Ջերմաէներգետիկա

Վիքիպեդիայից՝ ազատ հանրագիտարանից
Jump to navigation Jump to search

Ջերմաէներգետիկա, ջերմատեխնիկայի ճյուղ, զբաղվում է ջերմությունը մեխանիկական և էլեկտրական էներգիաների փոխակերպելու հարցերով։

Ջերմաուժային տեղակայանքներում արտադրվում է մեխանիկական էներգիա, որն օգտագործվում է աշխատող մեքենաների (մետաղահատ հաստոցներ, ավտոմոբիլներ, կոնվեյերներ) հաղորդակներում։

Էլեկտրական էներգիա ստանալու համար ջերմաուժային տեղակայանքները համալրում են էլեկտրագեներատորով, որտեղ մեխանիկական էներգիան փոխակերպվում է էլեկտրականի։ Ջերմության հաշվին էլեկտրական էներգիա ստացվում է ջրային շոգիով աշխատող ջերմաէլեկտրակայաններում, ատոմային է էլեկտրակայաններում և գազատուրբինային էլեկտրակայաններում։

Այն տեղակայանքները, որտեղ ջերմության փոխակերպումը էլեկտրական էներգիայի իրականացվում է առանց էլեկտրամեխանիկական գեներատորների, կոչվում են էներգիայի ուղղակի փոխակերպման տեղակայանքներ։ Դրանց թվին են պատկանում մագնիսահիդրոդինամիկական գեներատորները, ջերմաէլեկտրական գեներատորները, ջերմաէլեկտրոնային գեներատորները։

Տես նաև[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png