ՀՊՃՀ Էներգետիկայի դեպարտամենտ

ՀՊՃՀ-ի Էներգետիկայի ֆակուլտետը հիմնադրվել է 1972 թ.-ին՝ առանձնանալով էլեկտրատեխնիկական ֆակուլտետից։ Ֆակուլտետն ունի 3 ամբիոն՝ ջերմաէներգետիկայի և շրջակա միջավայրի ճարտարագիտական պաշտպանության, էլեկտրաէներգետիկայի, արդյունաբերական ձեռնարկությունների էկոնոմիկայի, կազմակերպման, պլանավորման և էներգետիկայի, որտեղ դասավանդում են 7 պրոֆեսորներ, 30 դոցենտներ, 25 ասիստենտներ և դասախոսներ։

Ընդհանուր տեղեկատվություն[խմբագրել | խմբագրել կոդը]

Գործունեության տարիների ընթացքում ֆակուլտետը ղեկավարել են՝

Լիպարիտ Ղուլոյանը (1972-1978)
Գուրգեն Հայրապետյանը (1978-1981),
Մամիկոն Բուբուշյանը (1981-1986),
Հրանտ Բուռնաչյանը (1986-1987),
Ոստանիկ Մարուխյանը (1987-1990),
Լաերտ Հովհաննիսյանը (1990-1993),
Համբարձում Հովսեփյանը (1993-2012)
Արտակ Ռաֆայելյան (2012 թ.-ից առ այսօր)

Ֆակուլտետի 62 դասախոսներից 39-ը (63%) ունեն գիտական աստիճաններ։ Կրթական 3 ծրագրերի 5 մասնագիտությունների գծով սովորում են 656 ուսանող, 69 մագիստրանտ, 14 ասպիրանտ։ Ֆակուլտետի հիմնական գիտահետազոտական ուղղություններն են՝ ջերմային և ատոմային էլեկտրակայանների տեխնոլոգիական սխեմաների կատարելագործում, էլեկտրակայանների շահագործման և աշխատանքային ռեժիմների լավարկում, էլեկտրաէներգետիկական համակարգերի կայունացված և օպտիմալ ռեժիմների, էներգախնայողության հիմնահարցերի ուսումնասիրում, էլեկտրակայանների վնասակար արտանետումներից շրջակա միջավայրի ճարտարագիտական պաշտպանության միջոցառումների մշակում, էներգախնայողական տեխնոլոգիաների և սարքավորումների մշակում։ Ֆակուլտետում դասավանդում են գիտությունների 5 պրոֆեսոր՝ տ.գ.դ., 3 պրոֆեսոր՝ տ.գ.թ., 30 դոցենտ՝ տ.գ.թ., 2 դոցենտ, 6 ասիստենտ՝ տ.գ.թ.։

Արտաքին հղումներ[խմբագրել | խմբագրել կոդը]

Հայաստանի պետական ճարտարագիտական համալսարանի կայք էջը Արխիվացված 2012-01-22 Wayback Machine