Կոնստանտին Օրբելյան փողոց (Երևան)
| Կոնստանտին Օրբելյան փողոց | |
|---|---|
| Քաղաք |  Երևան |
| Համայնք(ներ) | Կենտրոն վարչական շրջան |
| Երկարություն | 290 |
| Սկիզբ | Էդվարդ Միրզոյան փողոց |
| Ավարտ | Լեոնիդ Ազգալդյան փողոց |
Կոնստանտին Օրբելյան փողոց, փողոց Երևանի Կենտրոն վարչական շրջանում։ Անվանվել է հայ կոմպոզիտոր, դիրիժոր, ՀԽՍՀ և ԽՍՀՄ ժողովրդական արտիստ Կոնստանտին Օրբելյանի պատվին։
Տվյալներ[խմբագրել | խմբագրել կոդը]
Կոնստանտին Օրբելյանի անունով կոչվել է Վերին Անտառային փողոցի թիվ 150/17 հասցեից մինչև թիվ 174/10 հասցե ձգվող հատվածը։ Փողոցը սկսվում է Էդվարդ Միրզոյան փողոցից, ձգվում հարավարևմտյան ուղղությամբ և հատվում Լեոնիդ Ազգալդյան փողոցին[1]։ Հատող փողոցներ չունի։ Փողոցի երկարությունը 290 մետր է։
Փողոցն անվանակոչվել է Երևանի ավագանու 2022 թվականի հունիսի 21-ի թիվ 607-Ն որոշմամբ[1]։
Որոշման հիմնավորում[խմբագրել | խմբագրել կոդը]
Հաշվի առնելով երաժշտի մեծ ավանդը և ղեկավարվելով «Երևան քաղաքում տեղական ինքնակառավարման մասին» օրենքի 12-րդ հոդվածի 1-ին մասի 23-րդ կետի դրույթներով, ինչպես նաև Հայաստանի Հանրապետության կառավարության 2005 թվականի դեկտեմբերի 29-ի N2387-Ն որոշմամբ հաստատված կարգի 4-րդ կետով՝ Երևանի ավագանին քննարկել է փողոցն անվանափոխելու որոշման նախագիծը[2] և հաստատել[1]։