Հարավաֆրիկյան Իզիկո թանգարան

Վիքիպեդիայից՝ ազատ հանրագիտարանից
Jump to navigation Jump to search
Հարավաֆրիկյան Իզիկո թանգարան
Iziko South African Museum.JPG
Տեսակազգային թանգարան
ԵրկիրFlag of South Africa.svg ՀԱՀ
ՏեղագրությունՔեյփթաուն
Հիմնադրված է1825
Կոորդինատներ: 33°55′43.11″ հվ. լ. 18°24′54.78″ ավ. ե. / 33.9286417° հս․. լ. 18.4152167° ավ. ե. / 33.9286417; 18.4152167
Կայքiziko.org.za

Իզիկո (Հարավաֆրիկյան իզիկո-թանգարան, անգլ.՝ Iziko South African Museum), Հարավաֆրիկյան Հանրապետության ազգային թանգարան, որը տեղակայված է Քեյփթաունի կենտրոնում` Քամփանի Գարդենի (Company’s Garden) տարածքում:

Իզիկո կոսա լեզվով նշանակում է "օջախ, ընտանիք"[1]:

Պատմություն[խմբագրել | խմբագրել կոդը]

Թանգարանը հիմնադրվել է 1825 թվականին լորդ Չարլզ Սոմերսեթի կողմից` դառնալով երկրորդ գիտահետազոտական հաստատությունը երկրում: 1897 թվականից գտնվում է իր ներկայիս տեղում Քամփանի Գարդենում:

Ունի Աֆրիկայում խոշորագույն ցուցադրությունները կենդանաբանության, հնէաբանության և հնագիտության բնագավառում[2]: 20-րդ դարի վերջում թանգարանի բազայի վրա ստեղծվել է թանգարանային համալիր, որի մեջ միավորվել են Քեյփթաունի մի քանի այլ թանգարաններ:

Լայնորեն հայտնի է նաև որպես կրթական և լուսավորչական հաստատություն, որի թանգարանային հավաքածուները ընդգրկում են Հարավային Աֆրիկայի կյանքի անհետացած և ներկայումս գոյություն ունեցող ցուցանմուշներ, բնիկ ժողովուրդների մշակութային ժառանգության առարկաներ, որոնք ուսումնասիրվում են գիտնականների և ուսանողների կողմից և օգտագործվում հասարակական լուսավորչական միջոցառումների և ցուցահանդեսների կազմակերպման նպատակով: Թանգարանային համալիրի կազմում գործում է նաև ժամանակակից աստղադիտարան:

Տարեկան թանգարան են այցելում մոտավորապես 400 հազար մարդ: Համարվում է Քեյփթաուն քաղաքի զբոսաշրջային, տեսարժան վայրերից մեկը: Ֆինանսավորվում է ՀԱՀ Գեղարվեստական մշակույթի գիտության և տեխնիկայի դեպարտամենտի ամենամյա դրամաշնորհի հաշվին: Հետազոտությունները և այլ ծրագրերը իրականացվում են հետազոտական կազմակերպությունների և Քեյփթաուն քաղաքի բյուջեի միջոցների, իսկ առանձին դեպքերում նաև մասնավոր հանգանակությունների հաշվին:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Meaning of Iziko»։ Iziko Museum։ Վերցված է 14 July 2014 
  2. «Iziko South African Museum»։ Iziko Museum։ Արխիվացված է օրիգինալից 28 May 2014-ին։ Վերցված է 14 July 2014 

Արտաքին հղումներ[խմբագրել | խմբագրել կոդը]

Պաշտոնական կայք