարշավորդ Սթիվեն Հիքսը:
Ստեղծում[խմբագրել | խմբագրել կոդը]
Ֆիլմի սցենարի գաղափարը ծնվել է 2014 թվականին՝ Մայք Մեյերսի և Ջոն Բեքդերֆի ծանոթությունից հետո։ Ֆիլմը նկարահանվել է Օհայո նահանգում, այն տանը, որտեղ Ջեֆրի Դամերն անցկացրել է մանկական և պատանեկան տարիները և կատարել իր առաջին սպանությունը[3][4]։ Նկարահանումներին նախապատրաստվելիս Ռոս Լինչը դերի մեջ մտնելու նպատակով մի քանի շաբաթ դիտել է Դամերի հետ հարցազրույցները և շփվել նրա դպրոցական ընկերների և ծանոթների հետ[5][6]։ Ֆիլմն առաջին անգամ ցուցադրվել է 2017 թվականի ապրիլի 21-ին Թրայբեկի կինոփառատոնում[7]։ Ամերիկյան կինովարձույթում ֆիլմը թողարկվել է 2017 թվականի նոյեմբերի 5-ին[8]:
Քննադատություն[խմբագրել | խմբագրել կոդը]
Ֆիլմը հիմնականում դրական արձագանքներ է ստացել կինոքննադատների կողմից[9]:
Ծանոթագրություններ[խմբագրել | խմբագրել կոդը]
- ↑ Stuaru Warner (2017-11-06). «Jeffrey Dahmer's Friend Derf: About His Classmate the Serial Killer». Phoenix New Times (անգլերեն). Վերցված է 2019-10-17-ին.
- ↑ David Barnett (2017-11-12). «In New Film, 'My Friend Dahmer' Author Portrays Serial Killer As Sympathetic Outcast». NPR.org (անգլերեն). Վերցված է 2019-10-17-ին.
{{cite web}}
: Unknown parameter|subtitle=
ignored (օգնություն) - ↑ «Bone Fragments, Many Human, Are Found at Suspect's Ohio. July 31, 1991».
- ↑ «2017's Darkest Serial Killer Movie Follows Teen Jeffrey Dahmer. May 16, 2017».
- ↑ «Something terrifying happened when actor cursed Jeffrey Dahmer while filming 'My Friend Dahmer' at murder home. NOV 01, 2017».
{{cite web}}
: line feed character in|title=
at position 112 (օգնություն) - ↑ «Bone Fragments, Many Human, Are Found at Suspect's Ohio. July 31, 1991».
- ↑ «FILM GUIDE MY FRIEND DAHMER».
- ↑ «Мой друг Дамер (2017) My Friend Dahmer (original title)».
{{cite web}}
: line feed character in|title=
at position 22 (օգնություն) - ↑ «My Friend Dahmer 2017 METASCORE Generally favorable reviews based on 26 Critics».
{{cite web}}
: line feed character in|title=
at position 22 (օգնություն)