Մասնակից:Իլոնա Գասպարյան/Ավազարկղ 2
Գաղտնի շրջան | |
---|---|
Изображение логотипа | |
Ժանր | Պատանեկան դրամա,սարսափ ֆիլմ,ֆենտեզի |
Ստեղծող | Էնդրյու Միլլեր |
Երկիր | ԱՄՆ |
Հիմք | Լիզա Ջեյն Սմիթի «Գաղտնի շրջան» գրքեր շարք |
Լեզու | անգլերեն |
Գլխավոր դերերում | Բրիտ Ռոբեորտսոն, Թոմաս Դեկկեր,Գեյլ Հարոլդ, Շեյլլի Հեննինգ, Ֆիբի Թոնքին,Ջեսսիկա Պարկկեր Քեննեդի,Քրիս Զիլկա,Լուիս Հանթեր |
Պրոդյուսեր | Լիզ Ֆրիդլենդեր,Դոն Ուայթհեդ,Հոլլի Հենդերսոն |
Գործադիր պրոդյուսեր | Քևին Ուիլյամսոն,Լեսլի Մորգենշտերն,Էնդրյու Միլլեր, Ջինա Ջիրալամո |
Նկարահանման վայր | Վանկուվեր,Բրիտանական Կոլումբիա,Կանադա |
Եթերաշրջանների քանակ | 1 |
Սերիաների քանակ | 22 |
Հեռուստաալիք | The CW |
Պատկերի ձևաչափ | 1080i(HDTV) |
Գաղտնի շրջան (անգլ.՝ The Secret Circle) (անգլ.՝ The Secret Circle), գրող Լիզա Ջեյն Սմիթի համանուն վեպերի շարքի մոտիվներով նկարահանված ամերիկյան հեռուստասերիալ, որի պրեմիերան կայացել է 2011 թվականի սեպտեմբերի 15-ին՝ «Վամպիրի օրագրերը» սերիալի երրորդ եթերաշրջանի առաջին սերիայի հեռարձակումից անմիջապես հետո[1]։
2012 թվականի մայիսի 1-ին սերիալի նկարահանումները դադարեցրին ցածր վարկանիշների պատճառով[2]։
Սյուժե[խմբագրել | խմբագրել կոդը]
Քեսսի Բլեյքի համար աշխարհը գլխիվայր է շրջվում այն բանից հետո, երբ նրա մայրը մահանում է խորհրդավոր հանգամանքներում: Սա ստիպում է Քեսսիին տեղափոխվել իր տատիկի Ջեյնի մոտ՝ Վաշինգտոնի Չենս Հարբոր քաղաք։ Փորձելով հաշտվել իր նոր կյանքի հետ, Քեսսին արագ լեզու է գտնում իր սիրելի համադասարանցու՝ Դիանա Միդի հետ, որն առաջարկում է Քեսսին համակերպվել իր նոր միջավայրին ու ծանոթացնում է նրան Ֆեյ անունով հայտնի մի «այլասերված աղջկա» հետ, ինչպես նաև նրա խորհրդավոր ընկերուհու՝ Մելիսայի և Նիկի հետ. վերջինս Քեսսիի հարևանն է: Ամեն ինչ բարդանում է, երբ Քեսսին հանդիպում է Ադամին՝ Դիանայի ընկերոջը, ում հետ նա անսպասելիորոն սերտ կապվածություն է զգում։
Երբ նա հանդիպում է իր մոր դպրոցական ընկերուհու՝ Դոն Չեմբերլենի հետ, ով դպրոցի տնօրենն է և Ֆեյի մայրը, Քեսսինն սկսում է հետաքրքրվել, թե ինչու նրա մայրը երբեք չի պատմել նրան այն քաղաքի մասին, որտեղ անցել է իր մանկությունը: Երբ սկսում են տեղի ունենալ տարօրինակ ու խորհրդավոր բաներ, Քեսսիի նոր ընկերները ստիպված են լինում նրան պատմել իրենց գաղտնիքը, որ նրանք բոլորը վհուկներ են, և Քեսսիի հայտնվելուց հետո Շրջանը ամբողջական կդառնա: Ամենևին էլ պատահականություն չէ որ, Շրջանը կրկին միավորվել է։ Նրանց ծնողները իրենց սեփական ծրագրերը ունեն Շրջանի հզորացման հետ կապված․․․
Դերերում[խմբագրել | խմբագրել կոդը]
Հիմնական կազմը[խմբագրել | խմբագրել կոդը]
- Կասանդրա «Քեսսի» Բլեյք (Բրիտ Ռոբերտսոն)՝ նորահայտ վհուկ, որը իր մոր՝ Ամելիայի մահից հետո տեղափոխվում է Վաշինգտոն նահանգի Չենս Հարբոր քաղաք։ Չնայած Քեսսին ի սկզբանե չի համակերպվում այն փաստի հետ, որ ինքը վհուկ է, հետագայում հասկանում է, որ այդ ճակատագրի կրողն է և նա նաև պարտավոր է ընդունել իր ընտանիքից (մորական կողմից) բաժին հասած առեղծվածային ժառանգությունը։ Նա իմանում է, որ իր հայրը՝ Ջոն Բլեքվելը, սերում է Բալկոյնյան մոգական տոհմից, ովքեր տիրապետում էին սև մոգության: Հանդիսանում է Դիանա Միդի քույրը ու Շրջանի տոհմական առաջնորդը[3].։
- Դիանա Միդ (Շելլի Հեննիգ)՝ պատասխանատու և խիստ վհուկ, ներկայիս շրջանի առաջնորդ: Քեսսիի հետ ծանոթանալուց հետո երկու աղջիկներն անմիջապես ընկերացան: Այնուամենայնիվ, նա նկատում է Քեսիի և Ադամի միջև համակրանքը: Ադամն իր նախկին ընկերն էր: Չնայած նա հերքում էր, որ իր ու Քեսսիի միջև ինչ-որ բան կա: Վերջում պարզվում է, որ նա Քեսսիի քույրն է՝ Ջոն Բլեքվելի երկրորդ երեխան, և նույնպես տիրապետում է սև մոգության, որից նա շատ վհատվում է[4]։ Եթերաշրջանի վերջում նա հեռանում է Հրանտի հետ։
- Ադամ Կոնանտ (Թոմաս Դեկկեր) մոգ, Գաղտնի շրջանի անդամ: Քեսսիի հետ ծանոթանալուց հետո,երկուսն էլ համակրանք են տածում միմյանց հանդեպ՝ չնայած Դիանա Միդի հետ երկար տարիների հարաբերություններին: Ադամը ստիպում է Քեսիին միանալ Շրջանին ՝ օգնելով նրան բացահայտել իր թաքնված կախարդական ուժերը: Նա խոստովանում է իր զգացմունքները Քեսսիին և նրանք սկսում են հանդիպել: Ադամը լավ ու ընկերական հարաբերություններ ունի Դիանայի հետ[5]:
- Ֆեյ Չեմբերլեն (Ֆիբի Թոնքին)՝ արտասավոր ու ազատատենչ վհուկ, ով սիրում է իր ուժը օգտագործել թեթևամտորեն: Ֆեյը հաճախ խնդիրներ է ունենում իր ուժի հետ: Նրանք լավագույն ընկերներ են Մելիսսայի հետ։ Ֆեյը չի հավատում Դիանային, ով Շրջանի առաջնորդն է, և ի սկզբանե չի ցանկանում կապել նրան, քանի դեռ նրա ուժերը քիչ էր մնում մարդ սպանեին։ Ամբողջ եթերաշրջանի ընթացքում Ֆեյը փորձում է վերադարձնել իր անհատական ուժը ցանկացած եղանակով, ինչպես նաև կրկին գայթակղել Ջեյքին, ով բաժանվել էր նրանից երկու տարի առաջ[6]:
- Մելիսա Գլեյզեր (Ջեսիկա Պարկեր Քենեդի)՝ վհուկ, Շրջանի անդամ, Դիանա Միդի նախկին ընկերուհին։ Երկար ժամանակ գործել է Ֆեյ Չեմբերլենի ստվերում, բայց գիտակցում է, որ պետք է աստիճանաբար ինքնուրույնանա։ Սիրահարվում է Նիկ Արմսթրոնգին, ում հետ մինչ այդ միայն ժամանակ էր անցկացնում, և սկսում է հանդիպել նրա հետ[7]։
- Նիկոլաս «Նիկ» Արմսթրոնգ (Լուիս Հանթեր)՝ Շրջանի անդամ, Ջեյք Արմսթրոնգի կրտսեր եղբայրը։ Մանուկ հասակում կորցրել է ծնողներին նավի վրա բռնկված հրդեհի պատճառով։ Քեսսի Բլեյքի հարևանն է։ Քեսիի ժամանելուց հետո նա Ադամի խնդրանքով "լրտեսել է" նրան։ Չնայած տղայի վատ վարքագծին, Նիկը զգացմունքներ էր տածում Մելիսա Գլեյզերի նկատմամբ: Նիկի ներսում դև հայտնվելուց հետո Ջոն Չեմբեռլենը և Չարլզ Միդը սպանում են նրան, քանի որ նրա մեջ գտնվող դևին ոչնչացնելու համար պետք էր կամ նրան այրել կամ խեղդել: Եթերաշրջանի վերջում պարզվում է, որ մագ-դավաճանը հենց Նիկն է, որի մարմնում այս ամբողջ ընթացքում դևն էր ապրում։ Առանց դևի Նիկը չի կարող ապրել, այդ պատճառով էլ համաձայնվել է Էբենի գործարքին և ցանկացել է նրան տալ բյուրեղներից մեկը։ Կրկին և վերջնականապես սպանվեց Մելիսայի կողմից իր եղբոր ՝ Ջեյքի վրա հարձակման ժամանակ[8]։
- Ջեյքոբ Արմսթրոնգ (Քրիս Զիլկա) ՝ Մոգ: Նա ծնվել է 1992 թվականին երիտասարդ զույգի՝ Սառա և Ռիչարդ Արմսթրոնգների ընտանիքում։ Նիկ Արմսթրոնգի ավագ եղբայրն է, իսկ Նիկի մահից հետո վերադառնում է և դառնում Քեսսի Բլեյքի հարևանը։ Հմայիչ և շատ գրավիչ Ջեյքը միանում է որսորդների մի խմբի, որը հայտնի է որպես «Ճշմարտահավատ», քանի որ կարծում է, որ իր ծնողների մահվան և նախորդ Շրջանի քայքայման պատճառը եղել է մոգության հանդեպ անհագ ծարավը: Գալիս է Չենս Հարբոր, որպեսզի սպանի Շրջանի բոլոր անդամներին, բայց երբ իմանում է, որ Քեսսիի մեջ մութ մոգություն կա, փոխում է իր որոշումը: Ջեյքը ուժեղ կապվածություն է զգում Քեսսի հանդեպ, սկզբում, նույնիսկ այն փոխադարձ է թվում: Երբ որսորդները բռնում են Քեսսիին, Ջեյքոբը օգնում է Քեսսիին փախչել և հեռանում է որսորդների հետ: Ավելի ուշ վերադառնում է Չենս Հարբոր՝ հետևելու և պաշտպանելու Քեսսին և վերջապես դառնում է Շրջանի անդամը Նիկի փոխարեն: Դեռ երկար ժամանակ տառապում է Քեսսիի հանդեպ անպատասխան սիրուց, նույնիսկ միավորվում է նրա հոր հետ, սակայն եթերաշրջանի ավարտին Ջեյքը իր ուշադրությունը սևեռում է Ֆեյին, որի հետ նախկինում սիրային հարաբերություններ ուներ և ով մինչ օրս նրան սիրում է[9]։
Երկրորդական կազմ[խմբագրել | խմբագրել կոդը]
- Չարլզ Միդ (Գեյլ Հարոլդ)՝ Դիանա Միդի հայրն է։ Դոն Չեմբերլենի հետ միասին նպատակ է հետապնդում վերականգնել իրենց մոգական ուժը, որից զրկվել էին իրենց երեցների կողմից 16 տարի առաջ տեղի ունեցած հրդեհից հետո: Չարլզի կազմակերպած հրդեհի պատճառով զոհվել է Քեյսի մայրը՝ Ամելիա Բլեյքը: Այսկերպ Քեսին ստիպված կլիներ տեղափոխվել Չենս Հարբոր՝ իր տատիկի մոտ և նոր Շրջանը կփակվեր: Նաև պատահաբար սպանել է Քեսսիի տատիկին, չիմանալով, որ վերջինս Ջոն Բլեքվելի հետ փոխանակվել էին բաժակներով: Իմանալով, որ Դիանան Բլեքվելի դուստրն է, շատ է տառապել և իր սերը դստերը ապացուցելու և անցյալի սխալները ուղղելու համար ոչնչացրել է Էբենի մեջ գտնվող դևերին և խեղդվել, որպեսզի նրանց իր հետ ոչնչացնի: Սերիայի վերջում պարզվում է, որ նա չի խեղդվել, իսկ մայրը նրան կախարդում է, որի արդյունքում անշարժանում է և թույլ չի տալիս դևերին կառավարել իրեն[10][11]:
- Դոն Չեմբերլեն (Նատաշա Հենստրիջ) ՝ Շրջանի նախկին անդամ, դպրոցի ներկայիս տնօրենը, ինչպես նաև Ֆեյի մայրը: Չարլզ Միդի հետ միասին փորձում է գտնել իր կախարդական ուժը վերադարձնելու միջոցը և ոչ մի բան չի կարող նրան կանգնեցնել, սպանությունների բոլոր գաղափարները հիմնականում պատկանում են Դոնին: Հարսի մոտ իր անսպասելի այցից հետո սկեսրայրը՝ Դոն Հենրի Չեմբերլենը, իմանում է, որ նա և Չարլզ Միդը արգելված բյուրեղներ են օգտագործում կախարդելու համար, և սպառնում է այդ մասին պատմել մեծերին, որից հետո Դոնը սառնասրտորեն սպանում է նրան։ Դոնը անորոշ զգացմունքներ է տածում Ջոն Բլեքվելի նկատմամբ դեռևս նախորդ Շրջանի ժամանակներից[12]։
- Ջեյն Բլեյք (Էշլի Կրոու)՝ Քեսիի տատիկն ու Ամելիայի Բլեյքի մայրը, ավագ սերնդի կախարդ։ Օգնում է Քեսսին կախարդական գործերում, այն բանից հետո երբ աղջիկը սկսում է վստահել նրան: Զոհվում է Չարլզ Միդի մեղքով, քանի որ Ջոնն իր կախարդական բաժակը փոխարինել է Ջեյնի բաժակով[13]։
- Իթան Կոնանտ (Ադամ Հարինգթոն)՝ Շրջանի նախկին անդամ, ինչպես նաև Ադամ Կոնանտի հայրը: Իթանը սիրում էր Ամելիային, բայց վերջինս ընտրեց Քեսիի հորը՝ Ջոն Բլեքվելին։ Իթանը ամուսնացել է Քեթրինի հետ, և նրանք որդի ունեցան, որին կնքեցին Ադամ անունով: Երբ կինը մահացավ, և Ամելիան լքեց Չենս Հարբորը, Իթանը դարձավ հարբեցող, միաժամանակ միայնակ մեծացրեց իր որդուն: Պարզվում է նաև, որ Իթանը նույնպես անուղղակիորեն մեղավոր է լաստանավում տեղի ունեցած միջադեպի համար, քանի որ հենց նա է «հանձնել» Բլեքվելին որսորդների ձեռքը և այդ պատճառով մյուսներին սպանել են[8]։
- Լի Լաբեք (Գրեյ Դեյմոն)՝ զբաղվում է վուդու կախարդանքով։ Սկզբում օգնում է Ֆեյին վերադարձնել իր անհատական ուժը, նրա հանդեպ սիրային զգացմունքներ է տածում։ Սակայն, ինչպես պարզվում է ավելի ուշ, Լին իր անձնական շահն ունի այս գործում, այն է՝ Ֆեյի ուժերի օգնությամբ նա ցանկանում է կենդանացնել իր նախկին սիրելիին՝ Եվային, ով կոմայի մեջ է գտնվում «Սատանայի ոգին» թմրանյութի գերդոզավորումից։ Բայց երբ նրան հաջողվում է այդ ամենը անել, նա հասկանում է, որ նրան պետք է միայն Ֆեյան և թողնում է Եվային։ Կատաղած աղջիկը Ֆեյի ուժի օգնությամբ սպանում է Լիին։
- Ջոն Բլեքվել (Ջո Լանդո)՝ Քեսիի և Դիանայի հայրը։ Երկար ժամանակ համարվում էր լաստանավում տեղի ունեցած հրդեհի զոհ, որը եղել է 16 տարի առաջ։ Տիրապետում է սև մոգության, քանի որ առաջին սև մոգեր Բալկոյների ժառանգն է: Հայտնվում է եթերաշրջանի կեսին՝ Քեսսիին որսորդներից պաշտպանելու նպատակով: Ջոնի մեղքով մահանում է Քեսսիի տատիկը՝ Ջեյնը, նա փոխել էր մահվան բաժակը, որը Ջեյնը պատրաստել էր Ջոնի համար: Երբ որսորդների կլանի ղեկավարը՝ Էբենը, ոչնչացնում է դևերին, Ջոնը ստիպում է Շրջանին պատերազմ սկսել որսորդների դեմ, ինչի համար նրանք պետք է գտնեն և հավաքեն «բյուրեղային գանգ» ուժի հնագույն հզոր արտեֆակտը։ Ավելի ուշ պարզ է դառնում, որ Ջոն Բլեքվելի պլանները տարբերվում են Շրջանին ներկայացրած իր պլաններից։ Ջեյքի պապը ՝ Ռոյս Արմսթրոնգը, պատմում է, որ Բլեքվելին նախորդ Շրջանից միայն մեկ բան էր հարկավոր՝ երեխաներ, որոնց մեջ հոսում է նրա արյունը: Բլեքվելը ցանկանում է Բյուրեղապակյա գանգի օգնությամբ սպանել բոլոր վհուկներին, որոնցում Բալկոյնյան արյուն չկա և «մաքուր» Շրջան կազմել իր վեց երեխաներից, այդ թվում ՝ նրա մեջ պետք է մտնեն Դիանան և Քեսսին: Գրեթե իրականացրեց իր ծրագիրը, սակայն վերջին պահին սպանվեց Դիանայի և Քեսիի ուժով, որն ուղղված էր նրա դեմ ։
- Ամելիա Բլեյք (Էմիլի Հոլմս)՝ Քեսսի Բլեյքի մայրը։ Նորածին Քեսսիի հետ հեռացել է Չենս Հարբորից տարիներ առաջ սարսափելի հրդեհից հետո, որում զոհվել էր նրա Շրջանի կեսը։ Սպանվել Է Չարլզ Միդի Կողմից[8]։
- Քալլում (Մայքլ Գրացիադեյ)՝ ինչպես և Լին, նա ևս զբաղվել է վուդու կախարդանքով, «Սատանայի ոգին» թմրանյութերի մատակարարն է: Հետապնդում է Մելիսսային այն բանից հետո, երբ իմանում է, որ նա կախարդ է: Փորձել է գողանալ բյուրեղներից մեկը, սակայն Քեսիին կանգնեցրել է նրան, որից հետո Ջեյքը խայտառակել է նրան և արտաքսել Չենս Հարբորից ։
- Իսահակ (Ջեյ Ար Բորն)՝ Վհուկների որսորդը, երկար ժամանակ խաղացել է Ջեյքի զգացմունքների հետ՝ խաբելով նրան ծնողների մահվան մասին։ Սպանվել է Էբենի կողմից, քանի որ չի ընդունել նրա մեթոդները և կողմ չի եղել մոգության օգտագործմանը:
- Գրանտ (Թիմ Ֆիլիպս)՝ ավստրալացի է, ով ժամանել է Չենս Հարբոր, որտեղ և ծանոթացել է Դիանայի հետ ։
Ծանոթագրություններ[խմբագրել | խմբագրել կոդը]
- ↑ «Официальный сайт сериала». Արխիվացված է օրիգինալից 2012-08-10-ին. Վերցված է 2011-06-26-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ Ausiello, Michael (May 11, 2012). «The CW Cancels Ringer and Secret Circle, Renews Hart of Dixie For Season 2». TV Line. Արխիվացված է օրիգինալից 2012-08-08-ին. Վերցված է May 11, 2012-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ Hibberd, James (2011-02-17). «'Life Unexpected' star cast in CW's 'Secret Circle' - EXCLUSIVE | Inside TV | EW.com». Insidetv.ew.com. Արխիվացված է օրիգինալից 2012-08-10-ին. Վերցված է 2011-06-05-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ Andreeva, Nellie. «Six More Actors Join Broadcast Pilots –». Deadline.com. Արխիվացված է օրիգինալից 2012-08-10-ին. Վերցված է 2011-03-26-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ Michael Ausiello (2011-03-10). «Pilot Scoop: Thomas Dekker Joins Kevin Williamson's Secret Circle». TVLine. Արխիվացված է օրիգինալից 2012-08-10-ին. Վերցված է 2011-06-05-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ Andreeva, Nellie. «Madeleine Stowe Among Latest Pilot Castings –». Deadline.com. Արխիվացված է օրիգինալից 2012-08-10-ին. Վերցված է 2011-06-05-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ «'Smallville' alum Jessica Parker Kennedy joins 'The Secret Circle' - From Inside the Box - Zap2it». Blog.zap2it.com. 2011-03-22. Արխիվացված է օրիգինալից 2011-06-16-ին. Վերցված է 2011-06-05-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ 8,0 8,1 8,2 Adam Harrington And Emily Holmes To Guest Star In ‘Secret Circle’ Pilot
- ↑ Abrams, Natalie (2011-08-24). «Secret Circle Taps Chris Zylka As the Witchy New Bad Boy». TVGuide.com. Արխիվացված է օրիգինալից 2012-08-10-ին. Վերցված է 2011-08-25-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ «Who Will Gale Harold Portray on The Secret Circle?». TV Fanatic. 2011-03-26. Արխիվացված է օրիգինալից 2012-08-10-ին. Վերցված է 2011-06-05-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ «Gale Harold Cast as Charles Meade». TheSecretCircle.Net. 2011-03-26. Արխիվացված է օրիգինալից 2011-08-31-ին. Վերցված է 2011-06-05-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ «Natasha Henstridge joins The CW's 'Secret Circle' pilot - From Inside the Box - Zap2it». Blog.zap2it.com. 2011-03-21. Արխիվացված է օրիգինալից 2011-04-26-ին. Վերցված է 2011-06-05-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ Bricker, Tierney (March 30, 2011). «'Heroes Ashley Crow cast in 'The Secret Circle'». Zap2it. Արխիվացված է օրիգինալից 2011-09-09-ին. Վերցված է 2011-11-05-ին.
{{cite web}}
: Unknown parameter|deadlink=
ignored (|url-status=
suggested) (օգնություն)