Հյետիլ Մյորլանդ

Վիքիպեդիայից՝ ազատ հանրագիտարանից
Jump to navigation Jump to search
Հյետիլ Մյորլանդ
20150513 ESC 2015 Mørland 5317 (cropped).jpg
Ծնվել էհոկտեմբերի 3, 1980 (38 տարեկան)
Գրիմստա, Նորվեգիա
ԵրկիրFlag of Norway.svg Նորվեգիա
ԺանրերՓոփ
Մասնագիտություներգիչ, երգահան
Գործիքներկիթառ, դաշնամուր
Գործունեություն2008-ից
Կայքmorlandmusic.com

Հյետիլ Մյորլանդ (ծնված 1980 թ.-ի հոկտեմբերի 3-ին, Գրիմստա, Նորվեգիա), ավելի լավ հայտնի ուղղակի Մյորլանդ, նորվեգացի երգիչ և երգահան է, ով Դեբրահ Սկարլետի հետ միասին ներկայացրել է Նորվեգիան Եվրատեսիլ 2015 երգի մրցույթում "A Monster Like Me" (Ինձ պես հրեշ) երգով[1]:

Կյանքը և կարիերան[խմբագրել | խմբագրել կոդը]

Մյորլանդը ծնվել է 1980 թ.-ի հոկտեմբերի 3-ին Նորվեգիայի Գրիմստա քաղաքում։ Փոքր տարիքում ընտանիքը տեղափոխվել է Մեծ Բրիտանիա, որտեղ էլ երգիչը մեծացել է։ Դեռևս փոքր տարիքում, ոգևորվելով մի շարք բրիտանացի երգիչներից, Մյորլանդը գրել և իր յուրահատուկ ձայնով կատարել է բազմաթիվ երգեր։

2008 թվականին Մյորլանդը դառնում է Absent Elk խմբի անդամ և արդեն 2009 թվականի աշնանը թողարկում են Caught In the Headlights ձայնասկավառակը։ Նրանց երկու սինգլները՝ Sun & Water (Արև և Ջուր) և Emily (Էմիլի), հնչեցվել է բրիտանակ տարբեր ռադիոներով, և խումբը հրավիրվել է բազմաթիվ հեռուստաշոուների։ Խումբը առհասարակ մեծ ուշադրության արժանացավ այն բանից հետո, երբ նրանք կատարեցին Լեդի Գագայի 'Pokerface' երգը, որը YouTube-ում ունեցավ ավելի քան կես միլիոն դիտում։ Ոգևորվելով գրանցած հաջողությունից՝ խումբը կատարեց նաև այլ հայտնի երգեր, որոնք նույնպես արժանացան մեծ ուշադրության[2]:

2014 թվականին Մյորլանդը տեղափոխվեց Օսլո՝ անհատական կարիերա սկսելու։ 2015 թվականին նա Դեբրահ Սկարլետի հետ միասին մասնակցեց Եվրատեսիլ 2015 երգի մրցույթ-ի նորվեգական նախընտրական փուլին։ Այն հաղթահարելուց հետո նրանք իրավունք ստացան ներկայացնել Նորվեգիան հեղինակավոր մրցույթում իրենց "A Monster Like Me" (Ինձ պես հրեշ) երգով, որը զբաղեցրեց 7-րդ հորիզոնականը։

Ծանոթագրություններ[խմբագրել | խմբագրել կոդը]

  1. http://eurovoix.com/2015/03/14/norway-morland-debrah-scarlett-has-won/
  2. http://morlandmusic.com/?page_id=304