«Հրաժեշտ չենք տալիս» (ռուս.՝ «Прощаться не будем»), ռուսական ֆիլմ, ռազմական դրամա, որը նկարահանել է ռեժիսոր Պավել Դրոզդովը[2][3]։ Գլխավոր դերում նկարահանվել է Անդրեյ Մերզլիկինը[4][5]։ Պրեմիերան կայացել է 2018 թվականի հունիսի 21-ին Ռուսաստանում[6][7]։
Ֆիլմի գործողությունները ծավալվում են 1941 թվականի վերջին, երբ գերմանական հսկայական բանակը մոտենում է Կալինինին (Տվեր)՝ հույս ունենալով նրա միջոցով հասնել Ռուսաստանի սրտին՝ Մոսկվա։ Քաղաքը պաշտպանելու համար հավաքվել է ընդամենը երկու հազար մարդ՝ հրետանու և տանկերի լիակատար բացակայության պայմաններում։ Միայն 5-րդ հրաձգային դիվիզիայի էշելոնները կարող են կանգնեցնել հակառակորդին, բայց դիվերսանտները պատրաստ են ամեն ինչի գնալ, որպեսզի դա տեղի չունենա։ Սյուժեի կենտրոնում մայոր Պավել Սիսոևն է, որը, փորձելով հանգստություն պահպանել Կալինինում, մեղադրվում է թշնամու հետ համագործակցելու մեջ։