Համլետ Ավետիսյան
- Վիքիպեդիայում կան հոդվածներ Ավետիսյան ազգանունով այլ մարդկանց մասին։
Անվան այլ կիրառումների համար տե՛ս՝ Համլետ Ավետիսյան (այլ կիրառումներ)
| Համլետ Ավետիսյան | |
|---|---|
| Ծնվել է | ապրիլի 21, 1955 |
| Մահացել է | հունիսի 27, 1993 (38 տարեկան) |
Համլետ Խորենի Ավետիսյան (ապրիլի 21, 1955 - հունիսի 27, 1993), հայ ազատամարտիկ, Արմավիրի ստորաբաժանում։
Կենսագրություն[խմբագրել | խմբագրել կոդը]
Համլետ Ավետիսյանը ծնվել է 1955 թվականի ապրիլի 21-ին Արմավիրի Հոկտեմբերյանի շրջանի Արևիկ գյուղում։ 1972 թվականին ավարտել է Արևիկ գյուղի միջնակարգ դպրոցը, ծառայել նախկին սովետական բանակում։ 1979 թվականին ընդունվել է Երևանի էլեկտրամեխանիկական տեխնիկումը՝ տեխնիկ-էլեկտրիկի մասնագիտությամբ։ Ավարտելուց հետո աշխատել է Հոկտեմբերյան քաղաքի մեքենաշինական գործարանում։ Մահացել է 1993 թվականին։ Ամուսնացած էր, ուներ երկու զավակ։
Մարտական ուղի[խմբագրել | խմբագրել կոդը]
1992 թվականի հոկտեմբերին Համլետ Ավետիսյանը մեկնում է Արցախ՝ մոտոհրաձգային բրիգադի բաժնի պետի պարտականություններով, իսկ դեկտեմբերից հատուկ ծառայության պետ էր։ Նա մասնակցել է Մարտակերտի, Ֆիզուլու, Քելբաջարի կռիվներին։ 1993 թվականին ցուցաբերած ծառայությունների համար նրան շնորհվել է կապիտանի զինվորական աստիճան։ 1993 թվականի հունիսի 27-ին զոհվել է Մարտակերտի շրջանի Մաղավուզ գյուղի պաշտպանության ժամանակ, ականի պայթյունից։ Թաղված է Արևիկ գյուղում[1]։
Ծանոթագրություններ[խմբագրել | խմբագրել կոդը]
- ↑ Ռ. Սահակյան, «Գիրք վշտի և հպարտության» Երևան 1996
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |