Jump to content

Հյուսիսային Եմենի ռիալ

Վիքիպեդիայից՝ ազատ հանրագիտարանից
Հյուսիսային Եմենի ռիալ
Տեսակտարադրամ
Երկիր Եմենի Արաբական Հանրապետություն և  Եմենի Մութավաքիլյան Թագավորություն
Կենտրոնական բանկԵմենի կենտրոնական բանկ
Փոխարված էԵմենի ռիալ

Ռիալ, Հյուսիսային Եմենի, նախ Եմենի Մութավաքիլական Թագավորության, այնուհետև Եմենի Արաբական Հանրապետության արժույթ։ Այն նախորդել է ժամանակակից Եմենի ռիալին։

Պատմություն[խմբագրել | խմբագրել կոդը]

Մութավաքիլական Թագավորությունը սկսել է մետաղադրամներ հատել 20-րդ դարում։ Ռիալը կազմված էր 160 զալաթից, 80 հալալայից կամ 40 բուքշայից։ Իմամ Յահյայի իշխանության ժամանակ թողարկվել են առաջին ռիալները։ Մետաղադրամների վրա անվանական արժեքները դրոշմվել են տարբերակիչ ձևով, որտեղ «պատվավոր» Իմադին դրոշմվել է Իմամ Յահյայի մետաղադրամների վրա, իսկ Ահմադին՝ Իմամ Ահմադի մետաղադրամների վրա։ Հետևաբար արժույթը երբեմն կոչվել է «Իմադի ռիալ» կամ «Ահմադի ռիալ»։

Ժամանակակից ոճով մետաղադրամները շրջանառության մեջ են մտել 1963 թվականին՝ հետևելով Եմենի Արաբական Հանրապետության ստեղծումից հետո։ Երկիրը վերջիններից մեկն է եղել, որն ընդունել է տասնորդական արժութային համակարգ։ 1974 թվականին ռիալը կազմված է եղել 100 ֆիլսից, չնայած գնաճի պատճառով ֆիլսի անվանական արժույթները շրջանառությունից դուրս են մղվել։

Եմենի միավորումից հետո Եմենի ռիալը փոխարինել է Հյուսիսային Եմենի ռիալին։ Դրանից հետո Եմենի Արաբական Հանրապետության կողմից թողարկված անվանական արժեքները դադարել են լինել օրինական վճարման միջոց[1]։

Մետաղադրամներ[խմբագրել | խմբագրել կոդը]

Իմամ Յահյայի (1904-1948) իշխանության օրոք բրոնզե մետաղադրամներ են թողարկվել 1 զալաթ, 1 հալալա և 1 բուքշա անվանական արժեքներով, արծաթե մետաղադրամներ՝ 1 բուքշա, 120, 110, 18, 14 և 1 ռիալ անվանական արժեքներով։ Իմամ Յահյայի իրավահաջորդ Իմամ Ահմադի (1948-1962) իշխանության ժամանակ արծաթե 1 բուքշա և 120 ռիալ անվանական արժեքներով մետաղադրամների թողարկումը դադարեցվել է և ներկայացվել են 116 և 12 ռիալ անվանական արժեքներով մետաղադրամները։ Տարօրինակորեն 116 և 18 ռիալ անվանական արժեքով մետաղադրամները եղել են հնգանկյուն։

1962 թվականին Եմենի Արաբական Հանրապետությունը թողարկել է բրոնզե 12 և 1 բուքշա և վերջին թագավորի ոճով 120, 110, 210 և 14 ռիալ։ Սրանց 1963 թվականին հաջորդել են նոր մետաղադրամները՝ ալյումին-բրոնզից 12, 1, և 2 բուքշա և արծաթե 5, 10 և 20 բուքշա և 1 ռիալ։

1974 թվականին տասնորդական կոտորակի վերածված մետաղադրամներն են ներկայացվել՝ ալյումինից 1 ֆիլս, արույրե 5 և 10 ֆիլս մետաղադրամներ, կուպրոնիկելից 25 և 50 ֆիլս անվանական արժեքով մետաղադրամներ։ 1976 թվականին ներկայացվել է նաև կուպրոնիկելից 1 ռիալ անվանական արժեքով մետաղադրամներ[2]։

Թղթադրամներ[խմբագրել | խմբագրել կոդը]

1964 թվականին Հյուսիսային Եմենի կառավարությունը ներկայացրեց առաջին թղթադրամը՝ 1, 5 և 10 ռիալի տեսքով։ Սրանց հաջորդել են 10 և 20 բուքշա թղթադրամները 1966 թվականին, 1969 թվականին՝ 1, 5 և 10 ռիալ նոր թղթադրամները, 20 և 50 ռիալ թղթադրամները՝ 1971 թվականիը մայիսի 13-ին։

Եմենի կենտրոնական բանկը ստեղծվել է 1971 թվականի հուլիսի 27-ին, գլխավոր գրասենյակը գտնվում է Սանաայում՝ Եմենի մայրաքաղաքում։ Եմենի կենտրոնական բանկը իր վրա է վերցրել Եմենի արժութային խորհրդի գործառույթները։ Երբ Եմենի Արաբական Հանրապետությունը (Հյուսիսային Եմեն) և Եմենի Ժողովրդավարական Հանրապետությունը (Հարավային Եմեն) միավորվել են 1990 թվականի մայիսի 22-ին և ձևավորվել է Եմենի Հանրապետությունը, հյուսիսի և հարավի Կենտրոնական բանկերը միավորվել են, և համատեղ ձեռնարկությունը շարունակել է օգտագործել Եմենի կենտրոնական բանկ անվանումը[3]։

Արժեք[խմբագրել | խմբագրել կոդը]

Արժեք Երես Հակառակ կողմ
1 ռիալ

Ծանոթագրություններ[խմբագրել | խմբագրել կոդը]

  1. Mayland, Odin (1 թ․ նոյեմբերի 29). «Yemen - Global Financial Data». globalfinancialdata.com (բրիտանական անգլերեն). Վերցված է 2024 թ․ մայիսի 25-ին.
  2. El-Erian, Mohamed (1988). «Currency Substitution in Egypt and the Yemen Arab Republic: A Comparative Quantitative Analysis». Staff Papers (International Monetary Fund). 35 (1): 85–103.
  3. Linzmayer, Owen (2012 թ․ հունվարի 27). «Arab Republic of Yemen». The Banknote Book - Abyssinia - French Sudan. Vol. 1 (1st ed.). San Francisco, CA: Spink & Son Publishing. էջ 4. Արխիվացված է օրիգինալից 2018 թ․ հոկտեմբերի 3-ին. Վերցված է 2012 թ․ ապրիլի 27-ին.