Մասնակից:Արևիկ Սոֆյան/Ավազարկղ24
Պաուլ Բիդերման (), գերմանացի լողորդ, աշխարհի կրկնակի չեմպիոն, Եվրոպայի բազմակի չեմպիոն երկար և կարճ լողավազաններում։ Աշխարհի քառակի ռեկորդակիր է (երկու անգամ 50 մետր լողավազանում և երկու անգամ՝ կարճ ջրի վրա)։
Սպորտային գործունեություն[խմբագրել | խմբագրել կոդը]
Բիդերմանը 2008 թվականին հաղթել է 200 մետր ազատ ոճում եվրոպական 50 մետր լողավազանով մրցույթում՝ 1.46,59 արդյունքով զբաղեցնելով առաջին տեղը։ Ցուցադրելով 3.47,69 ժամանակ 400 մետր ազատ ոճում և 1:46,37 (ազգային ռեկորդ) կրկնակի կարճ հեռավորության վրա՝ Բիդերմանը կարողացել է նվաճել Պեկինի 2008 թվականի Օլիմպիական խաղերի ուղեգիր, որտեղ զբաղեցրել է հինգերորդ հորիզոնականը (1.46,00) 200 մետրով եզրափակչում և 17-րդը՝ (3.48,03) 400 մետր հեռավորության վրա։
2009 թվականի հուլիսի 26-ին Հռոմում կայացած աշխարհի առաջնությունում Բիդերմանը հաղթել է 400մ հեռավորության վրա եզրափակչում՝ ցույց տալով 3.40,07 ժամանակ, ինչը ավելի քան 7 վայրկյանով բարձր էր իր նախորդ անձնական նվաճումից և մեկ հարյուրերորդով ավելի աշխարհի նախորդ ռեկորդակիր Յանա Թորպից։ Վերջինիս ռեկորդը սահմանվել էր 2002 թվականին[1]։ Երկու օր անց՝ հուլիսի 28-ին, նա նվաճել է երկրորդ ոսկե մեդալը 200 մետրում՝ 1.42,00 արդյունքով հաղթելով ամերիկացի լողորդ Մայքլ Ֆելպսին[2] և գերազանցելով նրա համաշխարհային ռեկորդը։ Լողալու ժամանակ Բիդերմանի հագին կար պոլիուրեթանային կոմբինիզոն, որն արգելված էր 2010 թվականի հունվարի 1-ից[3]։ Աշխարհի նույն առաջնությունում Գերմանիայի հավաքականը, որում մրցում էր Բիդերմանը, արծաթ է նվաճել միավորված Էստաֆետայում։
2009 թվականին Պաուլը ճանաչվել է Եվրոպայի տարվա լավագույն լողորդ (1986 թվականից ի վեր առաջին մրցանակակիր գերմանացին) և Գերմանիայի լավագույն մարզիկ:
2010 թվականի կարճ դասընթացների առաջնությունում նա հաղթել է 400 մետր ազատ ոճում՝ հաղթելով Ուսամա Մելուլիին, ինչպես դա արել էր մեկ տարի առաջ։ Լինելով աշխարհի ռեկորդակիր 200 մետրում՝ նա եզրափակչում զբաղեցրել է հինգերորդ տեղը՝ մեկ վայրկյանից ավելի զիջելով Ռայան Լոխտեին։
2011 թվականի աշխարհի առաջնությունում նա շահել է երեք բրոնզե մեդալ (200 մետր ազատ ոճ, 400 մետր ազատ ոճ, 4x100 խառը էստաֆետա):
Անձնական կյանք[խմբագրել | խմբագրել կոդը]
2010 թվականից հանդիպում է գերմանացի լողորդ Բրիթա Շտեֆենի հետ։
Ծանոթագրություններ[խմբագրել | խմբագրել կոդը]
- ↑ Biedermann smashes 400 freestyle world record, Reuters.com (անգլ.)
- ↑ Brilliant Biedermann beats Phelps, BBC Sport (անգլ.)
- ↑ FINA strikes back: High-tech suits banned from swimming sports.yahoo.com (անգլ.)
Արտաքին հղումներ[խմբագրել | խմբագրել կոդը]
- Պաշտոնական կայք (գերմ.)
- Պրոֆիլը i-swimmer.ru կայքում
- Պաուլ Բիդերման – օլիմպիական վիճակագրությունը Sports-Reference.com կայքում (անգլ.)