Հարաբերական ատոմային զանգված

Տարրի հարաբերական ատոմային զանգված , քիմիական մեծություն, որը ցույց է տալիս թե տվյալ քիմիական տարրը քանի անգամ է մեծ որպես չափանիշ ընդունված ջրածնի հարաբերական ատոմային զանգվածից $Ar(H)=1$ :

Ատոմային հարաբերականություն[խմբագրել | խմբագրել կոդը]

Բոլոր քիմիական տարրերի ատոմները ունեն շատ փոքր զանգված։ Որոշ ֆիզիկոսներ կարողացել են չափել մի շարք քիմիական տարրերի ատոմային զանգվածները, սակայն դրանք շատ փոքր թվեր են։

Օրինակ՝ ածխածին քիմիական տարրի (քիմիական նշանը՝ C, ատոմային թիվն է՝ 6) հարաբերական ատոմային զանգված C = 0,000 000 000 000 000 000 000 012 գ։ Քանի որ այս թիվը շատ փոքր է դժվար է նրանով հաշվարկներ կատարել և կիրառության մեջ է դրվել Հարաբերական ատոմային զանգված մեծությունը, որը ցույց է տալիս թե տվյալ տարրը (Ածխածին), քանի անգամ է մեծ ջրածնի հարաբերական ատոմային զանգվածից (Ar)։

Հարաբերական ատոմային զանգվածի չափման մեծությունը ջրածնի Հարաբերական ատոմային զանգվածն է, որը հավասար է 1-ի։ Քանի որ ածխածնի ատոմների զանգվածը 12 անգամ ծանր է հիդրոգենիումի ատոմների զանգվածից, հետևաբար $Ar(C)=12$

Հարաբերական ատոմային զանգված կամ Ar է կոչվում այն քիմիական մեծությունը, որը ցույց է տալիս թե քանի անգամ է տարրի ատոմների զանգվածը մեծ ջրածնի հարաբերական ատոմային զանգվածից

Հարաբերական ատոմային զանգվածը չափողականություն չունի, այն հարաբերական մեծություն է։

Ատոմի զանգվածը՝ զանգվածի ատոմային միավորներով արտահայտված, և ատոմի հարաբերական ատոմային զանգվածը թվային արժեքով միմյանց հավասար են։

Քիմիական տարրի հարաբերական ատոմային զանգվածն իմանալով՝ կարող ենք որոշել տարրի մեկ ատոմի իրական զանգվածը։ Այդ նպատակով տարրի հարաբերական ատոմային զանգվածը բազմապատկում ենք զանգվածի ատոմային միավորով։

Բոլոր տարրերի հարաբերական ատոմային զանգվածները ներկայացված են Մենդելեևի քիմիական տարրերի պարբերական համակարգում։ Գործնականում օգտվում են հարաբերական ատոմային զանգվածների՝ մինչև ամբողջ թիվ կլորացված արժեքներից, բացառությամբ քլորի, որի ատոմային զանգվածի հարաաբերական արժեքը հավասար է 35,5-ի։

Յուրաքանչյուր քիմիական տարր ունի հարաբերական ատոմային զանգվածի որոշակի արժեք

Տես նաև[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]