Հյուսիսային բնակելի զանգված (Դոնի Ռոստով)

Վիքիպեդիայից՝ ազատ հանրագիտարանից
Jump to navigation Jump to search
Picto infobox map.png
Հյուսիսային բնակելի զանգված
Northarearostov.JPG
Երկիր Ռուսաստան Ռուսաստան
Կարգավիճակ Ռուսաստանի քաղաքի շրջան
Մտնում է Դոնի Ռոստով
Տարածք 35 կմ² կմ²
Հիմնադրված է 1971 թ.
Հեռախոսային կոդ 863
Կոորդինատներ: 47°17′30.000000101194″ հս․ լ. 39°42′30.000000098806″ ավ. ե. / 47.29166666669477337° հս․. լ. 39.70833333336077686° ավ. ե. / 47.29166666669477337; 39.70833333336077686

Հյուսիսային բնակելի զանգված (ՀԲԶ, ռուս.՝ Северный жилой массив, СЖМ), Ռուսաստանի Դոնի Ռոստով քաղաքի հյուսիսային մասում տեղակայված երկու բնակելի զանգվածներից մեկը։ Անվանումը ստացել է աշխարհագրական դիրքի շնորհիվ։ Հյուսիսային բնակելի զանգվածը ներառում է որոշ շրջանների 3 հյուսիսային մասեր։

Պատմություն[խմբագրել | խմբագրել կոդը]

Դոնի Ռոստով քաղաքում բոլշևիկների իշխանության գալուց հետո արդյունաբերականացման շրջանում կառուցվել են բազմաթիվ խոշոր արդյունաբերական հսկաներ. 1926 թվականին սկսվել է «Ռոստսելմաշ» գործարանի շինարարությունը, 1932 թվականին կառուցվել է «Տրուբոլիտ» գործարանը, ստեղծվել են վերամշակող արդյունաբերության նոր գործարաններ, շամպայն գինիների գործարանը, մսի գործարանը, հացաբուլկեղենի գործարանը։ Սա պահանջում էր նոր աշխատուժ, և այդ պատճառով քաղաքում գոյացան նոր բնակավայրեր՝ Սևեռնի, Սելմաշ, Օրջոնիկիձեի անվան, Ֆրունզեի անվան, Կրասնի պարտեզ-քաղաք[1]։

Հյուսիսային բնակելի զանգվածի տեսքը Նեկլինովսկայա փողոցի կողմից

1971 թվականին ստեղծվել է Դոնի Ռոստով քաղաքի կառուցապատման նոր ծրագիր։ Քաղաքի սահմաններն ընդլայնվում էին. հյուսիսում և հյուսիս-արևելքում քաղաքի կազմում ներառվեցին Սևեռնի, Օրջոնիկիձեի անվան, Սելմաշ ավանները։ Արևմուտքում քաղաքի կազմում ներառվեց Սովետսկ արդյունաբերական ավանը։

Բնակելի զանգվածի սահմաններ[խմբագրել | խմբագրել կոդը]

Բնակելի զանգվածը հստակ սահմաններ չունի, սակայն պայմանականորեն այն կարելի է անցկացնել Տեմեռնիկ գետի հին և նոր հուներով և նրա վրա կառուցված ջրամբարով, որոնք սահմանափակում են բարձրահարկ կառուցապատման միկրոշրջանը հարավից։ Բազմաբնակարան շենքերի շնորհիվ զանգվածը Դոնի Ռոստով քաղաքի ամենաբնակեցված շրջաններից մեկն է[2]։

Ծանոթագրություններ[խմբագրել | խմբագրել կոդը]