Մալիբեկլի Ջումշուդ
| Մալիբեկլի Ջումշուդ | |
|---|---|
 | |
| Բնօրինակ անուն | Malıbəyli Cümşüd |
| Ի ծնե անուն | Մալիբեկլի Ջումշուդ |
| Ծնվել է | 1845 Malıbəyli, Շուշիի գավառ, Կասպիական մարզ, Ռուսական կայսրություն |
| Մահացել է | 1915 Շուշի, Ելիզավետպոլի նահանգ, Կովկասի փոխարքայություն, Ռուսական կայսրություն |
| Ժանրեր | Ժողովրդական երգեր |
| Մասնագիտություն | երգիչ, Խանենդե |
| Գործիքներ | Դայրա |
| Գործունեություն | 1861–1915 |
| Լեյբլ | Ekstrafon? |
 Malibeyli Jumshud Վիքիպահեստում | |
Մալիբեկլի Ջումշուդ (ադրբ.՝ Malıbəyli Cümşüd, 1845, Malıbəyli, Շուշիի գավառ, Կասպիական մարզ, Ռուսական կայսրություն - 1915, Շուշի, Ելիզավետպոլի նահանգ, Կովկասի փոխարքայություն, Ռուսական կայսրություն), ադրբեջանցի խանենդե, Ղարաբաղյան մուղամի դպրոցի ներկայացուցիչ։
Կենսագրություն[խմբագրել | խմբագրել կոդը]
Մալիբեկլի Ջումշուդը ծնվել է 1845 թվականին Մալիբեկլի գյուղում[1]։ Ջումշուդը, ով 4-5 տարեկանում կորցրել է հորը, որոշ ժամանակ աշխատել է որպես ձիապահ։ Հետագայում նա սկսել է հետաքրքրվել երաժշտությամբ և թառահար Բախշիի հետ կատարել ժողովրդական երգեր։ 20-21 տարեկանում նա արդեն որպես խանենդե հրավիրվում էր երաժշտական մեջլիսներին[2]։
Ջումշուդ Մալիբեկլիի ռեպերտուարում եղել են «Սեգահ», «Շահնազ», «Օրթա Մահուր», «Ղարաբաղի շիքյաստա», «Շուշտար», «Հեյրատի», «Օվշարը» մուղամները։ Մուղամներից բացի, Ջումշուդ Մալիբեկլին կատարել է նաև ժողովրդական երգեր։
Ղազալներ և երկտողեր ընտրելով Մալիբեկլի Ջումշուդն հիմնականում դիմել է Մոլլա Փանահ Վագիֆի, Խուրշիդբանու Նաթավանի և Աշուղ Ալասգարի ստեղծագործություններին։ Նրան մի քանի անգամ թառահար Ջավադ բեկ Ալիբեկ օկլի և քամանչահար Կարապետի հետ հրավիրել են հարսանեկան մեջլիսների Իրանի Թավրիզ, Ռեշտ, Անզալի և Ղազվին քաղաքներում։
Երգչուհին մասնակցել էր նաև ներկայացումների և «Արևելյան համերգների»։ Այդ ներկայացումներից ու համերգներից հավաքված գումարը հիմնականում ուղղվել է ուսանողների կարիքները հոգալու համար։
1913 թվականին Կիևում գործող «Էկստրաֆոն» բաժնետիրական ընկերությունից հրավեր ստանալով՝ Ջումշուդը մեկնել էր Կիև, որտեղ գրամոֆոնի լիսեռի վրա ձայնագրել է «Սեգահ», «Մահուր», «Ռաստ» մուղամներ։
Ջումշուդ Մալիբեկլին մահացել է 1915 թվականին, 70 տարեկան հասակում[3]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Малыбейли Джумшуд // Енциклопедия азербайджанского мугама
- ↑ Шушински, Ф. Азәрбайҹан халг мусигичиләри. Бакы: Јазычы. 1985. С. 101–102.
- ↑ Մալիբեկլի Ջումշուդ