Ձմեռային երազանքներ

Վիքիպեդիայից՝ ազատ հանրագիտարանից
Jump to navigation Jump to search
Ձմեռային երազանքներ
անգլ.՝ Winter Dreams
Տեսակբալետ
Խորեոգրաֆ
ԿոմպոզիտորՊյոտր Չայկովսկի
Առաջին ներկայացումփետրվարի 7, 1991

Ձմեռային երազանքներ (ռուս.՝ Зимние грёзы), մեկ գործողությամբ բալետ` ըստ Անտոն Չեխովի «Երեք քույր» պիեսի մոտիվների, խորեոգրաֆիան` բալետմաստեր Քենեթ Մաքմիլանի, ըստ Պյոտր Չայկովսկու դաշնամուրային ստեղծագործությունների երաժշտության։ Բալետը ստեղծվել է 1991 թվականին, բեմադրվել է 1991 թվականի փետրվարի 7-ին, Լոնդոնի Կովենտ գարդեն արքունական թատրոնում։

Պատմություն[խմբագրել | խմբագրել կոդը]

Քենեթ Մաքմիլանի «Ձմեռային երազանքներ» բալետը ստեղծվել է ըստ Անտոն Չեխովի «Երեք քույր» պիեսի մոտիվների (1990 թվական), որը նրա չորս լավագույն պիեսներից մեկն էր[1]։ Պիեսը, որն առաջին անգամ բեմադրվել է 1901 թվականին, Մոսկվայի գեղարվեստական ակադեմիական թատրոնում, պատմում է երեք քույրերի բարդ հարաբերությունների մասին, որոնք ապրում էին 19-ից 20-րդ դարերում, ռուսական գավառական քաղաքի միջավայրում։ Հեղինակը նկարագրում է քույրերի` Մոսկվա վերադառնալու «ձմեռային երազանքները», որտեղ, ինչպես իրենց էր թվում, իրենց կյանքը պետք է լիներ ավելի հետաքրքիր և ամբողջական[2]։

Բալետում գործողությունները չեն արտացոլում այն բոլոր իրադարձությունները, որոնք նկարագրված են պիեսում։ Բալետի բեմադրողը` թագավորական բալետի գեղարվեստական ղեկավար Մաքմիլանը, նշել է. «Չնայած նրան, որ բալետում հերոսները անվանված են ինչպես պիեսում գործող անձինք, ես նպատակ չունեի բալետային բեմադրության մեջ նկարագրել պիեսի ողջ գործողությունները։ Խորեոգրաֆիան արտացոլում է կերպարների ներքին կյանքը։ Ես փորձել եմ փոխանցել Չեխովի գլուխգործոցում նկարագրված կյանքի մթնոլորտը»[3]։

Քենեթ Մաքմիլանի «Ձմեռային երազանքներ» բալետը խորեոգրաֆի ավելի ուշ կատարած բեմադրություններից մեկն է։ Չեխովի պիեսում գործողությունները տարիներ են տևում, իսկ բալետում` մի երեկո։ Քենեթ Մաքմիլանը խտացրել է Չեխովի պիեսը մինչև մեկ գործողությամբ բալետային բեմադրության։ «Ձմեռային երազանքներ» բալետը բեմադրվել է 1991 թվականի փետրվարի 7-ին, Լոնդոնի Կովենտ գարդեն արքունական թատրոնում։

Սցենար[խմբագրել | խմբագրել կոդը]

Երեք քույրերը` Օլգան, Մաշան, Իրինան և նրանց եղբայր Անդրեյը ապրում էին փոքր նահանգային քաղաքում։ Օլգան` երեք քույրերից ավագը, դասավանդում էր կանանց գիմնազիայում, բայց այս աշխատանքը նրա սրտով չէր։ Մի քանի տարի առաջ նրանց գեներալ հայր աղջիկներին այս քաղաք էր բերել Մոսկվայից և երբ նա մահացել էր, Պրեզորովների ընտանիքի անհոգ կյանքը ավարտվել էր։

Մաշան ամուսնացած էր ուսուցիչ Կուլգինիի հետ, բայց ընտանեական կյանքում դժբախտ էր։ Փոքր քույրը` Իրինան, չէր գտնում այնպիսի մարդու, ում կսիրեր։ Մի անգամ Պրոզորովների տոնակատարությանը ներկայանում է փոխգնդապետ Վերշինինը։ Նրա և Մաշայի միջև համակրանք է առաջանում։ Մաշայի ամուսինը ձևացնում է, թե ոչինչ չի նկատում։

Իրինան ռոմանտիկ հայացքներ ուներ կյանքի վերաբերյալ։ Նա ծառայում էր քաղաքային վարչությունում։ Օլգան խորհուրդ է տալիս քրոջն ամուսնանալ ծառայությունից հեռացած սպա Տուզենբախի հետ և գնալ նրա հետ։ Իրինան, չնայած նրան, որ չէր սիրում Տուզենբախին, ընդունում է առաջարկը։ Փոխկապիտան Սալյոննին աղջկան սեր է խոստովանում, մերժվելով, նա Տուզենբախին մենամարտի է հրավիրում։ Մենամարտի ընթացքում բարոն Տուզենբախը սպանվում է։

Անդրեյ Պրոզորովը ամուսնանում է գավառական օրիորդ Նատաշայի հետ[4]։

Գործող անձինք և կատարողներ[խմբագրել | խմբագրել կոդը]

  • Դարսի Անդրեա Բասել-Ֆորբս` միջնեկ քույր` Մաշա Կուլգինա
  • Նիկոլա Տրանախ (Nicola Tranah)` ավագ քույր` Օլգա Պրոզորովա
  • Վիվիանա Դուրանտե (Viviana Durante)` փոքր քույր` Իրինա Պրոզորովնա
  • Գարի Ավիս (Gary Avis) նրանց եղբայրը` Անդրեյ Պրոզորով
  • Գենեզիա Ռոզատո (Genesia Rosato)` Անդրեյի կինը` Նատաշա Պորոզովա
  • Էնտոնի Դաոււել (Anthony Dowell)` գիմնազիայի ուսուցիչ, Մաշայի ամուսինը` Ֆյոդոր Իլիչ Կուլգին
  • Իրեկ Մուհամեդով` Մաշայի սիրեկանը` փոխգնդապետ Վերշինին
  • Ստիվեն ուիկս (Stephen Wicks)` Իրինայի փեսացուն` բարոն Տուզենբախ
  • Ադամ Կուպեր (Adam Cooper)` բարոնի մրցակից` փոխկապիտան Սալյոննի
  • Գերդ Լարսեն (Gerd Larsen)` 80 տարեկան ծեր դայակ Աֆիսան
  • Ջեքի Թալիս (Jacqui Tallis)` աղախին
  • Լյուկ Հեյդն (Luke Haydon), Ֆիլիպ Մոսլի (Philip Mosley), Դևիդ Պիկերինգ (David Pickering), Ալիստեր Մարիոտ (Alistair Marriott)` զինվորներ

Ծանոթագրություններ[խմբագրել | խմբագրել կոդը]

  1. Anton Pavlovich Chekov, Chekov: The Four Major Plays, in new translations by Curt Columbus (Chicago: Ivan R, Dee, 2005).
  2. Michael Pennington, Anton Chekov’s Three Sisters: A Study-Guide (London: Nick Hern, 2007).
  3. Kenneth MacMillan, program note for Winter Dreams, Royal Ballet, Royal Opera House, London, February 1991.
  4. Anton Pavlovich Chekov, Three Sisters; A Drama in Four Acts (London: Methuen, 1983).

Արտաքին հղումներ[խմբագրել | խմբագրել կոդը]