Կրոնշտադտի պատմության թանգարան
Կրոնշտադտի պատմության թանգարան | |
---|---|
Տեսակ | թանգարան |
Երկիր | Ռուսաստան |
Տեղագրություն | Կրոնշտադտ |
Վայր | Կրոնշտադտ |
Կայք | visitkronshtadt.ru |
Կրոնշտադտի պատմության թանգարան (ռուս.՝ Музей истории Кронштадта), թանգարան Կրոնշտադտում (Ռուսաստան)։ Գոյություն ունի 1991 թվականից։ 2006 թվականից տեղակայվում է քաղաքային ջրմուղի պատմական աշտարակում, որը կառուցվել է 1836-1839 թվականներին։ Աշտարակը մշակութային ժառանգության դաշնային նշանակության օբյեկտ է[1]։ Հասցեն՝ Լենինգրադի փողոց, տուն 2։ 2014 թվականից թանգարանի տարածքներին ավելացրել է Յակորնայա հրապարակ, 2ա հասցի պատմական շենքը[2]։
Աշտարակի շենք[խմբագրել | խմբագրել կոդը]
Պատմություն[խմբագրել | խմբագրել կոդը]
Կրոնշտադտի ջրագծի վերակառուցման ծրագիրն ընդունվել է 1827 թվականին։ Շենքը ջրամբարձ մեքենաների համար կառուցվել է 1837-1839 թվականներին ռազմական ինժեներներ Վ. Պ. Լեբեդևի և Տատարինովի նախագծով։ Այնտեղ տեղադրվել էր երկու շոգեմեքենա, յուրաքանչյուրի հզորությունը՝ 8 ձիաուժ։ Մեքենաները ջուրը բարձրացնում էին երկրորդ հարկում գտնվող ջրամբարը, որտեղից էլ ջուրը մղվում էր քաղաքային ցանց։ Ջրի աղբյուր էր ծառայում շենքի հետևում գտնվող լճակը, որը հաղորդակցվում էր Ֆիննական ծոցի հետ։ 1870-ական թվականներին և 1887 թվականին աշտարակի շենքը վերնակառուցվել է[3]։
Ճարտարապետություն[խմբագրել | խմբագրել կոդը]
Աշտարակի շենքը կառուցվել է կլասիցիզմի ոճով։ Վեց սյուներով սյունաշարքը պետք է ներդաշնակի դիմացը կանգնած Սուրբ Եղիսաբեթի կիրկայի հետ։ Վերակառուցման ընթացքում շենքը կորցրել է նախնական գմբեթը, նրա փոխարեն կառուցվել է կամարաձև պատուհաններով վերին հարկ[3]։
Թանգարանի պատմություն[խմբագրել | խմբագրել կոդը]
Թանգարանը գավառագետների քաղաքային ակումբի նախաձեռնությամբ ստեղծվել է Լենինգրադի քաղաքային խորհրդի 1991 թվականի ապրիլի 15-ի թիվ 273 որոշմամբ։ Ցուցադրության հիմք են կազմել Յ. Ի. Սպիրիդոնովի, Տ. Ն. Լապինայի, Յ. Ս. Միսոչենկոյի, Վ. Մ. Պիրոգովի, Վ. Ֆ. Կլյուչնիկովի, Լ. Ն. Սերգեևայի և այլ կրոնշտադտցիների իրերի և փաստաթղթերի հավաքածուները։ Հիմնադիրը համարվում է Յուրի Իվանովիչ Սպիրիդոնովը (1931-1998)[4]։
Ցուցադրություն[խմբագրել | խմբագրել կոդը]
Յակորնայա հրապարակում գտնվող նախկին սրճարանի շենքում տեղակայված է «Կրոնշտադտի պատմության երեք դարը» ցուցադրությունը, իսկ Լենինգրադի փողոցում գտնվող աշտարակի շենքում՝ ստորջրյա հնագիտությանը նվիրված «Խորտակված նավերի գաղտնիքները» ցուցադրությունը։ Վերջինում ցուցադրվում են այն առարկաները, որոնք բարձրացվել են խորտակված նավերից։ Սկիզբը դրվել է 2009 թվականին որոնողական արշավախմբերի «Ռուսաստանի ստորջրյա ժառանգություն» նախագծի նյութերով[5]։
Պատկերասրահ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Постановление Правительства РФ от 10.07.2001 № 527 о Перечне объектов исторического и культурного наследия Федерального (Общероссийского) значения, находящиеся в г. СПб.
- ↑ Д. Фазлетдинова (2014 թ․ օգոստոսի 7). «В конце августа откроется музей истории Кронштадта». Карповка. Արխիվացված է օրիգինալից 2018 թ․ հունիսի 19-ին. Վերցված է 2018 թ․ հունիսի 19-ին.
- ↑ 3,0 3,1 «Башня городского водопровода с флигелем - Музей истории Кронштадта». citywalls.ru. Արխիվացված է օրիգինալից 2018 թ․ հունիսի 19-ին. Վերցված է 2018 թ․ հունիսի 18-ին.
- ↑ «Музей истории Кронштадта». museum.ru. Վերցված է 2018 թ․ հունիսի 19-ին.
- ↑ «Музей истории Кронштадта, Якорная площадь, 2А». Музей истории Кронштадта. Վերցված է 2018 թ․ հունիսի 21-ին.
Արտաքին հղումներ[խմբագրել | խմբագրել կոդը]
- «Башня городского водопровода с флигелем - Музей истории Кронштадта». citywalls.ru. Արխիվացված է օրիգինալից 2018 թ․ հունիսի 19-ին. Վերցված է 2018 թ․ հունիսի 18-ին.
Վիքիպահեստն ունի նյութեր, որոնք վերաբերում են «Կրոնշտադտի պատմության թանգարան» հոդվածին։ |