Մաթուսաղա եպիսկոպոս

Վիքիպեդիայից՝ ազատ հանրագիտարանից
Jump to navigation Jump to search
Մաթուսաղա եպիսկոպոս
Ծնվել է6-րդ դար
Մահացել էմոտ. 650
Մասնագիտությունփիլիսոփա

Մաթուսաղա, Սիւնեաց կամ Յունաբան դպրոցի նշանաւոր ուսուցիչ, հայ փիլիսոոփայ, գիտնական, հոգևոր գործիչ, ապրած է Զ. դարու վերջաւորութեան և Է. դարու սկիզբը։ Ծննդեան թուականը անյայտ է։ Մահացած պէտք է ըլլայ մօտաւորապէս 652 թուին։ Եղած է նշանաւոր ուսուցչապետ Սիւնեաց վարդապետարանին, ուր կ'ուսուցանէր նաև արտաքին ուսումները։

Կազմակերպած է Սահակ Պարթեւի և Մեսրոպ Մաշտոցի գործերուն մեկնութիւնները։

633-ին Կարինի ժողովին դաւանաբանական վէճի ընթացքին կարդացուեր է Մաթուսաղայի թուղթը, որտեղ հեղինակը հիմնաւորապէս մերժած է քաղկեդոնականութիւնը։

634-ին եղած է եպիսկոպոս։ Ստեփանոս Օրբելեանի կողմէ արժանացած է մեծամեծ գովասանքներու։ Ան իր «Պատմութիւն Նահանգին Սիսականա» գրքին մէջ զինք անուանած է ժամանակի «Մեծ քերթող եւ անյաղթ փիլիսոփայ ... ուսեալ զքերթողութիւն եւ վարժեալ ճարտասանականաւն, հմտացեալ փիլիսոփայական արուեստին, լի ամենայն իմաստութեամբ եւ կատարեալ գիտութեամբ»։

Օրբէլեանի իրեն ընծայած մակդիրներէն կ'երևի թէ Մաթուսաղա եղած է Յունաբան դպրոցի մեծ աշխատաւորներէն մէկը։ Դժբախտաբար ոչ մէկ գործ հասած է մեզի իրմէ։

Աղբիւր[խմբագրել | խմբագրել կոդը]

  • Հայկական Սովետական Հանրագիտարան հատոր 7 էջ 144
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 144 CC-BY-SA-icon-80x15.png