Հասմիկ Ղազինյան
 | |
|---|---|
| Ծնվել է | ապրիլի 19, 1955 (69 տարեկան) |
| Ծննդավայր | Ոսկեվան, Նոյեմբերյանի շրջան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | Երևանի Մխիթար Հերացու անվան Պետական Բժշկական Համալսարան (1978) |
| Մասնագիտություն | բժիշկ և լյարդաբան |
| Գիտական աստիճան | բժշկական գիտությունների թեկնածու |
| Աշխատավայր | Ակադեմիկոս Սուրեն Ավդալբեկյանի անվան առողջապահության ազգային ինստիտուտ |
Հասմիկ Լևոնի Ղազինյան (ապրիլի 19, 1955, Ոսկեվան, Նոյեմբերյանի շրջան, Հայկական ԽՍՀ, ԽՍՀՄ), հայ բժիշկ, լյարդաբան։ Բժշկական գիտությունների թեկնածու[1]։ Հայաստանի հեպատոլոգիական ասոցիացիայի նախագահ։ ՀՀ առողջապահության նախարարության գլխավոր լյարդաբան (2016)։ Բնական գիտությունների Եվրոպական ակադեմիայի գործող անդամ (2016)[2]։
Կենսագրություն[խմբագրել | խմբագրել կոդը]
Ծնվել է 1955 թվականի ապրիլի 19-ին, Նոյեմբերյանի շրջանի Ոսկեվան գյուղում։ 1962-1972 թվականներին սովորել է Ոսկևան գյուղի միջնակարգ դպրոցում։ 1972-1978 թվականներին սովորել է Երևանի պետական բժշկական համալսարանում, 1978-1979 թվականներին՝ նույն համալսարանի ինտերնատուրայում՝ ստանալով բժիշկ-վարակաբանի որակավորում[3]։
1979-1986 թվականներին աշխատել է Երևանի թիվ 1 ինֆեկցիոն կլինիկական հիվանդանոցում՝ որպես բժիշկ-օրդինատոր։ Սուրբ Թերեզայի անվան բժշկական համալսարանի Համաճարակաբանության և ինֆեկցիոն հիվանդությունների ամբիոնի վարիչն է, 1986 թվականից՝ «Նորք» ինֆեկցիոն հիվանդանոցի հեպատոլոգիայի բաժանմունքի վարիչ[4][5]։
Մասնագիտական վերապատրաստման դասընթացներ է անցել Ազգային առողջապահության ինստիտուտի ինֆեկցիոն հիվանդությունների ամբիոնում (1987) և ինֆեկցիոն հիվանդությունների դասընթաց Նյու Յորքի Ալբանի բժշկական կենտրոնում (1996)[6]։
Պարգևներ[խմբագրել | խմբագրել կոդը]
- Գետաշենից տարհանած ազգաբնակչության բժշկական օգնություն ցուցաբերելու համար Երևանի քաղաքապետարանի առողջապահության վարչության շնորհակալագիր, 1992
- ՀՀ առողջապահության նախարարության պատվոգիր՝ առողջապահության համակարգում երկարատև և բարեխիղճ աշխատանքի համար, 2010
- Ռուդոլֆ Վիրխովի անվան շքանշան՝ Բնական գիտությունների եվրոպական ակադեմիայի կողմից, 2016
Ծանոթագրություններ[խմբագրել | խմբագրել կոդը]
- ↑ «Ղազինյան, Հասմիկ Լևոնի (2010) Հեպատիտ B և C վիրուսային ինֆեկցիաների տարածվածությունը Հայաստանի Հանրապետությունում չարորակ ուռուցքներով հիվանդների մոտ և լյարդի ախտահարումը քիմիաթերապիայի ընթացքում. PhD thesis, Ս. Խ. Ավդալբեկյանի անվան առողջապահության ազգային ինստիտուտ». Արխիվացված է օրիգինալից 2020 թ․ նոյեմբերի 25-ին. Վերցված է 2020 թ․ ապրիլի 4-ին.
- ↑ «Казинян Асмик Левоновна - Europäische Akademie der Naturwissenschaften». eanw.info. Վերցված է 2020 թ․ ապրիլի 4-ին.
- ↑ Հասմիկ Լևոնի Ղազինյան
- ↑ «Հասմիկ Ղազինյան». www.med-practic.com. Վերցված է 2020 թ․ ապրիլի 4-ին.
- ↑ «Հասմիկ Լևոնի Ղազինյան - Best Group». bestgroup.am. Վերցված է 2020 թ․ ապրիլի 4-ին.
- ↑ «Казинян Асмик Левоновна — Энциклопедия фонда «Хайазг»». ru.hayazg.info. Վերցված է 2020 թ․ ապրիլի 4-ին.