Կրինդաչի առանձնատուն

Վիքիպեդիայից՝ ազատ հանրագիտարանից
Jump to navigation Jump to search
Museum Silhouette.svg
Կրինդաչի առանձնատուն
Տեսակշենք
ԵրկիրFlag of Russia.svg Ռուսաստան
ՏեղագրությունՆովոչերկասկ և Q28651454?
Ճարտարապետական ոճմոդեռն
Ժառանգության կարգավիճակregional cultural heritage site in Russia?
Nuvola apps kview.png Արտաքին պատկերներ
Searchtool.svg Կրինդաչի առանձնատան լուսանկարներ

Կրինդաչի առանձնատուն (ռուս.՝ Особняк Криндача), մշակութային ժառանգության տարածաշրջանային նշանակության օբյեկտ ՌԴ Ռոստովի մարզի Նովոչերկասկ քաղաքում։ Մեկհարկանի տունը գտնվում է Ատամանսկայա փողոց, 46 հասցեում[1]։

Պատմություն[խմբագրել | խմբագրել կոդը]

Առանձնատունը կառուցվել է XX դարի սկզբին։ Պատկանում էր Եգոր Իվանովիչ Կրինդաչին, որը զբաղեցրել է քաղաքացիական գործերով փաստաբանի պաշտոն, ինչպես նաև ժողովրդական լուսավորության ոլորտում զբաղվել է հասարակական աշխատանքով։ Պատմությունը պահպանել է հիշատակում այն մասին, որ Եգոր Կրինդաչը Դոնի մարզի օգտակար գրքերի տարածման ընկերության վարչության անդամ էր։ Ընկերությունը սկսել է գործել 1876 թվականին, իսկ երկու տարի անց վերանվանվել է Դոնի մարզի ժողովրդական կրթության աջակցության ընկերություն։ Եգոր Կրինդաչը ընկերության նախագահի տեղակալի պաշտոնից հասել է նախագահի պաշտոնին (1902)։ Իր գոյության սկզբում կազմակերպությունը զբաղվում էր գրքի պահեստներ և խանութներ բացելով։

1923 թվականից և հետագա տասնամյակների ընթացքում Կրինդաչի առանձնատանը հակատուբերկուլյոզային դիսպանսեր էր։ 1992 թվականին ժողովրդական պատգամավորների Ռոստովի շրջանային խորհրդի որոշման համաձայն շենքը ճանաչվել է մշակութային ժառանգության տարածաշրջանային նշանակության օբյեկտ։ 

XXI դարի սկզբին Կրինդաչի նախկին առանձնատունն աստիճանաբար սկսել է փլուզվել։ 2015 թվականին սկսվեց շենքի վերակառուցումը՝ նրա տեղում երկհարկանի շենք ստեղծելու նպատակով, որը պետք է ծառայի 30-տեղանոց հյուրանոցի կարիքների համար։ Աշխատանքները որոշվել էր իրականացնել՝ հաշվի առնելով առաջին հարկի գլխավոր ճակատը պահպանելու մասին որոշումը[1]։ Նոր հյուրանոցն անվանվել է «Պլատով»։ Հյուրանոցի պաշտոնական բացումից որոշ ժամանակ առաջ՝ 2015 թվականի դեկտեմբերի վերջին, շենքում հրդեհ է բռնկվել, որը հաջողվել է չեզոքացնել[2]։

Նկարագրություն[խմբագրել | խմբագրել կոդը]

Կրինդաչի առանձնատունը կառուցվել է մոդեռն ոճով։ Տունը մեկհարկանի է՝ համաչափ ճակատով, որի կենտրոնում գտնվում է մուտքը։ Քիվը զարդարված է աղեղնաձև ներդիրներով։ Քիվի վերևում կառուցվել են ատտիկոսներ և ճաղաշար[1]։

Ծանոթագրություններ[խմբագրել | խմբագրել կոդը]