Հրաչյա Միքայելյան

Վիքիպեդիայում կան հոդվածներ Միքայելյան ազգանունով այլ մարդկանց մասին։

Հրաչյա Միքայելյան
Անձնական տվյալներ
Քաղաքացիությունը	Հայաստան և  ԽՍՀՄ
Ծննդյան ամսաթիվ	հունվարի 9, 1975(1975-01-09) (49 տարեկան)
Ծննդավայր	Երևան, Հայկական ԽՍՀ, ԽՍՀՄ
Դիրք	պաշտպան
Ակումբային տեղեկություններ
Ներկա ակումբ	ավարտել է կարիերան
Մասնագիտական կարիերա*
Տարի	Ակումբ	Խաղ	(Գոլ)
2000 Դինամո (Երևան) 23 (3) 2001-2002 Դինամո-2000 31 (1) 2002 Միկա 7 (0) 2002-2003 Դինամո-2000 14 (3) 2003-2009 Միկա 117 (6) 2002 →  Միկա-2 3 (0) 2010 Իմպուլս 25 (0)
* Մասնագիտական կարիերայում ընդգրկված են միայն առաջնության խաղերը և գոլերը:

Հրաչյա Գագիկի Միքայելյան (հունվարի 9, 1975(1975-01-09), Երևան, Հայկական ԽՍՀ, ԽՍՀՄ), հայ ֆուտբոլիստ, որ հանդես է եկել կենտրոնական պաշտպանի դիրքում։

Խաղացողի կարիերա

Հրաչյա Միքայելյանը Հայաստանի առաջնությունում իր նորամուտը կատարել է 2000 թվականի մարտի 25-ին, երբ արդեն լրացել էր նրա 25 տարին։ Նորամուտը նշել է լիգայի նորեկ երևանյան «Դինամոյում»։ Առաջին իսկ տուրում Միքայելյանը խաղադաշտ է դուրս եկել թիմի մեկնարկային կազմում՝ մասնակցելով «Զվարթնոց-ԱԱԼ» ակումբի դեմ խաղին, որն ավարտվել է «Դինամոյի» պարտությամբ (0:2)։ Հաջորդ տուրում, որը կայացել է ապրիլի 4-ին Կապանում ընդդեմ տեղի «Լեռնագործի», Միքայելյանը նույնպես խաղադաշտ է դուրս եկել թիմի մեկնարկային կազմում և հանդիպման 32-րդ րոպեին գրավել տանտերերի դարպասը։ Այդ մրցաշրջանում Միքայելյանը մասնակցել է թիմի 26 խաղերից 23-ին։ Սակայն «Դինամոն» չի կարողացել ամրապնդել իր դիրքերը Հայաստանի բարձրագույն լիգայում և նորից անցել է Առաջին լիգա, իսկ Միքայելյանը տեղափոխվել է երևանյան մեկ այլ ակումբ՝ «Դինամո-2000»։ 2002 թվականին՝ առաջին տուրի ավարտից հետո, տեղափոխվել է «Միկա», որտեղ մրցաշրջանի մնացած մասն անցկացնելուց հետո վերադարձել է «Դինամո-2000»։ Կարճ ժամանակ խաղալով Երևանում՝ Միքայելյանը նորից վերադարձել է Աշտարակ։

2003-2009 թվականներին Հրաչյա Միքայելյանը եղել է «Միկայի» մեկնարկային կազմի անփոփոխ խաղացող, ինչպես նաև թիմի ավագ երկար տարիների ընթացքում։ «Միկայի» կազմում Միքայելյանը երկու անգամ նվաճել է Հայաստանի գավաթը, դարձել Սուպերգավաթի դափնեկիր, երեք անգամ արժանացել է Հայաստանի առաջնության արծաթե, երկու անգամ՝ բրոնզե մեդալների։ 2010 թվականի առաջնության մրցաշրջանի սկսվելուց առաջ «Միկայի» մարզչական կազմը որոշել է հրաժարվել ֆուտբոլիստի ծառայություններից։ Որոշ ժամանակ անց Միքայելյանը պայմանագիր է կնքել Պրեմիեր լիգայի նորեկ դիլիջանյան «Իմպուլսի» հետ։ Առաջնության ավարտից հետո ակումբը չի երկարաձգել ֆուտբոլիստի հետ կնքված պայմանագրի ժամկետը։

Ձեռքբերումներ

• «Միկա»
  • Հայաստանի առաջնության արծաթե մեդալակիր – 2004, 2005, 2009
  • Հայաստնի առաջնության բրոնզե մեդալակիր – 2006, 2007
  • Հայաստանի գավաթակիր – 2005, 2006
  • Հայաստանի սուպերգավաթի դափնեկիր – 2006
  • Հայաստանի Սուպերգավաթի խաղարկության եզրափակչի մասնակից – 2004, 2007

Արտաքին հղումներ

• Ֆուտբոլիստի էջը ՀՖՖ կայքում (ռուս.)
• Ֆուտբոլիստի էջը footballdatabase.eu կայքուն (անգլ.)
• Ֆուտբոլիստի էջը soccerway.com կայքում(անգլ.)