Հաղորդակցման ընդունակություններ

Հաղորդակցման ընդունակություններ, ընդունակություններ, որոնք ապահովում են մարդու արդյունավետ շփումը, հաղորդակցումը այլ մարդկանց հետ։

Դրանցից գլխավորներն են.

ա)այլ մարդկանց ճիշտ ընկալելու և հասկանալու, սոցիալական դիտողականության ընդունակությունը, որը պայմանավորված է մարդկանց նկատմամբ ունեցած հետաքրքրությամբ,

բ)արտահայտչական, ինքնադրսևորման ընդունակությունը, իր մտքերն ու զգացմունքները արտահայտել կարողանալը,

գ)հաղորդակցվելու ձևերին ու պայմանականություններին տիրապետելը, նրբանկատությունը և այլ սոցիալական հմտություններ։

Հաղորդակցման ընդունակությունն երբեմն անվանում են նաև սոցիալական ձեռնահասություն (կոմպետենտություն)։ Այն հատկապես անհրաժեշտ է ղեկավարներին, մանկավարժներին, բժիշկներին և մարդկանց հետ ամենօրյա աշխատանք կատարող այլ մասնագետների։

Աղբյուրներ

• Նալչաջյան Ա․ Ա․ (1984 թ.)։ Հոգեբանական բառարան (Լույս ed.)։ Երևան։ էջ 240