Կռասնի Խոլմ

Բնակավայր
	ռուս.՝ Красный Холм
	Զինանշան
Երկիր	Ռուսաստան
Հիմնադրված է	1518 թ.
ԲԾՄ	150 մետր
Բնակչություն	▼3125 մարդ (հունվարի 1, 2021)
Ժամային գոտի	UTC+3
Հեռախոսային կոդ	48237
Փոստային դասիչ	171660
	Կռասնի Խոլմ (Ռուսաստան)
	Կռասնի Խոլմ (Ռուսաստան)
	Կռասնի Խոլմ Վիքիպահեստում

Կռասնի Խոլմ, (ռուս.՝ Кра́сный Холм), քաղաք (1776 թվականից^[1]) Ռուսաստանի Տվերի մարզում։

Կրասնոխոլմսկի շրջանի կենտրոնը, որի կազմում 2 գյուղական բնակավայրերի հետ միասին կազմում է Կռասնի Խոլմի քաղաքային միավորումը` քաղաքային բնակավայրի կարգավիճակով^[2]։

Բնակչությունը կազմում է 5140 մարդ։

2020 թվականի մայիսին Կրասնոխոլմսկի ադմինիստրատիվ շրջանի` օկրուգ դառնալու պատճառով^[3] շրջանային նշանակության Կռասնի Խոլմ քաղաքին տրվել է օկրուգային նշանակության քաղաք կարգավիճակը^[4]։

Աշխարհագրություն[խմբագրել | խմբագրել կոդը]

Քաղաքը գտնվում է Նելեդինա գետի վրա, Տվերից 176 կմ հյուսիս-արևելք։

Կռասնի Խոլմով անցնում է Մոսկվա-Սավյոլովո-Կալյազին-Սոնկովո-Պեստովո-Սանկտ-Պետերբուրգ երկաթուղին։ Ավտոճանապարհները քաղաքը կապում են Սոնկովոյի, Վեսյեգոնսկու, Բեժեցկի, Մոլոկովոյի հետ։

Պատմություն[խմբագրել | խմբագրել կոդը]

Կռասնի Խոլմ քաղաքը սկզբում եղել է առևտրային գյուղ` Սպաս անունով։ Փաստագրական ժամանակներում գյուղն առաջին անգամ հիշատակվել է 1518 թվականին, երբ Կալուգայի իշխան Սիմեոն Իվանովիչն այն նվիրել է Անտոնիև վանքին։ 1764 թվականին կայսրուհի Եկատերինա II-ը հրաման է արձակել վանական հողերը բռնագրավելու մասին, և բլրի վրա գտնվող Սպաս գյուղը դադարել է լինել վանական կալվածք և անցել է խնայողական տնտեսությանը։ 1776 թվականի հունվարին գյուղն ստացել է նոր անուն՝ «Կռասնի Խոլմ», միարժամանակ փոխվելով Տվերի նահանգի քաղաքի և կենտրոնի։ Քաղաքի անվան ծագման մասին լեգենդ կա։ Այն ասում է, որ ժամանակին կայսրուհին, անցնելով այս վայրով, զարմանում է գեղեցկությամբ և քանի որ քաղաքը, որը գտնվում էր բլրի վրա, աչքի էր ընկնում կանաչապատմամբ և ծաղիկներով, կայսրուհին հրամայում է այսուհետ այն անվանել՝ Կարմիր (ռուս.՝ Красный), ինչը նշանակում է Գեղեցիկ բլուր. 1780 թվականի հոկտեմբերի 10-ին հաստատվել է Կռասնի խոլմի զինանշանը^[5]։

1796 թվականից Կռասնի Խոլմը դարձել է Տվերի նահանգի երկրորդային գավառ, նախ` Բեժեցկի ուեզդի, իսկ հետո Վեսիեգոնսկի ուեզդի մաս։

Կռասնի Խոլմի բնակիչները զբաղվում էին գյուղատնտեսությամբ և արհեստներով. իրականացվել է կարևոր առևտուր (սպիտակեղեն, ձու, մորթի, կաշի, կոշիկ)։ Քաղաքում և գյուղացիների շրջանում զարգացած էր կոշիկի արհեստը և կաշվե արտադրությունը^[6]։

1929 թվականից քաղաքը Մոսկվայի մարզի Կրասնոկխոլմսկի շրջանի, 1935 թվականից՝ Կալինինի մարզի, 1990 թվականից` Տվերի մարզի կենտրոնն է։

Արդյունաբերություն[խմբագրել | խմբագրել կոդը]

Քաղաքի հիմնական արդյունաբերական ձեռնարկությունը Կռասնի Խոլմի էլեկտրամեխանիկական գործարանն է։ Կան անտառային, տեքստիլ և սննդի արդյունաբերական ձեռնարկություններ։

Մշակույթ և հանգիստ[խմբագրել | խմբագրել կոդը]

Կռասնի Խոլմում են գտնվում մշակութային ժառանգության տասներեք հուշարձաններ, որոնք ունեն դաշնային նշանակություն, և բացի դրանից, տեղական նշանակության քառասուն լրացուցիչ օբյեկտներ վերագրվում են մշակութային և պատմական ժառանգությանը։ Դաշնային հուշարձանները Կրասնոխոլմի Անտոնիևյան վանքի կառույցներն են։ Մոլագա գետի ափին, քաղաքից երկու մղոն հեռավորության վրա գտնվում են Անտոնիևյան վանքի ավերակները։

Վանքը կառուցվել է Անդրեյ Բոլշոյի կողմից, 1481 թվականին, օծվել է 1493 թվականին և միայն կես դար անց վերակառուցվել է կրաքարով։ Այս կառույցը համարվում է շրջանում ամենահինը, որը բոլշևիկները վերածել են ավերակների, որը մինչև հիմա կանգնած է առանց տանիքի և շարունակում է քանդվել։

Եկեղեցին, ինչպես նաև տասնյոթերորդ դարի պատերը և բանտախցերը կամ ավերվել են, կամ դարձել են անճանաչելի։ Շրջանի թանգարանը, որը գտնվում է Կռասնի Խոլմում. կառուցվել է 1964 թվականին։ Այն ունի ցուցադրություններ տեղի պատմության մասին։

Նշանավոր մարդիկ[խմբագրել | խմբագրել կոդը]

Կռասնի Խոլմը խորհրդային շրջանի ամենահայտնի թերապևտներից Օլեգ Լոմակինի և Ալեքսանդր Մյասնիկովի ծննդավայրն էր։

Ծանոթագրություններ[խմբագրել | խմբագրել կոդը]

↑ СССР. Административно-территориальное деление союзных республик на 1 января 1980 года / Сост. В. А. Дударев, Н. А. Евсеева. — М.: Известия, 1980. — 702 с. — С. 133.
↑ «Закон Тверской области от 28 февраля 2005 года N 32-зо «Об установлении границ муниципальных образований, входящих в состав территории муниципального образования Тверской области "Краснохолмский район", и наделении их статусом городского, сельского поселения»»։ Արխիվացված է օրիգինալից 2019-09-24-ին։ Վերցված է 2020-06-26
↑ Закон Тверской области от 23.04.2020 № 22-ЗО
↑ Закон Тверской области от 23.04.2020 № 23-ЗО
↑ Высочайше утверждённый доклад Сената — О гербах городов Тверского наместничества. 10 октября 1780 года // Полное собрание законов Российской империи. — 1780. — Том 20. — Закон № 15073.
↑ «Красный-Холм»։ Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ)։ Սանկտ Պետերբուրգ։ 1890–1907

Արտաքին հղումներ[խմբագրել | խմբագրել կոդը]

[1] СССР. Административно-территориальное деление союзных республик на 1 января 1980 года / Сост. В. А. Дударев, Н. А. Евсеева. — М.: Известия, 1980. — 702 с. — С. 133.

[2] «Закон Тверской области от 28 февраля 2005 года N 32-зо «Об установлении границ муниципальных образований, входящих в состав территории муниципального образования Тверской области "Краснохолмский район", и наделении их статусом городского, сельского поселения»»։ Արխիվացված է օրիգինալից 2019-09-24-ին։ Վերցված է 2020-06-26

[Закон_Тверской_области_от_23.04.2020_№_22-ЗО-3] Закон Тверской области от 23.04.2020 № 22-ЗО

[Закон_Тверской_области_от_23.04.2020_№_23-ЗО-4] Закон Тверской области от 23.04.2020 № 23-ЗО

[5] Высочайше утверждённый доклад Сената — О гербах городов Тверского наместничества. 10 октября 1780 года // Полное собрание законов Российской империи. — 1780. — Том 20. — Закон № 15073.

[6] «Красный-Холм»։ Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ)։ Սանկտ Պետերբուրգ։ 1890–1907

[1]

[2]

[3]

[4]

[5]

[6]