Հրաչյա (անձնանուն)
Արտաքին տեսք
Անվան այլ կիրառումների համար տե՛ս՝ Հրաչյա (այլ կիրառումներ)
Հրաչյա Հրաչյա | |
---|---|
Տեսակ | երկսեռ անձնանուն |
Սեռ | արական իգական |
Նշանակություն | հրեղեն աչքեր ունեցող |
Ծագում | |
Ծագման լեզու | հայերեն |
Գիր | Հայոց գրեր |
Անվան այլ ձևեր | |
Կապված հոդվածներ | «Հրաչյա» սկսվող էջեր |
Հրաչյա, հայկական արական և իգական անուն։ Առաջացել է հայերեն հուր և աչք բառերից։ Նշանակում է «հրեղեն աչքեր ունեցող»։ Խորենացու հնարած անուններից է, որ սկզբնական շրջանում մեկ անգամ գործածվելուց հետո դուրս է գալիս գործածությունից։ Այնուհետև 19-րդ դարում կրկին սկսում է գործածվել Կոստանդնուպոլսում։ Սկզբում հազվադեպ էր կիրառվում, հետո՝ ավելի հաճախ՝ հատկապես Կովկասում, որտեղ գործածվում էր որպես իգական անուն՝ շնորհիվ պոլսեցի մի դերասանուհու, ում գեղեցիկ աչքերի համար կոչեցին «տիկին Հրաչյա»։ Ի հակադրություն սրա՝ հորինեցին Հրաչիկ ձևը՝ որպես արական անուն, իսկ Կոստանդնուպոլսում՝ Հրաչուհի ձևը (իգական)։ Անվան կրճատ ձևն է Հրաչ։ Այժմ (2015) Հրաչյան միայն արական անուն է[1]։
Գործածություններ
[խմբագրել | խմբագրել կոդը]- Հրաչյա, թագավոր Հայկազն, որդի և հաջորդ Պարույրի։ Բաբելոնի Նաբուգոդոնոսոր թագավորի հետ միասին արշավեց Երուսաղեմի վրա, գրավեց և Հայաստան բերեց հրեա Շամբաթ իշխանին, որից սերվեց Բագրատունյաց տոհմը[2]։