Հասմիկ Փիլիպոսյան
| Հասմիկ Փիլիպոսյան | |
|---|---|
| Ծնվել է | մարտի 20, 1943 (81 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն | .svg){kind=small} Հայկական ԽՍՀ և  Հայաստան |
| Կրթություն | Սանկտ Պետերբուրգի գեղարվեստի ակադեմիա և ՀՀ ԳԱԱ արվեստի ինստիտուտ |
| Գիտական աստիճան | արվեստագիտության թեկնածու և պրոֆեսոր (1996) |
| Մասնագիտություն | արվեստաբան |
| Անդամություն | Հայաստանի ժուռնալիստների միություն և Հայաստանի նկարիչների միություն |
Հասմիկ Փիլիպոսյան (մարտի 20, 1943, Երևան, Հայկական ԽՍՀ, ԽՍՀՄ), հայ արվեստաբան, արվեստագիտության թեկնածու (1978)։ Հայաստանի ժուռնալիստների և նկարիչների միությունների անդամ։
Կենսագրություն[խմբագրել | խմբագրել կոդը]
Հասմիկ Փիլիպոսյանը ծնվել է 1943 թվականին Երևանում։ 1962-1968 թվականներին սովորել է Սանկտ Պետերբուրգի գեղարվեստի ակադեմիայի արվեստի պատմության և տեսության բաժնում, 1971-1974 թվականներին՝ ՀՀ ԳԱԱ արվեստի ինստիտուտի ասպիրանտուրայում։ 1968-1971 թվականներին եղել է Հայաստանի Նախարարների խորհրդին առընթեր հեռուստատեսության և ռադիոհաղորդումների պետական կոմիտեի հեռուստատեսության ստուդիայի խմբագիր, արվեստի հաղորդումների հեղինակ և վարող, 1974-1981 թվականներին՝ Հայաստանի լուսավորության նախարարության մանկավարժական գիտությունների գիտահետազոտական ինստիտուտի գեղագիտական դաստիարակության բաժնի վարիչ, 1976-1997 թվականներին դասավանդել է Երևանի գեղարվեստա-թատերական ինստիտուտում, 1986 թվականից՝ դոցենտ, 1996 թվականից` պրոֆեսոր, 1991-1996 թվականներին՝ նույն բուհի արվեստի պատմության և տեսության ամբիոնի վարիչ։ 1997 թվականից արվեստի պատմություն և մշակույթ է դասավանդել Երևանի մի շարք բուհերում։ «Հայաստան-Շվեդիա» ընկերության նախագահն է[1]։
Ստեղծագործական գործունեություն[խմբագրել | խմբագրել կոդը]
Հեղինակ է Հայաստանի մշակույթի և արվեստի խնդիրներին նվիրված գիտական հոդվածների, հրապարակումների, 1971-1974 թվականներին հեղինակել է Երվանդ Քոչարի արվեստի առաջին ամբողջական գիտական ուսումնասիրությունը։ 1974 թվականից գիտական հետազոտություններ է կատարել դպրոցականների գեղագիտական դաստիարակության նոր համակարգի ներդրման ոլորտում` գեղագիտական առարկաների ծրագրերի բարելավում, համամիութենական ծրագրերի տեղայնացում, նորերի ստեղծում[2]։
Հեռուստատեսություն[խմբագրել | խմբագրել կոդը]
1968-1982 թվականներին հեղինակել է հայկական հեռուստատեսության «Մի ստեղծագործության պատմություն», «Նկարիչն ու ժամանակը», «Աշխարհի նշանավոր թանգարանները» գիտահանրամատչելի հաղորդումների սցենարները, եղել է հաղորդավար։
Երկեր[խմբագրել | խմբագրել կոդը]
- Հակոբ Գյուրջյան, Երևան, ՀԱՊ, 2007, 93 էջ։
- Հայկական քանդակագործություն, Երևան, ՀԱՊ, 2004, 136 էջ։
Հոդվածներ[խմբագրել | խմբագրել կոդը]
- Արարատ Աղասյան. Սիմվոլիզմն ու Մարտիրոս Սարյանի ստեղծագործությունը, «Պատմաբանասիրական հանդես», Երևան, 2012, ՀՀ ԳԱԱ. Էջ 220-225։
- Երվանդ Քոչարն ու «Սասունցի Դավիթ» էպոսը, «Հումանիտար գիտությունների արդի հիմնախնդիրները Հայաստանում» գիտական հոդվածների ծողովածու, Երևան, 2011, «Գլաձոր», էջ 462 – 479:
- Երվանդ Քոչարն ու մոդեռնիզմի մշակույթը, «Պետություն, պատմություն, տնտեսություն, մշակույթ» գիտական հոդվածների ժողովածու, Երևան, 2009, «Գլաձոր», էջ 457 – 468:
- Հակոբ Գյուրջյանի արվեստը, «Գլոբալացվող աշխարհը և հումանիտար կրթության ու գիտության հիմնախնդիրները Հայաստանի Հանրապետությունում» գիտական հոդվածների ժողովածու, Երևան, 2007, էջ 318 – 342:
- Հայկական քանդակի զարգացման ուղիները, «Հումանիտար գիտությունների արդի հիմնախնդիրները Հայաստանում» գիտական հոդվածների ժողովածու, Երևան, 2005, էջ 274 – 293:
Ծանոթագրություններ[խմբագրել | խմբագրել կոդը]
- ↑ Baghdasaryan, Aram. «AV Production - Հասմիկ Փիլիպոսյան». avproduction.am. Վերցված է 2017 թ․ մարտի 20-ին.(չաշխատող հղում)
- ↑ «Հասմիկ Սուրենի Փիլիպոսյան». ysu.am (անգլերեն). Արխիվացված է օրիգինալից 2017 թ․ հոկտեմբերի 20-ին. Վերցված է 2017 թ․ մարտի 20-ին.