Մակարենկոյի փողոց (Յալթա)

Անվան այլ կիրառումների համար տե՛ս՝ Մակարենկոյի փողոց (այլ կիրառումներ)

Մակարենկոյի փողոց
Երկիր	Ռուսաստան / Ուկրաինա, Ղրիմ
Գտնվում է	Յալթա
Երկարություն	150 մետր
Անվանվել է	Անտոն Մակարենկո
Փոստային ինդեքս	298612

Մակարենկոյի փողոց (ռուս.՝ Улица Макаренко), փողոց Ղրիմի Յալթա քաղաքում։ Անվանվել է ուկրաինացի խորհրդային մանկավարժ և գրող Անտոն Սեմյոնովիչ Մակարենկոյի (1888-1939) պատվին։ Սկիզբ է առնում Կիևյան փողոցից և ավարտվում Տրուդովայա փողոցի հետ հատումով։ Երկարությունը 150 մետր է։

Նկարագրություն

Յալթա քաղաքի Մակարենկոյի փողոցը սկսվում է Կիևյան փողոցից, հատում Շիրյաևի փողոցը և ավարտվում Տրուդովայա փողոցի հետ հատումով։ Շատ կարճ փողոց է. երկարությունն ընդամենը 150 մետր է։ Փողոցում կա համարակալված 16 շինություն. ձախ կողմում (կենտ համարներ)՝ 8, աջ կողմում (զույգ համարներ)՝ ևս 8։

Մակարենկոյի փողոցի փոստային դասիչն է՝ 298612։

Փողոցն անվանվել է ուկրաինացի խորհրդային մանկավարժ և գրող Անտոն Սեմյոնովիչ Մակարենկոյի (1888-1939) պատվին։ Մակարենկոն խնամքից զուրկ, իրավախախտ երեխաների վերադաստիարակության մանկավարժական պրակտիկայում անօրինակ փորձ է կատարել։ 1920-1930-ական թվականներին ղեկավարել է անչափահաս իրավախախտների Մ. Գորկու անվան աշխատանքային գաղութը և Ֆ. Ձերժինսկու անվան մանկական աշխատանքային կոմունան։ Մակարենկոյի մանկավարժական փորձն ու հայացքներն իրենց արտացոլումն են գտել նրա գեղարվեստական ստեղծագործություններում («Մանկավարժական պոեմ», «30-ականի երթը», «Դրոշակներն աշտարակների վրա»), գեղարվեստական-տեսական, հրապարակախոսական հոդվածներում։ Մակարենկոն պարգևատրվել է Աշխատանքային կարմիր դրոշի շքանշանով։

Աղբյուրներ

• Улица Макаренко в Ялте
• Подробная карта Улица Макаренко, город Ялта со спутника с номерами домов, индекс и маршруты, Яндекс, Гугл карты

Արտաքին հղումներ

• Почтовый индекс улица Макаренко, г. Ялта