Կոնտրապունկտ

Կոնտրապունկտ (գերմ.՝ kontrapunkt, լատիներեն՝ punctum contra punctum — կետ կետի դիմաց, այսինքն՝ նոտա նոտայի դիմաց, հետագայում՝ մեղեդի մեղեդու դիմաց)

1. երաժշտագիտության մեջ ուսմունք ներդաշնակ ամբողջականություն կազմող մի քանի ինքնուրույն մեղեդիների միաժամանակյա զուգակցման մասին։ Մեղեդիների զուգակցման հնարավոր ձևերի տեսակետից լինում է պարզ և բարդ։ Վերջին դեպքում հնարավոր են անփոփոխ մեղեդիների նոր ածանցյալ հարաբերակցություններ՝ ուղղաձիգ (ըստ ներգրաված մեղեդիների քանակի այսպիսի Կոնտրապունկտը լինում է կրկնակի, եռակի, քառակի և այլն), հորիզոնական, կրկնակի շարժմամբ և շրջվող։
2. Պոլիֆոնիկ երկերում՝ թեմայի հետ հնչող մեղեդի։
3. Բազմաձայնություն, բաղկացած մի քանի ինքնուրույն մեղեդիների միաժամանակյա հնչողությունից։
4. Երաժշտական տեսության գլխավոր բաժիններից (ԽՍՀՄ-ում կոչվել է պոլիֆոնիա)։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 583)։