Հերմանն ամրոց

Վիքիպեդիայից՝ ազատ հանրագիտարանից
Հերմանն ամրոց
Նկարագրություն
Տեսակդղյակ
Վարչական միավորՆարվա
Երկիր Էստոնիա
Կառուցված1256
Շինանյութքար
Քարտեզ
Քարտեզ
 Narva Castle Վիքիպահեստում

Հերմանն ամրոց (էստ․՝ Hermanni linnus, նաև՝ Նառվա ամրոց), միջնադարյան ամրոց Էստոնիայի Նառվա քաղաքում՝ Նառվա (Նառովա) գետի ափին։ Ամրոցը հիմնադրվել է XIII դարում դանիացիների կողմից։ Իր պատմության ընթացքում ամրոցը պատկանել է Դանիային, Լիվոնյան օրդենին, Ռուսաստանին, Շվեդիային ու Էստոնիային։ Երկրորդ համաշխարհային պատերազմի ժամանակ ամրոցը խիստ վնասվել է, սակայն հետագայում վերականգնվել է, և այսօր ամրոցի շենքում տեղակայված է Նառվայի թանգարանը։

Պատմություն[խմբագրել | խմբագրել կոդը]

Հերմանն ամրոցի կառուցման հստակ տարեթիվը վիճելի է։ 13-րդդարի առաջին կեսին Հյուսիսային Էստոնիան գրաված դանիացիները 1223 թվականին Ռուգոդիվում[1]՝ Նառվա գետի ու «հին» ճանապարհի հատման վայրում, կառուցել են պաշտպանական փայտե ամրություններ։ 14-րդ դարի սկզբում դանիացիներն սկսում են կառուցել քարե ամրոցը, որը հետագայում անվանվում է Հերմանն ամրոց։ Ամրոցի մասին առաջին հիշատակությունը վերաբերում է 1329 թվականին։

1347 թվականին Դանիայի Վոլդեմար IV արքան Հյուսիսային Էստոնիան հանձնեց Լիվոնյան օրդենին, այդ ժամանակ էլ կառուցվում է Հերմաննի աշտարակի առաջին հատվածը։ 1492 թվականին Հերմանն ամրոցի դիմաց՝ Նառվա գետի մյուս ափին, կառուցվեց ռուսական Իվանգորոդ ամրոցը։ XV-րդ դարի վերջին ու XVI-րդ դարի սկզբին Նառվա քաղաքի շուրջը կառուցվում է նոր պարիսպ, որը, սակայն, չի պահպանվել. ավերվել է 1777 թվականին։ 1558 թվականին ամրոցը գրավում են ռուսները, իսկ 1581 թվականին այն անցնում է Շվեդիայի տիրապետության տակ և մնում նրանց ձեռքին մինչև 1704 թվականը։ Այս ընթացքում ամրոցը շարունակում է ամրացվել տարբեր շինություններով։ 1683 թվականին անվանի ինժեներ Էրիկ Դալբերգի կողմից մշակվում է ամրոցի նոր պլան, որ հաստատվում է Շվեդիայի արքայի կողմից։ Այս վերակառուցումների արդյունքում նույնն է մնում միայն գետի կողմի պատը։ Ամրոցի արևմտյան ու հյուսիսային հատվածները խիստ ընդարձակվեցին ու ամրացվեցին հավելյալ բաստիոններով։ Այս վերակառուցումը շարունակվեց մինչև 1704 թ-ը. այդ ընթացքում շվեդները կառուցեցին 6 բաստիոն ու Սպես (Հույս) ամրությունը։ Հյուսիսային պատերազմի ընթացքում՝ 1704 թվականին, ամրոցը գրավվեց ռուսների կողմից։ 1863 թվականին Նառվան կորցնում է բերդաքաղաքի կարգավիճակը, սակայն Հերմանն ամրոցի Մութ դարպասների շուրջն սկսվում է այգու հիմնումը, 1875 թվականին Մութ ամրոցները քանդվում են։

Երկրորդ համաշխարհային պատերազմի տարիներին ամրոցը ավերածությունների է ենթարկվում։ Վերակառուցումն սկսվել է 1950 թվականին։ Ներկայում ամրոցի շենքում տեղակայված է Նառվայի թանգարանը[2], իսկ շուրջը այգի է։

Պատկերասրահ[խմբագրել | խմբագրել կոդը]

Նառվա գետի հանդիպակաց ափերի գտնվող Հերմանն ու Իվանգորոդ ամրոցները

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]