Մագարամկենտ (լեզգիներեն՝ Мегьарамдхуьр[2]), գյուղ Դաղստանի հանրապետությունում։ Մագարամկենտսկի շրջանի և Մագարամկենտսկի գյուղխորհուրդ գյուղական բնակավայրի վարչական կենտրոնն է։
Մագարամկենտը գտնվում է Դաղստանի հարավում, Մախաչկալայից 180 կմ հեռավորության վրա։ Գյուղի հարավով է անցնում Ռուսաստանի Դաշնության և Ադրբեջանի Հանրապետության պետական սահմանը։
Գյուղը ձևավորվել է 19-րդ դարի սկզբին։ Կուբինի ապստամբության մասնակից Մահմուդ էֆենդի Մագարամկենտսկին կանգնած էր ապստամբների ղուբայան ջոկատի գլխին[4]։ Այդ ժամանակ Մագարամկենտը միջին դիրք էր զբաղեցնում Ղուբայի խանության և Ղուբայի նահանգի միջև։ 1866-1928 թվականներին Մագարամկենտը մտնում էր Ղուբայի շրջան Գյունեյան նաիբստվոյի կազմ։ Կույսուն և Թագիրկենտ գյուղերի հետ կազմավորել է Մագարամկենտի գյուղական միավորումը։ 1886 թվականին Մագարամկենտում բնակվել է 369 մարդ[5]։ 1936 թվականին հիմնադրվել է Մագարամկենտի № 1 միջնակարգ դպրոցը, իսկ 1964 թվականին հիմնադրվել է Մագարամկենտի № 2 միջնակարգ դպրոցը, որն այն ժամանակ եղել է տարրական։ 1965 թվականին Մագարամկենտ են տեղափոխվել Կանսավկենտ, Բիլ-Բիլ և Գազեր գյուղերի բնակիչները, բայց ամենից շատ՝ Ցելեգյուն գյուղից[6]։